ଓଡ଼ିଶା ତାଜା ନ୍ୟୁଜ (୧୪ ସେପ୍ଟେମ୍ବର ସୋମବାର ) କୋରାଇ :- ପାଣିକୋଇଲି ଥାନା ତଥା ଶଙ୍ଖଚିଲା ଫାଣ୍ଡି ପୁଲିସ ବେଆଇନି ଗଞ୍ଜେଇ ଓ ବ୍ରାଉନ ସୁଗାର ବେପାର କରୁଥିବା ଦୁଇଜଣଙ୍କୁ ଗିରଫ କରିଛନ୍ତି । ଗିରଫ ଅଭିଯୁକ୍ତ ଦ୍ୱୟ ବଡବିରୁଆଁ ପଚାଂୟତ ସୋଲପଟା ଗାଁର ବାଜ ମଲ୍ଲିକଙ୍କ ପୁଅ ରଞ୍ଜନ(୪୫) ଓ ଅନ୍ୟଜଣେ ଖମଣ ପଚାଂୟତ ଅନ୍ତର୍ଗତ ନାଉଡପୁର ଗାଁର ଶ୍ରୀଧର ସାହୁଙ୍କ ପୁଅ ବୃନ୍ଦାବନ ଓରଫ ବାବୁଲି (୪୩) ବୋଲି ଜଣାପଡିଛି । ପୁଲିସ ସେମାନଙ୍କଠାରୁ ୩ଲକ୍ଷ ୫୫ହଜାର ଟଙ୍କା ସହ ୬କିଲୋ ୧୫୬ଗ୍ରାମ ଗଞ୍ଜେଇ ଓ ୧୩.୪୮୦ଗ୍ରାମ ବ୍ରାଉନସୁଗାର ଜବତ କରିଛି । ଏନେଇ ପୁଲିସକୁ ଏକ ବଡ ସଫଳତା ମିଳିଛି । ଦୀର୍ଘଦିନ ଧରି ଅଭିଯୁକ୍ତ ଦ୍ୱୟ ନିଜନିଜ ଅଂଚଳରେ ଚୋର ବ୍ରାଉନ ସୁଗାର ଓ ଗଞ୍ଜେଇ ବେପାର କରୁଥିଲେ । ଏନେଇ ପୁଲିସ ସୁରାକ ପାଇଥିଲା ବେଳେ ଗତକାଲି ରାତିରେ ଅଚାନକଭାବେ ପାଣିକୋଇଲି ଥାନା ଅଧିକାରିଣୀ ସସ୍ମିତା ସାହୁ ଅଚାନକ ଭାବେ ଚଢାଉକରି ସୋଲପଟାରୁ ରଞ୍ଜନକୁ ଗରିଫ କରିଥିଲା ବେଳେ
ଶଙ୍ଖଚିଲା ସ୍ଥିତ ନାଉଡପୁର ଗାଁରୁ ବୃନ୍ଦବନକୁ ଗିରଫ କରିଥାନାକୁ ଆଣିଥିଲେ । ସେ ଦୁହିଁଙ୍କ ଠାରୁ ୬କିଲୋ ୧୫୬ଗ୍ରାମ ଗଞ୍ଜେଇ ଓ ୧୩. ୪୮୦ ଗ୍ରମା ବ୍ରାଉନ ସୁଗାର ଜବତ କରାଯାଇଥିଲା ବେଳେ ୩ଲକ୍ଷ ୫୫ହଜାର ଟଙ୍କା ମଧ୍ୟ ଜବତ କରାଯାଇଛି । ଏଥି ସହିତ ପୁଲିସ ସେଦୁହିଁଙ୍କ ସହିତ ଆନ୍ତଃରାଜ୍ୟ ଚୋରା ବ୍ରାଉନସୁଗାର ଓ ଗଞ୍ଜେଇ ବେପାରୀଙ୍କ ସଂପୃକ୍ତଥିବା ପୁଲିସ ଜାଣିବାକୁ ପାଇଛି । ଏନେଇ ପୁଲିସ ପାଣିକୋଇଲି ଥାନା କେଶ୨୦୦/୨୦ ଦପା ନମ୍ବର ୨୮(ବି) ଓ ୨୧(ବି) ସହିତ ୧୯୮୫ଅକ୍ଟ ଅନୁଯାୟୀ ଗିରଫ ଦ୍ୱୟଙ୍କୁ କୋର୍ଟ ଚାଲାଣ କରାଯାଇଛି । ଏଥିର ସଂପୃକ୍ତି ର୍ୟାକଟକୁ ଧରିବା ପାଇଁ ପୁଲିସ ତଦନ୍ତ ଜାରି ରଖିଛି । ଏହା ଶଙ୍ଖଚିଲା ପାଣ୍ଡି ଅଂଚଳରେ ଦୀର୍ଘଦିନ ଧରି ଚାଲଇଥିଲା ବେଳେ ଫାଣ୍ଡି ବାବୁ ଓ ବ୍ୟାସନଗର ସ୍ଥିତ ଅବକାରୀ ବିଭାଗ ଜାଣି ନପାରିବା ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଥିଲା ବେଳେ ନୂଆଥାନା ଅଧିକାର ଯୋଗଦେବା ପରେ ଏହି ର୍ୟାକେଟର ଖୋଲାସା ହୋଇଛି । (ରିପୋର୍ଟ – ରଶ୍ମିରେଖା ମଲ୍ଲିକ)
