ବ୍ୟାସ ମିଡିଆକପ କ୍ରିକେଟ ଟୁର୍ଣ୍ଣାଟ ଉଦ୍‌ଯାପିତ ଜିଲା ପ୍ରଶାସନକୁ ହରାଇ ଟାଟା ଷ୍ଟିଲ ଚମ୍ପିଆନ

କୋରାଇ  (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବ୍ୟାସନଗର ପ୍ରେସ ଫୋରମର ପକ୍ଷରୁ ଆୟୋଜିତ ୧୪ତମ ବ୍ୟାସ ମିଡିଆ କପ କ୍ରିକେଟ ଟୁର୍ଣ୍ଣାମଂଟ ୨୦୨୫ର ଫାଇନାଲ ଖେଳରେ ଟାଟା ଷ୍ଟିଲ କଳିଙ୍ଗନଗର ଜିଲ୍ଲା ପ୍ରଶାସନ ଯାଜପୁରକୁ ହରାଇ ଚଳିତ ବର୍ଷ ଚମ୍ପିଆନ ହୋଇଛି । ଆଜି ପୂର୍ବାହ୍ନରେ ପ୍ରଥମ ସେମି ଫାଇନାଲ ଖେଳ ଜିଲା ପ୍ରଶାସନ ଯାଜପୁର ଓ ଲୟର୍ସ ଫୋରମ କ୍ଳବ ବ୍ୟାସନଗର ମଧ୍ୟରେ ହୋଇଥିଲା । ଟସ୍ ଜିଣି ଲୟର୍ସ ଫୋରମ ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୧୦ ଓଭର ମଧ୍ୟରେ ୭ ୱିକେଟ ହରାଇ ୯୨ରନ କରିଥିଲା ।ଜବାବରେ ଜିଲା ପ୍ରଶାସନ ୮ଓଭର ମଧ୍ୟରେ ୩ୱିକେଟ ହରାଇ ଆବାଶ୍ୟକ ରନ କରି ବିଜୟୀ ହୋଇଥିଲା । ଅପରାହ୍ନରେ ଫାଇନାଲ ଖେଳ ଟାଟାଷ୍ଟିଲ ଓ ଜିଲା ପ୍ରଶାସନ ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍ ଜିଣି ଜିଲା ପ୍ରଶାସନ୍ ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୧୨ର ମଧ୍ୟରେ ୫ୱିକେଟ ହରାଇ ୧୬୩ରନ ସଂଗ୍ରହକରି ଥିଲା ।

ଦଳପକ୍ଷରୁ ଶ୍ରୀକାନ୍ତ ସେଠୀ ସର୍ବାଧିକ ୨୨ବଲରେ ୬୬ରନ ସଂଗ୍ରହ କରିଥିଲା। ଜବାବରେ ଟାଟା ଷ୍ଟିଲ ୧୦.୪ ଓଭର ମଧ୍ୟରେ ୪ୱିକେଟ ହରାଇ ଆବଶ୍ୟକ ରନ ୧୬୪କରି ବିଜୟ ଲକ୍ଷ ହାସଲ କରିଥିଲା । ଦଳପକ୍ଷରୁ ରାଜେଶ ସିଏ ସର୍ବାଧ‌ିକ ୨୦ବଲରେ ୭୦ରନ କରି ଦଳକୁ ଚମ୍ପିଆନ କରିବାରେ ସହାୟକ ହୋଇଥିଲା ।

ଅନୁଷ୍ଠିତ ଖେଳକୁ ବରିଷ୍ଠ ଅମେୟାର କଳିଙ୍ଗ ପହି ଓ ଅସିମ ଦାଶ ପରିଚାଳନା କରିଥିଲା ବେଳେ ସ୍କୋରର ଭାବେ ପ୍ରଦୀପ କୁମାର ସାମଲ ଓ ଘୋଷକ ଭାବେ ଅଜୟ କୁମାର ସାହୁ, ଜ୍ଞାନରଞ୍ଜନ ଓଝା ପରିଚାଳନା କରିଥିଲେ । ଫାଇନାଲ ଖେଳର ପୁରସ୍କାର ବିତରଣ ତଥା ଉଦ୍‌ଯାପନୀ ସଭା ଫୋରମର ସଭାପତି ଡକ୍ଟର ଅଭୟ ପତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ।

ମୁଖ୍ୟଅତିଥି ଭାବେ କୋରାଇ ବିଧାୟକ ଆକାଶ ଦାସନାୟକ ଯୋଗ ଦେଇଥିଲା ବେଳେ ସମ୍ମାନିତ ଅତିଥିଭାବେ ଟାଟାଷ୍ଟିଲ କଳିଙ୍ଗନଗରର କର୍ପୋରେଟ ଟେକନିକାଲ ହେଡ ସୁଭ୍ରାଂଶୁ ଶେଖର ପଣ୍ଡା, ଯୁବଉଦ୍ୟୋଗୀ ଆଲୋକ କୁମାର ମହାନ୍ତି, ଫୋରମର ମୁଖ୍ୟ ପରାମର୍ଶ ଦାତା ଉଦୟ ନାଥ ଖଣ୍ଡାଇ, ବରିଷ୍ଠ ସାମ୍ବାଦିକ ହର୍ଷବର୍ଦ୍ଧନ ବେହେରା, ମନୋଜ କୁମାର ରାଉଳ ପ୍ରମୁଖ ଯୋଗଦେଇ ବିଜୟୀ ଟାଟା ଷ୍ଟିଲ କଳିଙ୍ଗନଗରକୁ ୧୦ହଜାର ନଗଦ ଅର୍ଥ ରାଶି ସହ ଚମ୍ପିଆନ ଟ୍ରଫି ଓ ଉପବିଜେତା ଜିଲା ପ୍ରଶାସନ ଯାଜପୁରକୁ ୫ହଜାର ନଗଦ ଅର୍ଥ ରାଶି ସହ ରନର୍ସ କପ ପ୍ରଦାନ କରିଥିଲେ ।ଏଥି ସହିତ ବେଷ୍ଟ ବ୍ୟାସ ମ୍ୟାନ ଶ୍ରୀକାନ୍ତ ସେଠୀ( ଜିଲ୍ଲାପ୍ରଶାସନ), ବେଷ୍ଟ ବୋଲର ରାଜେଶ ସିଏ(ଟାଟା ଷ୍ଟିଲ), ବେଷ୍ଟ କ୍ୟାଚର ଯଶୋବନ୍ତ ମହାନ୍ତ( ଟାଟାଷ୍ଟିଲ) ଓ ମ୍ୟାନ ଅଫ ଦି ସରିଜ ଭାବେ ରୋଶନ ମଥୁ(ଟାଟାଷ୍ଟିଲ) ପ୍ରମୁଖ କୃତୀ ଖେଳାଳୀ ସହ ଅମେୟାର ଦ୍ଵୟଙ୍କୁ ମଧ୍ୟ ପୁରସ୍କୃତ କରାଯାଇଥିଲା । ଉପସଭାପତି ଦୟାନିଧି ନାୟକ ଅତିଥି ପରିଚୟ ଓ ସ୍ଵାଗତ ଭାଷଣ ଦେଇଥିଲା ବେଳେ ସଂପାଦକ ମଳୟ କୁମାର ମଲ୍ଲିକ ଧନ୍ୟବାଦ ଅର୍ପଣ କରିଥିଲେ।

ଅନୁଷ୍ଠିତ କାର୍ଯ୍ୟକ୍ରମକୁ ଉପସଭାପତି ଜ୍ଞାନରଞ୍ଜନ ଓଝା, ସହସମ୍ପାଦକ ଆଶୁତୋଷ ମହାନ୍ତି, ପ୍ରମୋଦ କୁମାର ପାତ୍ର, କାର୍ଯ୍ୟାଳୟ ସଂପାଦକ ବାଇଧର ମାଝୀ, କୋଷାଧ୍ୟକ୍ଷ ଅଜୟ କୁମାର ସାହୁ, ବରିଷ୍ଠ ସଭ୍ୟ ଆଶୁତୋଷ ମିଶ୍ର, କୁଞ୍ଜବିହାରୀ ମହାନ୍ତି, ଅଶିତାନନ୍ଦ ବିଶ୍ବାଳ, ଜିତେନ୍ଦ୍ର ରାଉତ, ପ୍ରହଲ୍ଲାଦ ଦେଓ, ଚିତରଞ୍ଜନ ବୋଇତେଲ, ଦୀପକ ଦାସ, ମାନସ ଆଇଚ, ସୁଶାନ୍ତ ଭୂୟାଁ, ସଞ୍ଜୟ ସରକାର, ପ୍ରକାଶ କୁମାର ସାହୁ, ପ୍ରଶାନ୍ତ କୁମାର ଗେଡି, ସୌରଭ ଖୁଣ୍ଟିଆ ପ୍ରମୁଖ ଫୋରମର ସମସ୍ତ କର୍ମକର୍ତା ଓ ସଦସ୍ୟ ପରିଚାଳନାରେ ସହଯୋଗ କରିଥିଲେ ।