ଗାଇବାରେ ଦୁଇ ଗୋଷ୍ଠୀ ମୁହାଁମୁହିଁ, ପୋଲିସ ପ୍ରଶାସନଙ୍କ ଉପସ୍ଥିତିରେ ହେଲା ଆପୋଷ ସମାଧାନ

ପାରଳାଖେମୁଣ୍ଡି (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଗଜପତି ଜିଲ୍ଲା ଗୁମ୍ମା ବ୍ଲକ ଅନ୍ତର୍ଗତ ଗାଇବା ପଞ୍ଚାୟତ ଗାଇବା ଗ୍ରାମରେ ଦୁଇ ଗୋଷ୍ଟି ଭିତରେ ମୁହାଁ ମୁହିଁ ହୋଇଛନ୍ତି । ସୂଚନା ଅନୁଯାଇ ଗାଇବା ଖ୍ରୀଷ୍ଟିଆନ ସାହି ରେ ନୂଆବର୍ଷ ପାଳନ ଅବସରରେ ଗତକାଲି ରାତିରେ ରେ ସାହିବାସିନ୍ଦା ଏକତ୍ର ହୋଇ ଭୋଜି କରିଥିଲେ l ଏହି ପ୍ରୀତି ଭଜନ ଚାଲିଥିବା ସମୟରେ କେତେକ କ୍ରିଷ୍ଟିଆନ ସାହିର କିଛି ଯୁବକ ମାନେ ଓ ଓଡ଼ିଆ ସାହିର ଯୁବକ ମାନଙ୍କ ମଧ୍ୟରେ ସାହି ଭିତରେ ଦ୍ରୁତ ଗତିରେ ଗାଡି ଚଳାଇବାକୁ ନେଇ ଉଭୟେ ମୁହାଁମୁହିଁ ହେବା ସହ ହାତାହାତି ହୋଇଥିଲେ ଯାହାଫଳରେ କିଛି ଯୁବକ ଆହତ ହୋଇଛନ୍ତି ।

ଗ୍ରାମବାସୀଙ୍କ ଠାରୁ ଖବର ପାଇ ଘଟଣା ସ୍ଥଳେ ସେରଙ୍ଗ ଥାନା ଅଧିକାରୀ ପ୍ରମଦ କୁମାର ଖଣ୍ଡୁଆଳ ଓ ଗାଇବା ପୋଲିସ ଫାଣ୍ଡି ଅଧିକାରୀ ରାମ କୃଷ୍ଣ ଦାସ ତୁରନ୍ତ ଘଟଣା ସ୍ଥଳରେ ପହଁଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ । ରାତି ୧୨:୩୦ ରେ ଆରକ୍ଷୀ ଅଧିକ୍ଷକ ଯତୀନ୍ଦ୍ର କୁମାର ପଣ୍ଡା ଏବଂ ଏସ ଡି ପି ଓ ମାଧବାନନ୍ଦ ନାୟକ ପହଁଞ୍ଚି ଆହତ ଯୁବକ ମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠେଇଥିଲେ । 

ଏସଡିପିଓ, ତହସିଲଦାର, ସେରଙ୍ଗ ଥାନା ଅଧିକାରୀ,ଗାଇବା ଫାଣ୍ଡି ଅଧିକାରୀଏବଂ ଗାଇବା ରାଜସ୍ବ ନିରୀକ୍ଷକଙ୍କ ଉପସ୍ଥିତିରେ ଉଭୟ ଗୋଷ୍ଠୀର ୧୦ଜଣ ଲେଖାଏଁ ଭଦ୍ର ବ୍ୟକ୍ତି ମାନଙ୍କୁ ଗାଇବା ଫାଣ୍ଡି କୁ ଡକାଇ ଏକ ଶାନ୍ତି କମିଟି ଗଠନ କରାଯାଇଥିଲା । ପ୍ରଶାସନ ଏବଂ ଶାନ୍ତି କମିଟିର ଉପସ୍ଥିତିରେ ଆପୋଷ ସମାଧାନ କରାଯାଇଥିଲା । ଉଭୟ ଗୋଷ୍ଠୀ ଆଗାମୀ ଦିନରେ ଏହିପରି କୌଣସି ଗଣ୍ଡଗୋଳ ନକରିବା ପାଇ ଏକ ଚୁକ୍ତିନାମାରେ ସ୍ଵାକ୍ଷର କରିଥିବା ସେରଙ୍ଗ ଥାନା ଅଧିକାରୀ ଜଣାଇଛନ୍ତି ।