୭୫ବର୍ଷ ବୟସ ବୟସ୍କ ବୃଦ୍ଧାଙ୍କୁ ଦୁଷ୍କର୍ମ : ଆଜିହେଲା କୋର୍ଟ ଚାଲାଣ

ଦଶପଲା (ଓଡ଼ିଶା ତାଜା ନ୍ୟୁଜ୍) :- ନୟାଗଡ଼ ଜିଲ୍ଲା ଦଶପଲ୍ଲା ଥାନା ଦଶପଲ୍ଲା ଏନ୍‌ଏସି ଅନ୍ତର୍ଗତ ଏକ ସାହିରେ ରହୁଥ‌ିବା ଜନୈକା ୭୫ ବର୍ଷୀୟା ବୃଦ୍ଧା ଦୁଷ୍କର୍ମର ଶିକାର ହୋଇଛନ୍ତି । ଏହି ଘଟଣାରେ ଥାନାରେ ଅଭିଯୋଗ କରିବାକୁ ଆସିଥିବା ବୃଦ୍ଧା କଂ କଥାକୁ ଦଶପଲ୍ଲା ପୁଲିସ ଶୁଣିନଥିଲା । ଯାହାକୁ ନେଇ ବୃଦ୍ଧା ଜଣଜ ଦଶପଲ୍ଲାର ଜଣେ ବିଚାରପତିଙ୍କୁ ସାକ୍ଷାତ୍ କରି ଘଟଣା ସମ୍ପର୍କରେ ଜଣାଇଥିଲେ । ବିଚାରପତିଙ୍କ ପରାମର୍ଶ କ୍ରମେ ଘଟଣା ତାଲୁକ ଆଇନସେବାକୁ ଅବଗତ କରାଯାଇଥୁଲା ।

ଏନେଇ ବିଚାରପତି ଜିଲ୍ଲା ପୁଲିସର ବରିଷ୍ଠ ଅଧିକାରୀଙ୍କୁ ଘଟଣା ସମ୍ପର୍କରେ ଅବଗତ କରିବା ପରେ ଦଶପଲ୍ଲା ଥାନା ପୁଲିସ ମାମଲା ରୁଜୁ କରିଥିବା ସୂଚନା ମିଳିଛି । ବୃଦ୍ଧା ଜଣକ ଅନୁସୂଚିତ ଜାତି ବର୍ଗର ହୋଇଥିବାରୁ ଘଟଣାର ତଦନ୍ତଭାର ନୟାଗଡ଼ ଏସ୍‌ଡିପିଓ ଜ୍ୟୋତିରଞ୍ଜନ ସାମନ୍ତରାୟ ହାତକୁ ନୋଇଥୁବା ଜଣାପଡ଼ିଛି। । ବୁଧବାର ଏସ୍‌କିପି ଦଶପଲ୍ଲା ଥାନାରେ ପହଞ୍ଚି ଘଟଣାର ଛାନ୍‌ଭିନ୍‌ କରିବା ସହ ଆବଶ୍ୟକ ପଦକ୍ଷେପ ନେଇଥିବା ସୂଚନା ମିଳିଛି I ଘଟଣାରେ ସମ୍ପୃକ୍ତ ଅଭିଯୁକ୍ତ ଦଶପଲ୍ଲା ମାଳିସାହିର ଅଲେଖ ମହାରଣାଙ୍କୁ ପୁଲିସ ଅଟକ ରଖୁଥ‌ିବା ଜଣାପଡ଼ିଛି ।

ପ୍ରକାଶ ଥାଉକି , ଅଲେଖ ଦଶପଲ୍ଲା କଚେରୀ ବଜାରରେ ଏକ ହୋଟେଲ କରିଛନ୍ତି। ଗତ ୧୪ ତାରିଖ ଅପରାହ୍ନରେ ଅସହାୟ ବୃଦ୍ଧା ଜଣକ ତାଙ୍କ ଘରେ ଥ‌ିବାବେଳେ ଅଲେଖ ତାଙ୍କ ଘରକୁ ଯାଇଥିଲେ । ବୃଦ୍ଧାଙ୍କ ସହ ଜୋର ଜବରଦସ୍ତ କରିଥିଲେ । ଏନେଇ ଘଟଣା ଦିନ ବୃଦ୍ଧା ଆନାକୁ ଅଭିଯୋଗ କରିବାକୁ ଆସିଥିଲେ ମଧ୍ୟ , ପୁଲିସ ତାଙ୍କକଥା ଶୁଣି ଥିବା ଅଭିଯୋଗ ହୋଇଛି । ପରେ ବିଚାରପତିଙ୍କ ହସ୍ତକ୍ଷେପ ପରେ ,ଥାନାରେ ମାମଲା ରୁକ୍ଲ ହୋଇଥିବା ସୂଚନା ମିଳିଛି । ଏହି ଘଟଣା ଦଶପଲ୍ଲା ଅଞ୍ଚଳରେ ବେଶ୍ ଚର୍ଚ୍ଚାର ବିଷୟ ପାଲଟିଛି । ଏସ୍‌ଡିପିଓ ବାଣିଗୋଛା ଥାନା ଭାରପ୍ରାପ୍ତ ଅଧିକାରୀ ବିନୟ ରଞ୍ଜନ ପରିଡ଼ା, ନୂଆଗାଁ ଥାନା ଅଧିକାରୀ ରଶ୍ମିରଞ୍ଜନ ସାହୁଙ୍କୁ ଧରି ତଦନ୍ତ ଆଗକୁ ନେଇଥିବା ବେଳେ ଆଜି ଅପରାହ୍ନରେ ଅଭିଯୁକ୍ତ କୁ ଆଜି କୋର୍ଟ ଚାଲାଣ କରାଯାଇଛି ।