ନକ୍ସଲ ହିଂସାକାଣ୍ଡରେ ସମ୍ପୃକ୍ତ ଥିବା ଯୋଗୁଁ ଗଜପତିର ପ୍ରାଥମିକ ଶିକ୍ଷକ ଗିରଫ

ଆର,ଉଦୟଗିରି  (ଓଡ଼ିଶା ତାଜା ନ୍ୟୁଜ୍) :- ଗଜପତି ଜିଲ୍ଲାର ଜଣେ ପ୍ରାଥମିକ ଶିକ୍ଷକ ନକ୍ସଲ କାର୍ଯ୍ୟକଳାପ ସହ ହିଂସାକାଣ୍ଡରେ ଜଡିତ ଥିବା ଯୋଗୁଁ ପୋଲିସ ସମ୍ପୃକ୍ତ ଶିକ୍ଷକଙ୍କୁ ଗିରଫ କରିଥିବା ସୂଚନା ମିଳିଛି । ଏହି ଜିଲ୍ଲାର ଅଡବା ଥାନା ନୂଆ ଖଜୁରୀପଦା ସରକାରୀ ପ୍ରାଥମିକ ବିଦ୍ୟାଳୟ ଶିକ୍ଷକଙ୍କୁ ପୋଲିସ ଗିରଫ କରିଛି । ଗିରଫ ଶିକ୍ଷକ ହେଲେ ପ୍ରତାପ କୁମାର ନାୟକ । ସେ ଗତ କିଛି ବର୍ଷ ହେଲା ଏହି ପ୍ରାଥମିକ ବିଦ୍ୟାଳୟରେ ଏକ୍ସ କ୍ୟାଡର ସହକାରୀ ଶିକ୍ଷକ ଭାବେ ନିଯୁକ୍ତି ପାଇଛନ୍ତି.

ଅଡବା ଥାନା ଅଧୂକାରୀ ଶୁଭ୍ରାନ୍ତ ପଣ୍ଡା ଆମ ଗଜପତି ଜିଲ୍ଲା ପ୍ରତିନିଧି ତାରିଣୀ ପ୍ରସାଦ ପଣ୍ଡାଙ୍କୁ ସୂଚନା ପ୍ରଦାନ କରି କହିଛନ୍ତିଯେ, ପ୍ରତାପ କୁମାର ନାୟକ ପୂର୍ବରୁ ନକ୍ସଲ ସଂଗଠନରେ ସାମିଲ ଥିଲେ. ସେତେବେଳେ ବିଭିନ୍ନ ସ୍ଥାନରେ ହୋଇଥିବା ପୃଥ୍ବା ନକ୍ସଲ ହିଂସାକାଣ୍ଡରେ ସେ ସମ୍ପୃକ୍ତ ଥିଲେ । ୨୦୧୧ ମସିହାରେ ତାଙ୍କ ନାମରେ ନକ୍ସଲ ହିଂସାକାଣ୍ଡ ନେଇ କେଶ ନଂ ୧୩୫/୧୧ରେ ଅଡବା ଥାନାରେ ଏକ ମାମଲା ରୁଜୁ ହୋଇଥିଲା. ଏହି ମାମଲା ଆଧାରରେ ପ୍ରତାପଙ୍କୁ ଗିରଫ କରାଯାଇଛି ।