ଭୁବନେଶ୍ୱର ପଟିଆ,ପ୍ଲଟ ନମ୍ବର ୩୯୦, (କୋଏଲ କ୍ୟାମ୍ପସ ସମ୍ମୁଖ) ଠାରେ ନୂତନ ସୋରୁମ ର ଶୁଭାରମ୍ଭ
ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) ନି:ପ୍ର :- ଏକ ଅଗ୍ରଣୀ ରୂପା ଅଳଙ୍କାର ବ୍ରାଣ୍ଡ ହିୱାନା ଏବଂ ନୂତନ ଯୁଗର ହସ୍ତତନ୍ତ ଲେବଲ୍ ମମତା ଡୋରି ମିଳିତ ଭାବେ ନିଜର ଚମତ୍କାର ରୂପା ଅଳଙ୍କାର ଓ ଉତ୍କୃଷ୍ଟ ହସ୍ତତନ୍ତ ଶାଢ଼ିର ସଦ୍ୟତମ ସଂଗ୍ରହ ସହିତ ଭୁବନେଶ୍ୱର ପଟିଆ,ପ୍ଲଟ ନମ୍ବର ୩୯୦, (କୋଏଲ କ୍ୟାମ୍ପସ ସମ୍ମୁଖ) ଠାରେ ନୂତନ ସୋରୁମ ର ଶୁଭାରମ୍ଭ ବିଷୟ ଘୋଷଣା କରିଛନ୍ତି ।
ଭୁବନେଶ୍ୱରରେ ଆୟୋଜିତ ଏହି କାର୍ଯ୍ୟକ୍ରମରେ ଭାରତ ସରକାରଙ୍କ ଏମଏସଏମଇ ଉନ୍ନୟନ ପ୍ରତିଷ୍ଠାନ ବିଭାଗର ନିର୍ଦେଶକ ଶ୍ରୀ ପି. କେ ଗୁପ୍ତାଙ୍କ ସମେତ ବିଶିଷ୍ଟ ଅତିଥିମାନେ ଯୋଗ ଦେଇଥିଲେ। ଓଡ଼ିଶା ରପ୍ତାନି ପ୍ରୋତ୍ସାହନ ଓ ମାର୍କେଟିଂ ନିର୍ଦ୍ଦେଶାଳୟର ନିର୍ଦେଶକ ସଞ୍ଜୟ କୁମାର ମିଶ୍ର( ଓଏଏସ୍), ଓସମେର ଅଧ୍ୟକ୍ଷ ଗୌରୀଶଙ୍କର ଦାଶ, ଓସମେର ସାଧାରଣ ସମ୍ପାଦକ ସାତ୍ୱିକ ସ୍ୱାଇଁ, ଓସମେର ଚେୟାରଓମ୍ୟାନ୍ ଜ୍ୟୋତିର୍ମୟୀ ମହାନ୍ତି ଏବଂ ଓଡ଼ିଶା ଚାପ୍ଟର ଏଡି (ଫିଓ) ମୁଖ୍ୟ କମଳ କାନ୍ତ ସାହୁ ପ୍ରମୁଖ ଯୋଗ ଦେଇଥିଲେ। । ଏହି କାର୍ଯ୍ୟକ୍ରମରେ ଲୋକପ୍ରିୟ ଓଡ଼ିଆ ଟିଭି ଅଭିନେତ୍ରୀ ଇପ୍ସିତା ସାହୁ ମଧ୍ୟ ଯୋଗ ଦେଇଥିଲେ।
ଏହି ସହଭାଗିତାର ଏକ ଅଂଶ ଭାବରେ ମମତା ଡୋରି ଓଡ଼ିଶାର ସମୃଦ୍ଧ ବୁଣା ଐତିହ୍ୟକୁ ସଂରକ୍ଷଣ କରିବାରେ ହସ୍ତତନ୍ତ ଶାଢ଼ି କାରିଗରମାନଙ୍କ ଅତୁଳନୀୟ ଅବଦାନ ପାଇଁ ସମ୍ବର୍ଦ୍ଧିତ କରିଥିଲେ। ଏହି କାର୍ଯ୍ୟକ୍ରମ ସେହି କାରିଗରମାନଙ୍କୁ ସ୍ୱୀକୃତି ଦେଇଥିଲା ଯେଉଁମାନଙ୍କର ଉତ୍ସର୍ଗୀକୃତତା ଏବଂ କାରିଗରୀ ଆଧୁନିକ ଫ୍ୟାଶନ କ୍ଷେତ୍ରରେ ପାରମ୍ପରିକ ହସ୍ତତନ୍ତକୁ ବଞ୍ଚାଇ ରଖି ଆସୁଛନ୍ତି।
ଏହି ଅବସରରେ ମମତା ଡୋରିର ପ୍ରତିଷ୍ଠାତା ମମତା ଦାସ କହିଲେ, “ଏହି ପଦକ୍ଷେପ କେବଳ ଫ୍ୟାଶନ ପାଇଁ ନୁହେଁ ବରଂ ଏହା ଆମ ବୁଣାକାରଙ୍କ ଅକ୍ଳାନ୍ତ ପରିଶ୍ରମ ଏବଂ ପ୍ରଚେଷ୍ଠାକୁ ସମ୍ମାନ ଦେବା ଦିଗରେ ଆମର ଏକ ପ୍ରୟାସ | ଏହି ସହଯୋଗ ମାଧ୍ୟମରେ କାରିଗରମାନଙ୍କୁ ସଶକ୍ତ କରିବା, ସେମାନଙ୍କୁ ମାର୍ଗଦର୍ଶନ କରିବା ଏବଂ ଓଡ଼ିଶାର ହସ୍ତତନ୍ତ ପରମ୍ପରାକୁ ଯୁବପିଢ଼ିଙ୍କ ନିକଟତର କରିବାକୁ ଲକ୍ଷ୍ୟ ରଖିଛୁ।”
‘ହିୱାନା’ର ପ୍ରତିଷ୍ଠାତା ମେହୁଲ ନନ୍ଦ କହିଛନ୍ତି, ସମସାମୟିକ ଡିଜାଇନ୍ ସହ କାଳଜୟୀ କାରିଗରୀକୁ ଯୁକ୍ତ କରିବା ହେଉଛି ଆମର ଲକ୍ଷ୍ୟ। ମମତା ଡୋରି ସହ ସହଯୋଗ କରି ଆମେ ଏକ ପ୍ଲାଟଫର୍ମ ତିଆରି କରିଛୁ, ଯେଉଁଠାରେ ରୂପା କଳାକୃତି ହସ୍ତତନ୍ତ ଶାଢ଼ିର ସୌନ୍ଦର୍ଯ୍ୟକୁ ଏକାସାଙ୍ଗରେ ଗ୍ରାହକ ମାନେ ପାଇପାରିବେ। କାରିଗର ସମୁଦାୟ ର ଉନ୍ନତି ଦିଗରେ ଆମର ମିଳିତ ଦାୟିତ୍ୱକୁ ମଧ୍ୟ ଏହି ଉନ୍ମୋଚନ ପ୍ରତିଫଳିତ କରୁଛି।
ଏହି କାର୍ଯ୍ୟକ୍ରମରେ ଶିଳ୍ପପତି, ଫ୍ୟାଶନ ପ୍ରେମୀ ଓ ବିଶିଷ୍ଟ ବ୍ୟକ୍ତିମାନେ ଅଂଶଗ୍ରହଣ କରିଥିଲେ। ଏଥିରେ କେବଳ ଦୁଇଟି ଉଦୀୟମାନ ବ୍ରାଣ୍ଡ୍ ର ସୃଜନଶୀଳ ସମନ୍ୱୟ ପ୍ରଦର୍ଶନ କରାଯାଇନାହିଁ ବରଂ ପରମ୍ପରାରେ ଆଧାରିତ ସ୍ଥାୟୀ ଫ୍ୟାସନର ଗୁରୁତ୍ୱ ଉପରେ ମଧ୍ୟ ଆଲୋକପାତ କରାଯାଇଥିଲା ।
