ମଦ ଜବତ ଜଣେ ଅଭିଯୁକ୍ତ ଗିରଫ

ସାକ୍ଷୀଗୋପାଳ (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ରାଜକିଶୋର ସେନାପତି – ପୁରୀ ଜିଲ୍ଲା ସତ୍ୟବାଦୀ ବ୍ଲକ ରେ ବିପୁଳ ପରିମାଣର ମଦ ଜବତ । ଅଭିଯୁକ୍ତ ବ୍ୟବସାୟୀ  ଗିରଫ ହୋଇ କୋର୍ଟ ଚାଲାଣ ହୋଇଛି । ସତ୍ୟବାଦୀ ଥାନାରେ ଅବକାରୀ ଆଇନ ଅନୁଯାୟୀ କେଶେ ୪୨୫/୨୫ ଧାରା ୧୧୧(୨)ଖ ଭାରତୀୟ ନ୍ୟାୟ ସଂହିତା(BNS)/୫୨(କ)ଓଡିଶା ଅବକାରୀ ଅଧିନୀୟମ ୨୦୦୮ ଆଧାରରେ ରେ ମାମଲା ରୁଜୁ ହୋଇଅଛି ।ଅପରାଧ ଦମନ ନିମନ୍ତେ ପୁରୀ ଜିଲ୍ଲା ପୋଲିସ ପକ୍ଷରୁ ଚାଲିଥିବା “ଅପରେସନ ଚକ୍ର “ଜାରି ରହିଛି । ଏହି କ୍ରମରେ ଆଜି ଏକ ବିଶେଷ ସୂତ୍ରରୁ ଖବର ପାଇଁ ସତ୍ୟବାଦୀ ପୋଲିସକୁ  ଅଳଗୁମ ଗ୍ରାମ ପଂଚାୟତ ର ଐସାନ୍ୟାପଡା ଗ୍ରାମ ରେ ଏକ ଦୋକାନ ଘରେ ନିଶା କାରବାର ନେଇ ଖବର ମିଳିଥିଲା ।

ମିଳିଥିବା ଖବରକୁ ଗୁରୁତ୍ୱ ଦେଇ ସତ୍ୟବାଦୀ ଥାନା ଅଧିକାରୀ ବିଜୟ କେତନ ବେହେରାଙ୍କ ନିର୍ଦ୍ଦେଶ କ୍ରମେ  ଏସ,ଆଇ ସୁକାନ୍ତି ମୁର୍ମୁ  ଓ  ଏ,ଏସ,ଆଇ ବିଭୀଷଣ ମାଝୀଙ୍କ ଦ୍ୱାରା ପ୍ରସ୍ତୁତ ଏକ ସ୍ୱତନ୍ତ୍ର ଟିମ ଘଟଣା ସ୍ଥଳକୁ ଯାଇ ଉକ୍ତ ସ୍ଥାନରେ ଚଢ଼ାଉ କରିଥିଲେ । ଚଢ଼ାଉ ବେଳେ ସେଠାରେ ବିକ୍ରି ଉଦ୍ଦେଶ୍ୟ ରେ ଥିବା ବିଭିନ୍ନ ପ୍ରକାର  ୧୨୧ ଲିଟର  ୬୫୦ ଗ୍ରାମର ଗଛିତ ଥିବା ବିଦେଶୀ ଓ ଦେଶୀ ମଦ ଜବତ କରିଥିଲେ l ଏହି ବେଆଇନ ମଦ ବ୍ୟବସାୟ କରୁଥିବା ଐସାନ୍ୟ ପଡା  ଗ୍ରାମର ଅଭିଯୁକ୍ତ ବିଶ୍ୱ ପ୍ରଦୀପ ଷ୍ଟାଲନ ବିଶ୍ୱାଳ( ୩୧ ) କୁ ଗିରଫ କରି କୋର୍ଟ ଚାଲାଣ କରାଯାଇଛି । ଅଭିଯୁକ୍ତ ନାମରେ ପୂର୍ବରୁ ୬ ଟି ବିଭିନ୍ନ ଅପରାଧିକ ମାମଲା ରହିଛି ବୋଲି ଥାନା ଅଧିକାରୀ ବିଜୟ କେତନ ବେହେରା ସୂଚନା ଦେଇଛନ୍ତି ।