ଓଡ଼ିଶା ତାଜା ନ୍ୟୁଜ (୨୧ ସେପ୍ଟେମ୍ବର ସୋମବାର) ଭୁବନେଶ୍ୱର ,ମାଞ୍ଚେଷ୍ଟର/ ଦୁବାଇ/ ବେଙ୍ଗାଲୁରୁ/ ନୂଆଦିଲ୍ଲୀ, (ଓଡ଼ିଆ ପୁଅ) :- ପଶ୍ଚିମ ଓଡ଼ିଶାର ମହାନ ଓ ମର୍ଯ୍ୟାଦାଜନକ କଳା, ସଂସ୍କୃତି, ଐତିହ୍ୟ ଓ ପର୍ଯ୍ୟଟନର ଭଣ୍ଡାରକୁ ଆନ୍ତର୍ଜାତିକ ସ୍ତରରେ ବ୍ୟପକ ଭାବେ ପ୍ରଚାର, ପ୍ରସାର ଓ ଲୋକପ୍ରିୟ କରାଯିବାର ଆବଶ୍ୟକତା ରହିଥିବା କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ ଓ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମତ ପ୍ରକାଶ କରିଛନ୍ତି। ଗ୍ଲୋବାଲ ୱେଷ୍ଟର୍ଣ୍ଣ ଓଡ଼ିଶା (ଗ୍ଲୋଅ) ଦ୍ୱାରା ଆନ୍ତର୍ଜାତିକ ସ୍ତରରେ ପ୍ରଥମଥର ପାଇଁ ଆୟୋଜିତ ଅନଲାଇନ ନୂଆଖାଇ ମହୋତ୍ସବରେ ମୁଖ୍ୟଅତିଥି ଭାବରେ ଯୋଗ ଦେଇ ଶ୍ରୀ ପ୍ରଧାନ ମହାନଦୀ, ହୀରାକୁଦ ବନ୍ଧ ଭଳି ପଶ୍ଚିମ ଓଡ଼ିଶାର ଗର୍ବ ଓ ଗୌରବର ସ୍ୱାକ୍ଷର ବହନ କରୁଥିବା ମାଇଲ ଖୁଗୁଡ଼ିକୁ ନେଇ ଏକ ବିଶ୍ୱସ୍ତରୀୟ ପ୍ରଦର୍ଶନୀ ଆୟୋଜନ କରାଯିବାକୁ ପ୍ରସ୍ତାବ ରଖିଥିଲେ। ଏ ଦିଗରେ ଗ୍ଲୋଅ ଅଗ୍ରଣୀ ଭୂମିକା ଗ୍ରହଣ କରିବାକୁ ମନ୍ତ୍ରୀ ଆହ୍ୱାନ ଜଣାଇଥିଲେ। ଏହି ଅବସରରେ କେନ୍ଦ୍ରମନ୍ତ୍ରୀ ଗ୍ଲୋଅର ଆନ୍ତର୍ଜାତିକ ହ୍ୱାଟ୍ସ ଆପ ହେଲ୍ପ ଲାଇନ ନମ୍ବର ୯୩୦୫୪୫୪୯୯୮ର ଶୁଭ ଉଦ୍ଘାଟନ କରିଥିଲେ।
ସାରା ପୃର୍ଥିବୀର ଜନସାଧାରଣ ଅସୁବିଧା ସମୟରେ ଗ୍ଲୋଅର ସାହାଯ୍ୟ ପାଇଁ ଏହି ନମ୍ବରରେ ଯୋଗାଯୋଗ କରି ପାରିବେ। ଡିଜିଟାଲ ସମାବେଶରେ ସମ୍ମାନିତ ଅତିଥି ଭାବରେ ଯୋଗଦେଇ ପ୍ରାକ୍ତନ ସାଂସଦ ବୈଜୟନ୍ତ ପଣ୍ଡା, ଗ୍ଲୋଅର ଡାକ୍ତର ଶାଖାର ଶୁଭାରମ୍ଭ କରିଥିଲେ। ଏଥିରେ ଅନ୍ତର୍ଭୁକ୍ତ ଗ୍ଲୋଅର ଡାକ୍ତର ସଦସ୍ୟମାନେ ବିଶ୍ୱଭରି ରୋଗୀମାନଙ୍କୁ ସ୍ୱେଚ୍ଛାକୃତ ଭାବେ ସେବା ଓ ଚିକିତ୍ସା ଉପଲବ୍ଧ କରାଇବେ ବୋଲି ଜଣାଯାଇଛି। ନୂଆଖାଇ ଭେଟଘାଟ ୨୦୨୦ ଶୀର୍ଷକ ଏହି ଭର୍ଚୁଆଲ ଅଧିବେଶନରେ ପୃର୍ଥିବୀର ୧୭ଟି ଦେଶ ଓ ଭାରତ ବର୍ଷର ବିଭିନ୍ନ ସହରର ପ୍ରାୟ ୫୦୦୦ ପଶ୍ଚିମ ଓଡ଼ିଶାର ଅଧିବାସୀ ଓ ଶୁଭେଚ୍ଛୁ ଯୋଗଦେଇଥିବା ଦେଖାଯାଇଥିଲା। ଉପସ୍ଥିତ ଜାତୀୟ ଓ ଅନ୍ତର୍ଜାତିକ ସ୍ତରର ଖ୍ୟାତି ସମ୍ପନ୍ନ ଅତିଥି ଓ ବକ୍ତାମାନଙ୍କ ମଧ୍ୟରେ ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତଚରଣ ଦାସ, ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓ, ବିଧାୟକ ମୁକେଶ ମହାଲିଙ୍ଗ, ଦେବେଶ ଆଚାର୍ଯ୍ୟ, ପ୍ରାକ୍ତନ ବିଧାୟିକା ରାସେଶ୍ୱରୀ ପାଣିଗ୍ରାହୀ, ଯୁବନେତା ଇରାସିସ୍ଆଚାର୍ଯ୍ୟ, ଉଦ୍ୟୋଗପତ ଡି- ମୁରଲୀ କୃ୍ଷ୍ଣା, ବରିଷ୍ଠ ପ୍ରଶାସକ ଅରବିନ୍ଦ ପାଢ଼ୀ, ନନ୍ଦିତା ମିଶ୍ର, ବିଷ୍ଣୁପଦ ସେଠୀ, ମନୋରଞ୍ଜନ ପାଣିଗ୍ରାହୀ, ମହେଶ ପୂଜାରୀ, କୂଟନୀତିଜ୍ଞ ମଦନମୋହନ ସେଠୀ, ମାନସ ରାଜପଟେଲ, ଦିଲୀପ ରଥ, କଳା ଜଗତର ଜାଜ୍ଜ୍ୱଲ୍ୟମାନ ବ୍ୟକ୍ତିତ୍ୱଙ୍କ ମଧ୍ୟରେ ଦିବ୍ୟ ଦିଶା ମହାନ୍ତି, ଚିନ୍ମୟ ମିଶ୍ର, ଜିତେନ୍ଦ୍ର ମିଶ୍ର, ସବ୍ୟସାଚୀ ମହାପାତ୍ର ଓ ପ୍ରବୋଧ ରଥ ପ୍ରମୁଖ ସାମିଲ ଥିଲେ।
ସେମାନେ ଓଡ଼ିଶାର ପଶ୍ଚିମାଞ୍ଚଳର ମାଟିର ମହକ ଓ କୃଷିଭିତ୍ତିକ ପୂର୍ବ ନୂଆଖାଇର ମହତ୍ୱ ସଂପର୍କରେ ଆଲୋକପାତ କରିଥିଲେ। ସମଗ୍ର ବିଶ୍ୱର ଜନସାଧାରଣଙ୍କୁ ଗୋଟିଏ ଇଌକ୍ଷଗ୍ଧ;ରନେଟ ମଞ୍ଚରେ ଏକଜୁଟ କରାଇ ଗ୍ଲୋଅ ଯେଭଳି ଭାବେ ପଶ୍ଚିମ ଓଡ଼ିଶାର ଗଣପର୍ବ ନୂଆଖାଇକୁ ପୃଥିବୀର ଅନ୍ୟତମ ମହାପାର୍ବଣର ରୂପ ଦେବାରେ ସକ୍ଷମ ହୋଇଛି, ଏହାକୁ ଅଦ୍ଭୁଦପୂର୍ବ ବୋଲି ବର୍ଣ୍ଣନା କରି ବକ୍ତମାନେ ଆୟୋଜକମାନଙ୍କର ଭୂରି ଭୂରି ପ୍ରଶଂସା କରିଥିଲେ। କାନାଡ଼ାର ଅର୍ଜୁନ ପୁରୋହିତ ସ୍ୱାଗତ ଭାଷଣ ପ୍ରଦାନ କରିଥିଲେ। ଗ୍ଲୋଅର ଯୁଗ୍ମ ସଂପାଦକ ଅଜିତ ପତି ଧନ୍ୟବାଦ ଅର୍ପଣ କରିଥିଲେ। ଗ୍ଲୋଅର ସଭାପତି ଆଶୁତୋଷ ଦାସ, ସାଧାରଣ ସଂପାଦକ ସତ୍ୟେନ୍ଦ୍ର ନାଥ ପଣ୍ଡା, ଆନ୍ତର୍ଜାତିକ ଉପଦେଷ୍ଟା ପ୍ରିତୀଶ ଦାଶ, ସନ୍ତୋଷ ମିଶ୍ର ଓ ବରିଷ୍ଠ ସଦସ୍ୟ ଗଜେନ୍ଦ୍ର ସାହୁ ପ୍ରମୁଖ ସଂପୂର୍ଣ୍ଣ ଉତ୍ସବର ଆୟୋଜନ ଓ ଏହାର ସୁପରିଚାଳନା କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ଜାଗୃତି ରଥ ସାଂସ୍କୃତିକ କାର୍ଯ୍ୟକ୍ରମର ସୁସଂଯୋଜନା କରିଥିଲେ । ବେଙ୍ଗାଲୁରୁରୁ ସମିତା ଷଡଙ୍ଗୀ ଏବଂ ମାଞ୍ଚେଷ୍ଟରରୁ ମମତା ପ୍ରଧାନ ନାୟକ ମଞ୍ଚର ସୁସଂଚାଳନା କରିଥିଲୋ । ଚେନ୍ନାଇରୁ ସିଦ୍ଧାର୍ଥ ବାବୁ କେ ରାଲ ରୁମ୍କୁ ଦକ୍ଷତାର ସହିତ ନିୟନ୍ତ୍ରଣ କରିଥିଲେ। ୱେବ ଉତ୍ସବରେ ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ କିଶୋର ଦ୍ୱିବେଦୀ, ରମାକାନ୍ତ ସାହୁ, ମୋହିତ ମିଶ୍ର, ଆନନ୍ଦ ମେହର, ସଂଜୀବ ନନ୍ଦ, ସରୋଜ ଶର୍ମା, ରଜତ ବିଜୟ ଗଡ଼ ପ୍ରମୁଖଙ୍କ ନାମ ଉଲ୍ଲେଖଯୋଗ୍ୟ ।
