ଓଡ଼ିଶା ତାଜା ନ୍ୟୁଜ (୨୨ ସେପ୍ଟେମ୍ବର ମଙ୍ଗଳବାର) ହିଞ୍ଜିଳିକାଟୁ :– ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଅଂଚଳରେ ମଙ୍ଗଳବାର ଶୋକର ଛାୟା ଖେଳିଯାଇଛି । ମହାମାରୀ କରୋନାରେ ଆକ୍ରାନ୍ତ ହୋଇ ପୁଣି ଜଣେ ସ୍ଥାନୀୟ ଅଂଚଳର କରୋନା ଯୋଦ୍ଧାଙ୍କ ମୃତ୍ୟୁ ଘଟିଛି । ମୃତକ ଜଣକ ଦୈନିକ ଓଡ଼ିଆ ଖବରକାଗଜର ସମାଜର ସାମ୍ବାଦିକ ନିଳୟ ରଞ୍ଜନ ପଟ୍ଟନାୟକ (ଲିଟୁ) । ସେ ଗତ କିଛି ଦିନ ଧରି ଗଳା କର୍କଟ ରୋଗରେ ଆକ୍ରାନ୍ତ ହୋଇ ରାଜଧାନୀ ଭୂବନେଶ୍ୱର ସ୍ଥିତ ଏକ ଘରୋଇ ହସପିଟାଲରେ ଚିକିତ୍ସିତ ହୋଇ ଆସୁଥିଲେ । ସୁସ୍ଥ ହୋଇ ଘରକୁ ଫେରିବାର କିଛି ଦିନ ପରେ ପୁଣି ଥରେ ଅସୁସ୍ଥତା ଅନୁଭବ କରିବାରୁ ପୁଣିଥରେ ଭୂବନେଶ୍ୱର ସ୍ଥିତ ଏକ ଘରୋଇ ହସପିଟାଲରେ ଚିକିତ୍ସା ସକାଶେ ଭର୍ତି ହୋଇଥିଲେ । ନମୁନା ପରୀକ୍ଷା ପରେ କରୋନା ସଂକ୍ରମିତ ଥିବା ଜଣାପଡ଼ିଥିଲା । ତେବେ ଚିକିତ୍ସାଧିନ ସମୟରେ ସୋମବାର ବିଳମ୍ବିତ ରାତିରେ ମୃତ୍ୟୁ ଘଟିଥିବା ପରିବାର ପକ୍ଷରୁ ସୂଚନା ମିଳିଛି ।
ପୂର୍ବରୁ ସ୍ୱର୍ଗତ ପଟ୍ଟନାୟକ ହିଞ୍ଜିଳି ଅଂଚଳ ସକାଶେ ଦୈନିକ ଓଡ଼ିଆ ଖବରକାଗଜ ସମ୍ବାଦର ପ୍ରତିନିଧି ଭାବେ କାର୍ଯ୍ୟ କରି ଆସୁଥିଲେ । ଗତ ଜୁଲାଇ ୧୧ ତାରିଖରେ ସ୍ୱର୍ଗତ ପଟ୍ଟନାୟକଙ୍କ ସାନ ଭାଇ ରାଜ୍ୟର ପ୍ରଥମ କରୋନା ଯୋଦ୍ଧା ତଥା ସାମ୍ବାଦିକ ଓ ସମାଜ ଖବରକାଗଜର ହିଞ୍ଜିଳି ପ୍ରତିନିଧି ପ୍ରିୟଦର୍ଶୀ ପଟ୍ଟନାୟକ ମୃତ୍ୟୁ ପରେ ହିଞ୍ଜିଳି ଅଂଚଳ ସକାଶେ ପ୍ରତିନିଧି ଭାବେ ଗତ କିଛି ଦିନ ଧରି କାର୍ଯ୍ୟ କରୁଥିବାର ଜଣାପଡ଼ିଛି । ସ୍ୱର୍ଗତ ପଟ୍ଟନାୟକଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ସ୍ଥାନୀୟ ଅଂଚଳରେ ଶେକାର ଛାୟା ଖେଳିଯାଇଛି । ମୃତ୍ୟୁ ଖବର ପ୍ରଚାରିତ ହେବା ପରେ ବରିଷ୍ଟ ବିଜେପି ନେତା ପୂର୍ବତନ ରାଜ୍ୟ ଉପସଭାପତି ଦେବାନନ୍ଦ ମହାପାତ୍ର ଓ ବହୁ ବିଶିଷ୍ଟ ବ୍ୟକ୍ତି ମୃତକଙ୍କ ପରିବାରଙ୍କୁ ଭେଟି ଗଭୀର ସମବେଦନଦା ଜଣାଇବା ସହ ଅମର ଆତ୍ମାର ସଦଗତି ସକାଶେ ପ୍ରାର୍ଥନା କରିଛନ୍ତି । ୩ମାସ ପୂର୍ବରୁ ସାନଭାଇଙ୍କ ମୃତ୍ୟୁ ଘଟିଥିବା ବେଳେ ସୋମବାର ବିଳମ୍ବିତ ରାତିରେ ମଝ୍ରିଆ ଭାଙ୍କ ମୃତ୍ୟୁ ଘଟିବା ପରେ ପରିବାରରେ ଦୁଃଖର କଳାବାଦଲ ଘୋଟି ଆସିଛି । (ହିଞ୍ଜିଳିକାଟୁ/ଶୁସାନ୍ତ ପ୍ରଧାନ)
