ଗୋପ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବଳରାମ ଦାସ ପୀଠ ରେ ମାର୍ଗଶିର ମାସ ପ୍ରଥମ ଗୁରୁବାର ରେ ସାଧୁସନ୍ଥଙ୍କ ସମାଗମ l ଲଷ୍ମୀ ପୁରାଣ ରଚୟିତା ଭକ୍ତ କବି ବଳରାମ ଦାସ ପୀଠରେ ଲଷ୍ମୀ ପୁରାଣ ଆରମ୍ଭ । ଷୋଡ଼ଶ ଶତାବ୍ଦୀ ସମୟର ଭକ୍ତି ଆନ୍ଦୋଳନର ସ୍ରଷ୍ଟା ପଞ୍ଚସଖା ମଧ୍ଯରୁ ବୟଜ୍ୟୋଷ୍ଠ ଥିଲେ ଭକ୍ତ କବି ବଳରା ଦାସ l ପୁରୀ ଜିଲ୍ଲା ଗୋପ ବ୍ଲକ ଅନ୍ତର୍ଗତ ଏରବଙ୍ଗ ଗ୍ରାମରେ 1472 ଖ୍ରୀଷ୍ଟାବ୍ଦ ତାଙ୍କର ଆବିର୍ଭାବ ହୋଇଥିଲା 1552 ରେ ତିରୋଧାନ ହୋଇଥିଲା l ସମସ୍ତ ଜଗନ୍ନାଥ ପ୍ରେମୀ ସନାତନୀ ଓଡ଼ିଆ ତଥା ଜନସମାଜକୁ ଦିଗ ଦର୍ଶନ ଦେଇଯାଇଛନ୍ତି ।
ତାଙ୍କୁ ସମଗ୍ର ମାନବ ସମାଜରେ ଉଦ୍ଜୀବିତ କରି ରଖୁବା ସଂଗେ ସଂଗେ ମଣିଷ ସମାଜ ମଧ୍ୟରେ ବଳରାମ ଦାସଙ୍କୁ କୀର୍ତ୍ତିକୁ ପ୍ରତିଷ୍ଠିତ କରିବା ପାଇଁ ୧୯୯୨ ମସିହାରୁ ବଳରାମ ଦାସ ସ୍ମୃତି ସଂସଦ ଅହରହ କାର୍ଯ୍ୟ କରି ଆସୁଅଛି । ମୁଖ୍ୟତଃ ଅନୁଷ୍ଠାନର ପ୍ରଥମ ସଭାପତି ସ୍ୱର୍ଗତ ହଟକିଶୋର ସ୍ୱାଇଁଙ୍କର ନିଷ୍ଠାପର ପ୍ରଚେଷ୍ଟା ଯୋଗୁଁ ଦୀର୍ଘ ୩୩ ବର୍ଷଧରି ବିଭିର୍ନ୍ନ କାର୍ଯ୍ୟକ୍ରମ ସୁଚାରୁରୂପେ ପାଳିତ ହୋଇ ଆସୁଅଛି । ବଳରାମ ରାମ ଦାସଙ୍କ ଦ୍ଵାରା ରଚିତ ଅନେକ ଗ୍ରନ୍ଥ କବିତା କାବ୍ୟ ମଧ୍ୟରୁ ଅନ୍ୟତମ ହେଲା ଦାଣ୍ଡି ରାମାୟଣ ଓ ଲକ୍ଷ୍ମୀପୁରାଣ ସମଗ୍ର ପୃଥିବୀ ରେ ବସବାସ କରୁଥିବା ଓଡ଼ିଆଙ୍କ ଘରେ ଏକ ପର୍ବ ନୁହେଁ ବରଂ ମହୋତ୍ସବରେ ପରିଣତ ହୋଇପାରିଛି l
କେବଳ ଓଡିଶା କିମ୍ବା ଭାରତ ନୁହେଁ ସମଗ୍ର ପୃଥିବୀର କୋଣ ଅନୁକୋଣରେ ପ୍ରତ୍ୟେକ ଜଗନ୍ନାଥ ପ୍ରେମୀମାନେ ମାର୍ଗଶୀର ମାସ ଗୁରୁବାର ରେ ମାଣବସା ପର୍ବ ପାଳନ କରୁଅଛନ୍ତି । ବଳରାମ ଦାସ ଲଷ୍ମୀପୁରାଣ ମାଧମରେ ସମାଜରୁ କୁସଂସ୍କାର ତଥା ଜାତିଭେଦକୁ କିପରି ବିଲୋପ କରିବା ପାଇଁ ଏକ ସଚେତନତାର ବାର୍ତା ଦେଇଯାଇଛନ୍ତି l ଏଥିପାଇଁ କୋଣର୍କଠାରେ ଥୁବା ଅବଧୂତ ମଠର ମହନ୍ତ ବାବା ଆଦିତ୍ୟ ଚରଣ ଦାସ ମହାରାଜାଙ୍କ ପ୍ରୟାସ ଯୋଗୁଁ ପଞ୍ଚସଖା ଭକ୍ତ ବଳରାମ ଦାସ ସ୍ମୃତି ସଂସଦ ସହଯୋଗରେ ମାର୍ଗଶୀର ମାସ ପ୍ରଥମ ଗୁରୁବାରରେ ମାଣବସା ମହୋତ୍ସବ ପାଳନ କରାଯାଉଅଛି l
2014 ମସିହା ଠାରୁ ପ୍ରତ୍ୟେକ ବର୍ଷ ଶତାଧିକ ସାଧୁସନ୍ଥମାନଙ୍କ ଉପସ୍ଥିତିରେ ବଳରାମ ଦାସଙ୍କ ଜୀବନୀ, ସାହିତ୍ୟ ଓ ଭକ୍ତ ଭାବନା ଉପରେ ମନ୍ଦିର ପରିସରରେ ଏକ ଆଲୋଚନା ଚକ୍ର ଅନୁଷ୍ଠିତ ହେବା ସହିତ ପ୍ରଥମ ଗୁରୁବାର ଦିନ ଲଷ୍ମୀପୂରାଣ ପାଠ କରାଯାଏ l ମନ୍ଦିର ପରିସରରେ ଥିବା ବଳରାମ ଦାସଙ୍କ ପ୍ରତିମୂର୍ତ୍ତିକୁ ସମ୍ମାନ ସହକାରେ ପଞ୍ଚାମୃତ ଦ୍ଵାରା ସ୍ନାନ କରିବାପରେ ନୂତନ ବସ୍ତ୍ର ପରିଧାନ କରାଯାଇଥିଲା l ଓଡିଶାର ବିଭିର୍ନ୍ନ କୋଣ ଅନୁକୋଣରୁ ଆସିଥିବା ସାଧୂସନ୍ତ ଓ ବିଭିର୍ନ୍ନ ଅନୁଷ୍ଠାନ ପକ୍ଷରୁ ଆସିଥିବା ଭଜନ କୀର୍ତନ ଓ ନାମ ସଙ୍କୀର୍ତ୍ତନ ମଣ୍ଡଳୀଙ୍କ ଦ୍ଵାରା ପରିକ୍ରମା କରାଯାଇଥିଲା , ଜନ୍ମପୀଠ ଗୁପ୍ତକ୍ଷେତ୍ର ଏରବଙ୍ଗଠାରେ l
ଏହି ଅଞ୍ଚଳରେ ବହୁ ଭକ୍ତ ପ୍ରେମୀମାନେ ଯୋଗ ଦେଇ ଭକ୍ତି ରସରେ ନିଜକୁ ଭିଜାଇଥାନ୍ତି l ଠିକ ସେହିପରି ବଳରାମ ଦାସଙ୍କ ଜନ୍ମ ଦିନ ପହିଲି ରଜରେ ହୋଇଥିବାରୁ ପ୍ରତ୍ୟେକ ବର୍ଷ ତାଙ୍କର ଜୟନ୍ତୀ ସମାଧି ପୀଠ ବେଗୁନିଆ ଠାରେ ଥିବା ବଳରାମ ଦାସ ସ୍ମୃତି ସଂସଦ ଦ୍ଵାରା ପାଳନ କରାଯାଏ l ବାଲୁକା କଳାର ପ୍ରଥମ ସ୍ରଷ୍ଟା ହେଉଛନ୍ତି ଭକ୍ତ କବି ବଳରାମ ଦାସ l ଓଡ଼ିଆ କଳା ସଂସ୍କୃତି ପରମ୍ପରା ଆଦି ସଂସ୍କାର କ୍ରମଶଃ ବିଲୁପ୍ତ ହେଉଥିବାରୁ କୋଣାର୍କ ଠାରେ ଥିବା ଅବଧୂତ ମଠର ମହନ୍ତ ବାବା ଆଦିତ୍ୟ ଚରଣ ଦାସ ମହାରାଜା ଓ ପଞ୍ଚସଖା ବଳରାମ ଦାସ ସ୍ମୃତି ସଂସଦର ମିଳିତ ସହଯୋଗରେ ଏହା ପାଳିତ ହୋଇଆସୁଅଛି l
