ରଣପୁର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ରଣପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ରଣପୁରକୁ ଏନଏସି ତଥା ସହରାଞ୍ଚଳ ହେବାର ଦୀର୍ଘବର୍ଷ ବିତିଗଲାଣି । ଏନଏସି ଅନ୍ତର୍ଗତ ଜନ ସଧାରଣଙ୍କ ସୁବିଧାକୁ ଉପଲବ୍ଧି କରି ଏନଏସି ପକ୍ଷରୁ ଆଲୋକିକରଣ, ଜିମ୍ ସେଣ୍ଟର୍, ମିଶନ ଶକ୍ତି ଗୃହ ଏବଂ ଜାଗା ମିଶନ ପାର୍କ ଗୁଡ଼ିକ ନିର୍ମାଣ କରାଯାଇଥିଲା ।
ରଣପୁର କୁ ସହରାଞ୍ଚଳ କରିବା ପାଇଁ ଅନେକ ଲୋକ ହିତକର ପ୍ରକଳ୍ପର ନିର୍ମାଣ କରାଯାଇଥିଲା ଯାହା ଏବେ ଦୟନୀୟ ଅବସ୍ଥାରେ ପଡ଼ି ରହିଛି । ବିଗତ ଦିନରେ ରାଜ୍ୟ ସରକାର ଙ୍କ ଅନୁଦାନ କ୍ରମେ ଏନଏସି ଅନ୍ତର୍ଗତ ୫ଟି ଜାଗା ମିଶନ ପାର୍କ ର ନିର୍ମାଣ ହୋଇଥିବା ଦେଖିବାକୁ ମିଳିଥିଲା । ଛୋଟ ଶିଶୁଙ୍କ ବ୍ୟାୟାମ ତଥା ମନୋରଞ୍ଜନର ସମସ୍ତ ସାମଗ୍ରୀ ଉପଲବ୍ଧ ଥିବା ବେଳେ ମହିଳା ମାନଙ୍କ ପାଇଁ ଏକ ବସ୍ତ୍ର ପ୍ରକ୍ଷାଳନ ଗୃହ ନିର୍ମାଣ କରାଯାଇଥିଲା ।
ଏପରିକି ନବ ନିର୍ମିତ ପାର୍କ ଗୁଡ଼ିକ ଖତ ଖାଉଥିବା ବେଳେ ଏନଏସି କାର୍ଯ୍ୟକର୍ତ୍ତା ଅଥବା କୌଣସି ନେତା ନେତ୍ରୀ ଙ୍କର ଦୃଷ୍ଟି ଗୋଚର ହେଉନାହିଁ । ଜନସାଧାରଣଙ୍କ ଅର୍ଥ ଏପରି ସୁବ୍ୟବସ୍ଥିତ ପ୍ରକଳ୍ପ ବାବଦରେ ଖର୍ଚ୍ଚ ହୋଇଥିବା ବେଳେ ତାହାର ରକ୍ଷଣା ବେକ୍ଷଣ ଦାୟିତ୍ଵ ବହନ କରିବା ପାଇଁ ଡବଲ ଇଞ୍ଜିନ ସରକାର ପଦକ୍ଷେପ ନ ନେବା ଏକ ଅପାରଗତା ରାଜନୀତି ବୋଲି ମନେ ହେଉଛି ।
ଲୋକ ପ୍ରତିନିଧି ମାନଙ୍କ ର ଏଭଳି ଅବହେଳା କୁ ଦେଖି ବୁଦ୍ଧିଜୀବୀ ମାନେ ଅତ୍ୟନ୍ତ ନିନ୍ଦା କରିଥିବା ଜଣାଯାଇଛି । ସହରାଞ୍ଚଳର ବିକାଶ ମୂଳକ ପ୍ରକଳ୍ପ ଯେପରିକି ଜାଗା ମିଶନ ପାର୍କ, ମଦ, ଗଞ୍ଜେଇ, ବ୍ରାଉନସୁଗର ଖାଉଥିବା ନିଶାଶକ୍ତ ଲୋକଙ୍କର ଆଡ୍ଡା ସ୍ଥଳୀ ପାଲଟିଛି । ସୁସ୍ଥ ସମାଜର ଗଠନ ଦିଗରେ ଏସବୁ ନିର୍ମାଣ କରାଯାଇଥିଲେ ହେଁ ଏହା ସମାଜରେ ଅସୁସ୍ଥତା ତଥା ଅପରିଷ୍କାର ହୋଇ ପଡ଼ି ରହି ପରିବେଶକୁ ଦୂଷିତ କରିବାରେ ସହାୟକ ହେଉଛି
ଏବଂ ଜନହିତକର ପ୍ରକଳ୍ପ ଗୁଡ଼ିକ ଦିନକୁ ଦିନ ଅସାମାଜିକ ଲୋକ ମାନଙ୍କର ଆଡ୍ଡାସ୍ଥଳୀ ପାଲଟିଯିବା ଜନତାଙ୍କ ଅର୍ଥ ପାଣିରେ ପଡିଲା ଭଳି ସାଧାରଣରେ ପ୍ରତୀତ ହେଉଛି । କେବଳ ସରକାର ନୁହେଁ ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ଏନଏସି ଅଧିକାରୀ ଓ ଅଧ୍ୟକ୍ଷା ପର୍ଯ୍ୟନ୍ତ କାହାର ଏଥିପ୍ରତି ଭୃକ୍ଷେପ ନଥିବା ବେଳେ ସ୍ଥାନୀୟ ବିଧାୟିକାଙ୍କ ଦାୟିତ୍ଵଭାରରୁ ହଟି ଏହା ଅବହେଳିତ ହୋଇପଡ଼ିରହିଛି ।
ରଣପୁରରେ ଏପରି ଗୁରୁତ୍ଵପୂର୍ଣ୍ଣ ପ୍ରକଳ୍ପର ରକ୍ଷଣା ବେକ୍ଷଣ କରିବାରେ ବିଜେପି ନେତା ନେତ୍ରୀ ମାନେ ଅସମର୍ଥ କାହିଁକି ବୋଲି ସାଧାରଣରେ ପ୍ରଶ୍ନ ଉଠିଛି । ପୂର୍ବ ସରକାରଙ୍କ ଦ୍ଵାରା ନିର୍ମାଣଧିନ ପ୍ରକଳ୍ପ ଗୁଡ଼ିକ କାର୍ଯ୍ୟକାରୀ ନ ହେବା ସହିତ ସେ ସବୁକୁ ଖତ କରି ନୂତନ ପ୍ରକଳ୍ପ ପାଇଁ ରାଜ୍ୟ କୋଷ ରୁ
