ବକୁଳ ପାଠାଗାରରେ “ଜାପାନ୍ ଉତ୍ସବ” ଉଦଘାଟିତ

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :-  ବକୁଳ ପାଠାଗାରରେ ଜାପାନର କଂଶଲ୍ ଜେନେରାଲ୍ ଶ୍ରୀ ଇଶିକାୱା ୟୋଷିହିସା ‘ଫେଷ୍ଟିଭାଲ ଅଫ ଜାପାନ’ ର ଉଦଘାଟନ କରିଲେ। ଏକ ବିଶିଷ୍ଟ ଓ ସୁନ୍ଦର ଉପାୟରେ ସେ ଉତ୍ସବକୁ ଆରମ୍ଭ କଲେ, ସେ ଗୋଟିଏ ଓରୀଗାମି କାଗଜ ପଙ୍ଖାକୁ ଖୋଲି ଏହି ଉତ୍ସବଟି କୁ ଆରମ୍ଭ କରିଥିଲେ ଯେଉଁଥିରେ ଇଂରାଜୀରେ ଲେଖା ହେଇଥିଲା “ଫେଷ୍ଟିଭାଲ ଅଫ ଜାପାନ @ ବକୁଳ”। ଶ୍ରୀ ୟୋଷିହିସାଙ୍କର ଏହା ପ୍ରଥମ ଓଡ଼ିଶା ଯାତ୍ରା ଓ ବକୁଳ ଫାଉଣ୍ଡେସନ୍‌ର କାର୍ଯ୍ୟକ୍ରମ ସମ୍ପର୍କରେ ସେ ବୋହୁତ ଶୁଣିଥିଲେ, ଯାହା ଭୁବନେଶ୍ୱରରେ ଲୋକଙ୍କୁ ଜାପାନ୍‌ ସମ୍ପର୍କରେ ଅଧିକ ବୁଝାଇବାରେ ସହାୟତା କରୁଛି ।

ଏହି କାରଣ ପାଇଁ ସେ ତାଙ୍କ ପ୍ରଥମ ଓଡ଼ିଶା ଯାତ୍ରାରେ ବକୁଳକୁ ଦେଖିବାକୁ ଇଚ୍ଛା କରିଥିଲେ । ସେ ଏବଂ ତାଙ୍କ ସହପାଠୀ ମେଗୁମି ଶୀମଦା ଓ ଗୌତମ ଦେ, ଓରିଗାମି ୱାର୍କସପରେ ସକ୍ରିୟ ଭାଗ ନେଲେ । ୟୋଷିହିସା କହିଲେ, “ମୁଁ ଓରିଗାମି ବିଷୟରେ ଅତିକିଛି ଜାଣିନଥିଲି, କିନ୍ତୁ ଆଜି ନିଜ ସଂସ୍କୃତି ସମ୍ପର୍କରେ ନୂଆ କିଛି ଶିଖିଲି ଓ ବହୁତ ଆନନ୍ଦ ଅନୁଭବ କରିଲି । ମୁଁ ମୋ ପରବର୍ତ୍ତୀ ଓଡ଼ିଶା ଯାତ୍ରାରେ ପୁଣି ବକୁଳ ଆସିବାକୁ ଆଶା କରୁଛି।” ବକୁଳ ଫାଉଣ୍ଡେସନ୍‌ର ସ୍ଥାପକ ସୁଜିତ୍ ମହାପାତ୍ର କହିଲେ,

ବକୁଳ ସଦା ସମୟରେ ପାଠାଗାର ମାଧ୍ୟମରେ ବହୁସଂସ୍କୃତିକ ଅନୁଭବକୁ ପ୍ରୋତ୍ସାହନ ଦେଇଆସୁଛି । ଶିଶୁ ପୁସ୍ତକ ଓ ବିଭିନ୍ନ ଦେଶର ଲୋକକଥା ସଂଗ୍ରହ କରି, “ଷ୍ଟୋରୀଟେଳିଂ ଫ୍ରମ୍ ଆରାଉଣ୍ଡ ଦ ୱାର୍ଲ୍ଡ” ପରି କାହାଣୀବାଚନ କାର୍ଯ୍ୟକ୍ରମ, ଏବଂ କୋଭିଡ୍ ସମୟରେ ଅନଲାଇନ୍‌ ଷ୍ଟୋରିଟେଲିଂ ଶୃଙ୍ଖଳା ମାଧ୍ୟମରେ ଦର୍ଶକମାନେ ଏକବର୍ଷରେ ୫୦ଟି ଦେଶର ଶ୍ରେଷ୍ଠ କାହାଣୀକାରମାନଙ୍କ ସହିତ ପରିଚିତ ହୋଇଥିଲେ । ପୂର୍ବରୁ ବକୁଳ ଇଟାଲୀ, ସ୍ପେନ ଓ ଫ୍ରାନ୍ସର ଫେଷ୍ଟିଭାଲ ଆୟୋଜନ କରିଥିଲା ।

ଜାପାନ୍ ଉତ୍ସବର ଆଉ ଗୋଟେ ପ୍ରମୁଖ ଆକର୍ଷଣ ହେଲା ଜାପାନୀୟ ବହିର ଏକ ସମ୍ପୂର୍ଣ୍ଣ ଅଲଗା ସଂଗ୍ରହ ଯେଉଁଥିରେ ସମସ୍ତ ବୟସର ପାଠକଙ୍କ ପାଇଁ ଭିନ୍ନ ପ୍ରକାର ବହି ଅଛି, ଶିଶୁମାନଙ୍କ ପାଇଁ ପିଚ୍ ବଏ ପରି କାହାଣୀ, ଅକୀରା ଓ ବୁଦ୍ଧ ସେରିଜ୍ ପରି ମାଙ୍ଗା। ଏଥିରେ ପ୍ରସିଦ୍ଧ ଲେଖକ ମୁରକାମି ଓ କାଯୁଓ ଇଶିଗୁରୋଙ୍କ ଉପନ୍ୟାସ, ହାଇକୁ କବିତା, ଓ ଟୟୋଟା ଷ୍ଟୋରୀ ପରି ପ୍ରବନ୍ଧନ ପୁସ୍ତକ ମଧ୍ୟ ଉପଲବ୍ଧ ଅଛି । ଉତ୍ସବରେ ହେଇଥିବା ଓରିଗାମି ୱାର୍କସପର ନେତୃତ୍ୱ ଅର୍କିଟେକ୍ଟ୍ ତଥା ଓରିଗାମି କଳାକାର ସନ୍ତୃପ୍ତି ଦାସ ନେଇଥିଲେ । ସେ ପୂର୍ବରୁ ନ୍ୟୁ ୟର୍କର ଜାପାନୀ ସମୁଦାୟ ଲୋକଙ୍କ ପାଇଁ ଓରିଗାମି ପଙ୍ଖା ପ୍ରସ୍ତୁତ କରିଥିଲେ ।

ସେ ବ୍ୟାଖ୍ୟା କଲେ, ଓରିଗାମି କିପରି ଜାପାନୀୟ ସଂସ୍କୃତିର ସଙ୍କୁଚିତତା ଓ ନବୀନତାକୁ ପ୍ରକାଶ କରେ । ସେ ସମସ୍ତଙ୍କୁ ବିଭିନ୍ନ ଆକୃତି କରିବାକୁ ସିଖାଇଲେ । ଉଦାହରଣସ୍ୱରୂପ, ସେ ପିଲା ଓ ତାଙ୍କ ସହ ଥିବା ଅନ୍ୟ ପ୍ରତିଯୋଗୀଙ୍କୁ ୩ଟି ଭିନ୍ନ ରଙ୍ଗର କାଗଜକୁ ଭିନ୍ନ ଭିନ୍ନ ଭାବରେ ମୋଡ଼ି, ଗୋଟିଏ ଘୁରାଣୀ ଖେଳନା ପ୍ରସ୍ତୁତ କଲେ। ପିଲାଙ୍କ ସହ କଂଶଲ୍ ଓ ଅନ୍ୟ ମାନେ ଏହା ଦେଖି ଆଶ୍ଚର୍ଯ୍ୟ ଓ ଖୁସି ହେଲେ। ଏହା ସହ ଆହୁରି ଏକ ଓରିଗାମି ମଧ୍ୟ ହେଇଥିଲା ଯାହା ସମସ୍ତ ପିଲା ଓ ପ୍ରତିଯୋଗୀ ମିଶିକି ତିଆରି କରିଥିଲେ ଯାହା ଧଳା କାଗଜରେ ତିଆରି ହୋଇଥିଲା ।

ଡୋରେମନ୍ ଓ ସେହି ଭଳି ଅନ୍ୟ ଚରିତ୍ରର ପ୍ରସିଦ୍ଧତା କୁ ନଜର ରେ ରଖି ଆନିମେଟ୍ରୋ ଟିମ୍ ଏକ “ଅନିମେ କସ୍ ପ୍ଲେ ୱାର୍କସପ” ର ଆୟୋଜନ ରବିବାର ସକାଳେ କରିବେ। ଆନିମେ ପ୍ରେମୀମାନଙ୍କ ପାଇଁ ଏହା ଉଦ୍ଧିଷ୍ଟ ଯେଉଁଠାରେ ସେମାନେ ୱିଇଗ ଷ୍ଟାଇଲିଂ, ପ୍ରପ ମକିଂ ଦ୍ୱାରା ନିଜ ପ୍ରିୟ ପାତ୍ରମାନଙ୍କୁ ପ୍ରକାଶ କରିପାରିବେ । ରବିବାର ସନ୍ଧ୍ୟାରେ କୀଟ ଇଣ୍ଟରନେସନାଲ୍ ସ୍କୁଲର ଅଙ୍କିତା ପଟ୍ଟନାୟକ ଓ ବିଦ୍ୟୁତ ଲତା ଜାପାନର କାମିଶିବାଇ ଷ୍ଟୋରୀଟେଲିଂ କରିବେ। କାମିଶିବାଇ ଜାପାନର ପାରମ୍ପରିକ “କାଗଜ ନାଟକ” ଯେଉଁଠି କାହାଣୀକାର ଗୋଟିଏ ଛୋଟ କାଠର ମଞ୍ଚ ନେଇଥାନ୍ତି ଓ ଚିତ୍ରିତ କାର୍ଡଗୁଡ଼ିକୁ ପ୍ରଦର୍ଶନ କରିଥାନ୍ତି, କାହାଣୀ ସହିତ କ୍ରମେ ସେଗୁଡ଼ିକୁ ଖୋଲିଥାନ୍ତି ।