ଗୋବର୍ଦ୍ଧନ ପୀଠରେ ଆଦିତ୍ଯ ବାହିନୀ ଓ ଆନନ୍ଦ ବାହିନୀର କାର୍ଯ୍ଯକାରିଣୀ ବୈଠକ

ପୁରୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ପୁରୀ ଗୋବର୍ଦ୍ଧନ ମଠ ପରିସରରେ ଦୁଇଦିନ ଧରି ଭାଗବତ ଭବନରେ ପୀଠପରିଷଦ ଅନ୍ତର୍ଗତ, ଆଦିତ୍ୟ ବାହିନୀ ଓ ଆନନ୍ଦ ବାହିନୀର ପ୍ରାଦେଶିକ ସ୍ତରୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଆଦିତ୍ୟ ବାହିନୀ ଓଡ଼ିଶା ପ୍ରାନ୍ତର ସାଧାରଣ ସମ୍ପାଦକ କୁମାର ସତ୍ୟଜିତ ବେଜଙ୍କ ସୂଚନା ଅନୁଯାୟୀ ଓଡିଶା ରାଜ୍ୟର ୨୩ଟି ଜିଲ୍ଲାର କାର୍ଯ୍ୟକର୍ତ୍ତା ଏବଂ ପଦାଧିକାରୀ ସମୂହ କାର୍ଯ୍ୟକାରିଣୀରେ ଯୋଗଦେ ଇଥିଲେ।

ରାଜ୍ୟ ଉପସଭାପତି ରଘୁନାଥ ମହନ୍ତଜୀଙ୍କ ସଂଯୋଜନାରେ ୨ ଦିନିଆ ରାଜ୍ଯ କାର୍ଯ୍ୟକାରିଣୀ ରେ ଅନେକ ଗୁରୁତ୍ତ୍ୱପୂର୍ଣ ପ୍ରସଙ୍ଗରେ ଆଲୋଚନା କରାଯାଇଥିଲା । ଶନିବାର ସନ୍ଧ୍ୟାରେ ରାଜ୍ୟର କାର୍ଯ୍ୟକର୍ତ୍ତା ମାନଙ୍କୁ ପୁରୀ ଶାଖା ତରଫରୁ ସ୍ବାଗତ କରାଯାଇଥିଲା। କାର୍ଯ୍ୟକର୍ତ୍ତା ମାନଙ୍କର ନାମ ପଞ୍ଜିକରଣ ମଧ୍ୟ କରାଯାଇ ପରିଚୟ ହୋଇଥିଲା । ପୂଜ୍ଯ ଜଗଦ୍ ଗୁରୁ ପୁରୀ ପୀଠାଧୀଶ ଶଙ୍କରାଚାର୍ଯ୍ୟ ମହାଭାଗଙ୍କର ନିଜସ୍ବ ମାନସ ସଂଗଠନର ପ୍ରାଦେଶିକ କାର୍ଯ୍ୟକାରିଣୀ ବର୍ଷରେ ଦୁଇଥର ଅନୁଷ୍ଠିତ ହୋଇଥାଏ। ଏହି କ୍ରମରେ ୨ଦିନିଆ କାର୍ଯ୍ୟକାରିଣୀକୁ ଅନୁଷ୍ଠାନିକ ଭାବରେ ରବିବାର ପୂର୍ବାହ୍ନରେ ଦଣ୍ଡିସ୍ବାମୀ ବନ ବୈଭବାରଣ୍ଯ ସରସ୍ବତୀ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ଶିବିରକୁ ଉଦଘାଟନ କରିଥିଲେ।

ସକାଳ ୫ଟା ରୁ ୬ଟା ସମୟରେ ପ୍ରଭାତଫେରୀ ଓ କୀର୍ତ୍ତନ କରାଯାଇ ଦିବସଟିକୁ ଶୁଭାରମ୍ଭ ଆରମ୍ଭ କରାଯାଇଥିଲା। ୬ଘଟିକାରୁ ୮ଘଟିକା ମଠ ପରିସରରେ କରସେବା କାର୍ଯ୍ଯ,୮ଘଟିକାରୁ ୧୦ଘଟିକା ନିତ୍ୟକ୍ରମ ଏବଂ ଜଳପାନ, ୧୦ଘଟିକାରୁ କାର୍ଯ୍ଯକାରିଣୀ ବୈଠକ ଆରମ୍ଭ ହୋଇଥିଲା । ଏଥିରେ ରାଜ୍ଯ ସଭାପତି ପଣ୍ଡିତ ମାତୃ ପ୍ରସାଦ ମିଶ୍ରଙ୍କର ଅଧ୍ୟକ୍ଷତା କରିଥିଲେ । ପ୍ରଦୀପ ପ୍ରଜ୍ଜ୍ୱଳନ ଏବଂ ସଂଗଠନର ପତାକା ଉତୋଳନ ପରେ,ରାଜ୍ଯ ଉପ ସଭାପତି ରଘୁନାଥ ମାହନ୍ତ ସ୍ବାଗତ ଭାଷଣ ଏବଂ ପଦାଧିକାରୀ ମାନଙ୍କର ପରିଚୟ ପ୍ରଦାନ କରିଥିଲେ ।

ବ୍ରହ୍ମଚାରୀ କୈଳାସ ଜୀ, ଗୋବର୍ଦ୍ଧନ ପୀଠ ଏବଂ ଗୁରୁ ପରମ୍ପରା ବିଷୟରେ ମାର୍ଗଦର୍ଶନ କରିଥିଲେ ।ରାଜ୍ଯ ଅଧ୍ୟକ୍ଷ ପଣ୍ଡିତ ମାତୃ ପ୍ରସାଦ ମିଶ୍ର କାର୍ଯ୍ୟକର୍ତ୍ତାଙ୍କର ଚୟନ, ପ୍ରଶିକ୍ଷଣ ଏବଂ ନିୟୋଜନ ବିଷୟରେ ଆଲୋଚନା କରିବା ସହିତ କିପରି ଆଗାମୀ ଦିନରେ ଭାରତବର୍ଷ ହିନ୍ଦୁରାଷ୍ଟ୍ରରେ ଘୋଷିତ ହେବ ଏବଂ ଆମ ମାନଙ୍କର କର୍ତ୍ତବ୍ୟ ଓ ଦାୟିତ୍ୱ ସମ୍ବନ୍ଧରେ ଆଲୋଚନା କରିଥିଲେ। ୫ଟି ବିଭାଗକୁ ନେଇ ବୈଠକ ଅନୁଷ୍ଠିତ ହୋଇଥିଲା।

ଏବଂ ବିଭିନ୍ନ ବିଭାଗରେ କିପରି ଶାଖା,ସଂଗଠନ ଏବଂ ସଦସ୍ୟତା ଅଭିବୃଦ୍ଧି ହେବ ହେ ବିଷୟରେ ଆଲୋଚନା କରାଯାଇଥିଲା।ଜଗଦ୍ ଗୁରୁ ମହାରାଜାଙ୍କର ମାର୍ଗଦର୍ଶନରେ ଏକ ଘଣ୍ଟା ଏବଂ ଏକ ଟଙ୍କା ପ୍ରକଳ୍ପ କିପରି ସମାଜର ସବୁସ୍ତରରେ ସନାତନୀ ହିନ୍ଦୁମାନେ ପାଳନ କରିବେ ସେ ସମ୍ବନ୍ଧରେ ମଧ୍ଯ ରାଜ୍ଯ ଅଧ୍ୟକ୍ଷ ମାର୍ଗଦର୍ଶନ ଦେଇଥିଲେ। ପରିଶେଷରେ ସାଧାରଣ ସମ୍ପାଦକ କୁମାର ସତ୍ୟଜିତ ବେଜ ଧନ୍ୟବାଦ ଅର୍ପଣ କରିଥିଲେ। ଶାନ୍ତିପାଠ ସହିତ କାର୍ଯ୍ଯକାରିଣୀ ସମାପନ ହୋଇଥିବା ସୂଚନା ଶ୍ରୀ ଶଙ୍କରାଚାର୍ଯ୍ୟ ଗୋବର୍ଦ୍ଧନ ପୀଠ ପକ୍ଷରୁ ସୂଚନା ଓ ଗଣମାଧ୍ୟମ ସଚିବ ଦେବାଶିଷ ମିଶ୍ର ଜଣାଇଛନ୍ତି ।