ଓଡ଼ିଶା ତାଜା ନ୍ୟୁଜ (୧୯ ସେପ୍ଟେମ୍ବର ଶନିବାର) କୋରାଇ :- କୋରାଇ ଥାନା ବନ୍ଦାଳୋ ପଂଚାୟତ ବାଲିଆପାଳ ଗ୍ରାମରେ ପୂର୍ବଶତ୍ରୁତାକୁ ନେଇ ଗାଡି ମାଲିକ ଜଣେ ଡ୍ରାଇଭରକୁ ମରଣାନ୍ତକ ଆକ୍ରମଣ କରିଛନ୍ତି । ଏନେଇ ଡ୍ରାଇଭର ଜଣକ କୋରାଇ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ମୁତାବକ, ଭଦ୍ରକ ଜିଲା ଭଣ୍ଡାରୀପୋଖରୀ ଥାନା କଂଟାପଡା ଗ୍ରାମର ଅନଙ୍ଗ ଦାସ (୪୫) ବୋଲି ଜଣାପଡ଼ିଛି । ଅନଙ୍ଗ ପୂର୍ବରୁ କୋରାଇ ଥାନା ମୁକୁନ୍ଦପୁର ଗ୍ରାମର ସନାତନ ଜେନାଙ୍କ ଗାଡି ଚଳାଉଥିଲେ । ୫ମାସ ଗାଡି ଚଲାଇବା ପରେ ସନାତନ ଅନଙ୍ଗଙ୍କୁ ମାସିକ ଦରମା ଦେଉନଥିବା ମାଲିକଙ୍କ ନାମରେ କୋରାଇ ଥାନାରେ ଅଭିଯୋଗ କରିଥିଲେ ।
ଯାହାକୁ ନେଇ ପୂର୍ବରୁ ସନାତନ ଓ ଅନଙ୍ଗଙ୍କ ମଧ୍ୟରେ କଥାକଟାକଟି ହୋଇ ମାଡପିଟ ହୋଇଥିଲା । ଗୁରୁବାର ବିଶ୍ୱକର୍ମା ପୂଜା ଥିବାରୁ ଅନଙ୍ଗର ଜଣେ ସାଙ୍ଗ ତାଙ୍କୁ ଡକାଇଥିଲେ । ଅନଙ୍ଗ ଉକ୍ତ ସାଙ୍ଗ ଘରକୁ ଆସିଥିବାର ଖବର ପାଇ ସନାତନ ସେଠାରେ ପହଂଚି ହଠାତ ଅନଙ୍ଗଙ୍କୁ ଏକ ମାରଣାସ୍ତ୍ରରେ ଆକ୍ରମଣ କରିଥିଲେ । ଫଳରେ ଅନଙ୍ଗଙ୍କ ମୁଣ୍ଡରୁ ପ୍ରବଳ ରକ୍ତଶ୍ରାବ ହେବା ସହିତ ଅଚେତ ହୋଇ ପଡିଥିଲେ । ପରେ ସ୍ଥାନୀୟ ଲୋକ ଅନଙ୍ଗଙ୍କୁ କୋରାଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ନେଇ ଚିକିତ୍ସିତ କରିଥିଲେ । ଶୁକ୍ରବାର ଏନେଇ ଅନଙ୍ଗ କୋରାଇ ଥାନାରେ ଅଭିଯୋଗ କରିଛନ୍ତି । ଏନେଇ ଥାନା ଅଧିକାରୀ ରଞ୍ଜିତ ମହାନ୍ତିଙ୍କୁ ପଚାରିବାରୁ ଅଭିଯୋଗ ହୋଇଥିବା ସ୍ୱୀକାର କରିବା ସହିତ ଘଟଣାର ତଦନ୍ତ କରାଯାଉଥିବା ସୂଚନା ପ୍ରକାଶ କରିଥିଲେ । (କୋରାଇ ରିପୋର୍ଟ/ରଶ୍ମିରେଖା ମଲ୍ଲିକଙ୍କ )
