ବିରିଡି ପଞ୍ଚାୟତ ସମିତି ର ସାଧାରଣ ବୈଠକ

ଜଗତସିଂହପୁର  (ଓଡ଼ିଶା ତାଜା ନ୍ୟୁଜ୍) ନି :ପ୍ର  :- ବିରିଡି ପଞ୍ଚାୟତ ସମିତିର ନବମ ସାଧାରଣ ବୈଠକ ବୁଧବାର ସମିତି ସଭା ଗୃହରେ ଅନୁଷ୍ଠିତ ହୋଇଯାଇଛି l ବ୍ଲକ ଅଧ୍ୟକ୍ଷା ମମତା ପାତ୍ର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବିଧାୟକ ଡ଼ଃ ରମାକାନ୍ତ ଭୋଇ, ଉପାଧ୍ୟକ୍ଷା ପିନାକୀ ପ୍ରିୟ ଦର୍ଶିନୀ, ଜିଲ୍ଲାପରିଷଦ ସଭ୍ୟ ଚନ୍ଦ୍ରଶେଖର ଦାଶ, ସଭ୍ୟା ଦୀପ୍ତି ମୟୀ ରାୟ, ବିଡ଼ିଓ ଆୟୁଷି ପତି, ଏବିଡ଼ିଓ ବିନୋଦ କୁମାର ସାମଲ ପ୍ରମୁଖ ଉପସ୍ଥିତ ଥିଲେ l

ବିଶେଷ କରି ବୈଠକରେ ଗ୍ରାମୀଣ ଆବାସ ଯୋଜନା, ସମାଜ ମଙ୍ଗଳ, ଖାଦ୍ୟ ଯୋଗାଣ ଖାଉଟି କଲ୍ୟାଣ, ମହିଳା ଶିଶୁଵିକାଶ, ସ୍ୱାସ୍ଥ୍ୟ, ବିଦ୍ୟୁତ, ଓଡିଶା ଜୀବିକା ମିଶନ, ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା, ପରିମଳ ପାନୀୟଜଳ ଯୋଗାଣ, ଓ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ସମ୍ପର୍କରେ ଆଲୋଚନା କରାଯାଇଥିଲା l ଅନ୍ତଦ୍ବୟ ଗୃହ ଯୋଜନା ପାଇବାରେ କିଛି ହିତାଧିକାରୀ ବଞ୍ଚିତ ହୋଇଥିବା ଗୃହରେ ପ୍ରସନ୍ନ ଉଠିଥିଲା ତେବେ ବିଡ଼ିଓ ପତି କହିଲେ ଯଦି ଏଭଳି ଘଟଣା ଆମ ନଜରକୁ ଆସେ ପଦକ୍ଷେପ ନିଆଯିବ l

ଖାଦ୍ୟ ଯୋଗାଣ ବିଭାଗ ଉପରେ ବଡଖଣ୍ଡେଇତା ସମିତି ସଭ୍ୟ ରଞ୍ଜନ ବେହେରା ଅଭିଯୋଗ କଲେ ଯେ ଡିଲର ମାନେ ଖାଉଟି ଦ୍ରବ୍ୟ ଓଜନ ଠିକ ଦେଉ ନାହାନ୍ତି ଯୋଗାଣ ନିରୀକ୍ଷକ ସୁନୀଲ ସେଠୀ କହିଲେ ସ୍ଵନ୍ତ୍ର ଭାବରେ ଅଭିଯୋଗ ହେଲେ ପଦକ୍ଷେପ ନିଆଯିବ l ମହିଳା ଶିଶୁ ବିକାଶ ଯୋଜନା ରେ କଣ କଣ ଦୁଵିଧା ମିଳୁଛି ସେସମ୍ପର୍କରେ ସୁପର ଭାଇଜର ପ୍ରତିମା ସ୍ୱାଇଁ ସମସ୍ତଙ୍କୁ ଅବଗତ କରାଇଥିଲେ l ସ୍ୱାସ୍ଥ୍ୟ ବିଭାଗ ଉପରେ ଭାବ ଗ୍ରାହୀ ଗୋଛାୟତ ସମସ୍ତ ସୂଚନା ପ୍ରଦାନ କରିଥିଲେ l

ବିଦ୍ୟୁତ ବିଭାଗ ଉପରେ ବାସନ୍ଦରl ସମିତି ସଭ୍ୟ ସ୍ନେହାଶିଷ ଜେନା କହିଲେ ତାଙ୍କ ପଞ୍ଚାୟତ ରେ ବହୁ ଜାଗାରେ ବିଦ୍ୟୁତ ତାର ଓହଳି ରହି ବିପଦ ସୃଷ୍ଟି କରୁଛି ବିଭାଗ ମରାମତି କରୁନାହିଁ ସେହିପରି ପୁରଣ ସରପଞ୍ଚ ଯୁଧିଷ୍ଠିର ବେହେରା କହିଲେ ବାଇଶି ମୌଜାରେ ଦିନକୁ ଚାରି ଘଣ୍ଟା ଲାଇନ କଟୁଛି ଏ କଥାକୁ ବିଧାୟକ ଡ଼ଃ ଭୋଇ ଗୁରୁତର ସହନେବାକୁ ବିଦ୍ୟୁତ ବିଭାଗ ସହକାରୀ ଯନ୍ତ୍ରୀ ପୁଲିନ କୁମାର ମଲ୍ଲ ଙ୍କୁ କହିଥିଲେ l ଓଡିଶା ଜୀବିକା ମିଶନ ରେ କଣ କଣ ଯୋଜନା ରହିଛି ବିପିଏମ ରୁଦ୍ର ନାରାୟଣ ନନ୍ଦ ଗୃହରେ ସୂଚନା ଦେଇଥିଲେ ଶେଷରେ ଶ୍ରୀ ନନ୍ଦ ସମସ୍ତଙ୍କୁ ଧନ୍ୟବାଦ ଦେଇଥିଲେ l