ଭାରତ ସରକାରଙ୍କ ପକ୍ଷରୁ ସିଏସଆଇଆର୍-ଆଇଏମ୍ଏମଟି, ଭୁବନେଶ୍ୱର ଦ୍ୱାରା ଏମର୍ଜିଂ ସାଇନ୍ସ, ଟେକ୍ନୋଲୋଜୀ ଆଣ୍ଡ

ଇନୋଭେସନ କନକ୍ଲେଭ୍ (ଇଏସଟିଆଇସି) – ୨୦୨୫ ପାଇଁ କର୍ଟେନ ରେଜର୍ କାର୍ଯ୍ୟକ୍ରମ ଆୟୋଜିତ

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ସିଏସଆଇଆର୍-ଇନଷ୍ଟିଚ୍ୟୁଟ୍ ଅଫ୍ ମିନେରାଲ୍ସ ଆଣ୍ଡ ମ୍ୟାଟେରିଆଲ୍ସ ଟେକ୍ନୋଲୋଜି (ସିଏସଆଇଆର୍-ଆଇଏମ୍ଏମ୍ ଟି), ଭୁବନେଶ୍ୱର, ଆଡଭାନ୍ସ ମେଟରିଆଲାସ ଆଣ୍ଡ ମନୁଫେକ୍ଚରିଂ (୪ଏମ) ଥିମ ଅଧୀନରେ ଏମର୍ଜିଂ ସାଇନ୍ସ, ଟେକ୍ନୋଲୋଜି ଆଣ୍ଡ ଇନ୍ନୋଭେସନ କନ୍ କ୍ଲେଭ (ଇ ଏସ ଟି ଆଇ ସି) – ୨୦୨୫ ପାଇଁ କର୍ଟେନ ରେଜର୍ କାର୍ଯ୍ୟକ୍ରମ ଆୟୋଜନ କରିଥିଲା। ସିଏସଆଇଆର୍-ଆଇଏମ୍ଏମ୍ ଟି କୁ ଏହି ଦାୟିତ୍ୱ ଦିଆଯାଇଛି କାରଣ ଏହାର ନିର୍ଦ୍ଦେଶକ ଡକ୍ଟର ରାମାନୁଜ ନାରାୟଣ ୪ଏମ୍ ଥିମ୍ ପାଇଁ ଥିମ୍ ନିର୍ଦ୍ଦେଶକ ଭାବରେ କାର୍ଯ୍ୟ କରୁଛନ୍ତି।

ଏହି କର୍ଟାଇନ୍ ରେସର୍ କାର୍ଯ୍ୟକ୍ରମ ର ଉଦ୍ଦେଶ୍ୟ ଥିଲା ଗଣମାଧ୍ୟମ ମାଧ୍ୟମରେ ସମାଜକୁ ଏହା ଜଣାଇବା ଯେ ଭାରତ ସରକାରଙ୍କ ଦ୍ୱାରା ଆୟୋଜିତ ଏମର୍ଗୀଙ୍ଗ ସାଇନ୍ସ, ଟେକ୍ନୋଲୋଜି ଆଣ୍ଡ ଇନନୋଭେସନ କନ୍ କ୍ଲେଭ୍ (ଇ ଏସ ଟି ଆଇ ସି) – ୨୦୨୫, ୩ ରୁ ୫ ନଭେମ୍ବର ୨୦୨୫ ପର୍ଯ୍ୟନ୍ତ ନୂଆଦିଲ୍ଲୀର ଭାରତ ମଣ୍ଡପମରେ ଅନୁଷ୍ଠିତ ହେଉଥିବା ଏକ ଗୁରୁତ୍ୱପୂର୍ଣ୍ଣ ଜାତୀୟ କାର୍ଯ୍ୟକ୍ରମ । ଏହି ସମ୍ମିଳନୀର ଲକ୍ଷ୍ୟ ହେଉଛି ବୈଜ୍ଞାନିକ, ଶିଳ୍ପ ଏବଂ ଶିକ୍ଷା ସମ୍ପ୍ରଦାୟକୁ ଏକତ୍ରିତ କରି ଭାରତର ପ୍ରଗତି ଏବଂ ଏକ ସ୍ଥାୟୀ ଏବଂ ଆତ୍ମନିର୍ଭରଶୀଳ ଭବିଷ୍ୟତ ପାଇଁ ପ୍ରଯୁକ୍ତିବିଦ୍ୟାରେ ଦୃଷ୍ଟିକୋଣକୁ ପ୍ରଦର୍ଶନ କରିବା ।

କର୍ଟେନ୍ ରେଜର କାର୍ଯ୍ୟକ୍ରମରେ ପ୍ରସିଦ୍ଧ ବୈଜ୍ଞାନିକ, ପ୍ରଯୁକ୍ତିବିଦ୍ୟା, ଶିକ୍ଷାବିତ୍ ଏବଂ ଶିଳ୍ପପତି ମାନେ ସାମଗ୍ରୀ ବିଜ୍ଞାନ, ସ୍ଥାୟୀ ଉତ୍ପାଦନ ଏବଂ ନବସୃଜନ-ଚାଳିତ ଶିଳ୍ପ ବିକାଶର ସଦ୍ୟତମ ଅଗ୍ରଗତି ଉପରେ ବିଚାର-ବିମର୍ଶ କରିବା ପାଇଁ ଏକତ୍ରିତ ହୋଇଥିଲେ।

ଉପସ୍ଥିତ ମାନ୍ୟଗଣ୍ୟ ଅତିଥି :

ମୁଖ୍ୟ ଅତିଥି : ଡକ୍ଟର ଡି. ସିଂହ, ପୂର୍ବତନ ଅଧ୍ୟକ୍ଷ, ଆଇଆର୍ ଇଏଲ୍ (ଇଣ୍ଡିଆ) ଲିମିଟେଡ୍।

ସମ୍ମାନିତ ଅତିଥି : ଡକ୍ଟର ପ୍ରକାଶ କୁମାର, ନିର୍ଦ୍ଦେଶକ, ଆଇଆର୍ ଇଏଲ୍-ଏନ୍ ଜି ଆର୍ ଆଇ, ହାଇଦ୍ରାବାଦ

ସମ୍ମାନିତ ଅତିଥି : ଡକ୍ଟର ସି. ରଘୁ କୁମାର, ମୁଖ୍ୟ (ବେନିଫିସିଏସନ୍), ଏଏମ୍/ଏନ୍ଏସ ଇଣ୍ଡିଆ

ଏହି ଅବସରରେ ସିଏସଆଇଆର୍-ଆଇଏମ୍ଏମ୍ ଟିର ନିର୍ଦ୍ଦେଶକ ଡକ୍ଟର ରାମାନୁଜ ନାରାୟଣ ଭାରତର ଶିଳ୍ପ ଇକୋସିଷ୍ଟମକୁ ସୁଦୃଢ଼ କରିବା ଏବଂ ଦେଶର ଆତ୍ମନିର୍ଭର ଭାରତ ଦୃଷ୍ଟିକୋଣରେ ଯୋଗଦାନ ଦେବା ପାଇଁ ଉନ୍ନତ ସାମଗ୍ରୀ ଏବଂ ସ୍ଥାୟୀ ଉତ୍ପାଦନ ପ୍ରକ୍ରିୟା ବିକାଶର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ । ଇ ଏସ ଟି ଆଇ ସି ୨୦୨୫ ରେ ସକ୍ରିୟ ଭାବରେ ଅଂଶଗ୍ରହଣ କରିବାକୁ ସମସ୍ତଙ୍କୁ ଆମନ୍ତ୍ରଣ କରିଥିଲେ । ସେ ଏହି ସମ୍ମିଳନୀର ୧୧ଟି ବିଷୟବସ୍ତୁ ବିଷୟରେ ମଧ୍ୟ କହିଥିଲେ ଯାହା ଆର୍ ଆଣ୍ଡ ଡି ଏବଂ ଶିକ୍ଷାବିତ୍ ସହିତ ଜଡିତ ଅନେକ ମନ୍ତ୍ରଣାଳୟ ଦ୍ୱାରା ଯୋଗଦାନ କରାଯାଉଛି ।

ଆଇଆର୍ ଇଏଲ୍ (ଇଣ୍ଡିଆ) ଲିମିଟେଡର ପୂର୍ବତନ ଅଧ୍ୟକ୍ଷ ଡକ୍ଟର ଡି. ସିଂହ ଉଲ୍ଲେଖ କରିଥିଲେ ଯେ ଉନ୍ନତ ସାମଗ୍ରୀ ହେଉଛି ଆଧୁନିକ ଭାରତର ନିର୍ମାଣ ଅଂଶ। ସେ ଗୁରୁତ୍ୱାରୋପ କରିଥିଲେ ଯେ ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ନବସୃଜନରେ ସମନ୍ୱୟକୁ ପ୍ରୋତ୍ସାହିତ କରିବା ପାଇଁ ଭାରତ ସରକାରଙ୍କ ଦ୍ୱାରା ଆୟୋଜିତ ଇ ଏସ ଟି ଆଇ ସି ୨୦୨୫ ମାଧ୍ୟମରେ ସିଏସଆଇଆର୍- ଆଇଏମ୍ଏମ୍ ଟି, ଶିକ୍ଷାନୁଷ୍ଠାନ ଏବଂ ଶିଳ୍ପ ଭଳି ଗବେଷଣା ଏବଂ ବିକାଶ ପ୍ରତିଷ୍ଠାନ ମଧ୍ୟରେ ସହଯୋଗ ପ୍ରୟାସକୁ ଆହୁରି ସୁଦୃଢ଼ କରାଯିବ।

ହାଇଦ୍ରାବାଦର ସିଏସଆଇଆର୍-ଏନ୍ ଜିଆର୍ ଆଇ ନିର୍ଦ୍ଦେଶକ ଡକ୍ଟର ପ୍ରକାଶ କୁମାର, ଇ ଏସ ଟି ଆଇ ସି ୨୦୨୫ ପାଇଁ କର୍ଟେ ନ୍ ରେଜର୍ କାର୍ଯ୍ୟକ୍ରମ ପାଇଁ ପଦକ୍ଷେପ ନେଇଥିବାରୁ ସିଏସଆଇଆର୍-ଆଇଏମ୍ଏମ୍ ଟିକୁ ଅଭିନନ୍ଦନ ଜଣାଇଥିଲେ। ସେ ପୃଥିବୀର ଭୌଗୋଳିକ ସଂରଚନାକୁ ବୁଝିବାରେ ସିଏସଆଇଆର୍-ଏନ୍ ଜିଆର୍ ଆଇର ଭୂମିକାର ଗୁରୁତ୍ୱ ଉପରେ ଆଲୋକପାତ କରିଥିଲେ,

ଯାହା ଦେଶର ସ୍ଥାୟୀ ବିକାଶ ପାଇଁ ଗୁରୁତ୍ୱପୂର୍ଣ୍ଣ ଖଣିଜ ଗଚ୍ଛିତ ଚିହ୍ନଟ କରିବାରେ ସାହାଯ୍ୟ କରେ। ଏଏମ୍/ଏନ୍ଏସ ର ମୁଖ୍ୟ (ବେନିଫିସିଏସନ୍) ଡକ୍ଟର ସି. ରଘୁ କୁମାର, ଉନ୍ନତ ସାମଗ୍ରୀ ଉତ୍ପାଦନ ମାଧ୍ୟମରେ ଭାରତକୁ ଭବିଷ୍ୟତ ପାଇଁ ପ୍ରସ୍ତୁତ କରିବା ପାଇଁ ପୃଥିବୀ ବିଜ୍ଞାନ, ଖଣିଜ ପ୍ରକ୍ରିୟାକରଣ ଏବଂ ଧାତୁ ବିଜ୍ଞାନ କ୍ଷେତ୍ରରେ ଗବେଷଣା ଏବଂ ବିକାଶର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ ।