ଓଡ଼ିଶା ତାଜା ନ୍ୟୁଜ (୮ ସେପ୍ଟେମ୍ବର ମଙ୍ଗଳବାର) ପଦ୍ମପୁର :– ପଦ୍ମପୁର ଉପଖଣ୍ଡ ଜମଲା ପଞ୍ଚାୟତର ନୋଡାଲ ପଞ୍ଚାୟତ ହାଇସ୍କୁଲ ଉପରେ ଜମଲା ସରପଞ୍ଚ ଶ୍ରୀଯୁକ୍ତ ତୁଳାରାମ ବେହେରା ଅଧିକାର ସାବ୍ୟସ୍ତ କରୁଥିବା ବ୍ଳକ ଶିକ୍ଷାଧିକାରୀଙ୍କ ପାଖରେ ଅଭିଯୋଗ କରିଛନ୍ତି ନୋଡାଲ ପଞ୍ଚାୟତ ହାଇସ୍କୁଲର ପ୍ରଧାନ ଶିକ୍ଷକ ଓ ଏସଏମସି କମିଟି ମେମ୍ବର ମାନେ । ସୂଚନା ଅନୁସାରେ ଜମଲା ନୋଡ଼ାଲ ପଞ୍ଚାୟତ ହାଇସ୍କୁଲ ଅଧିନରେ ଥିବା ଏମ.ଇ. ସ୍କୁଲର ପାଞ୍ଚ ଗୋଟି କୋଠରୀକୁ ଜମଲା ସରପଞ୍ଚ ଶ୍ରୀଯୁକ୍ତ ତୁଳାରାମ ବେହେରା କାହାକୁ କିଛି ନ ଜଣାଇ ଭାଙ୍ଗିଦେବା ସହ ଏଠାକାର ଇଟା, ପଥର ,ମୂଲ୍ୟବାନ ଗଛରେ ତିଆରି ହୋଇଥିବା କବାଟ,ଝରକା,ଖପର ଓ ଅନ୍ୟାନ୍ୟ ଆସବାବପତ୍ର ନେଇଯାଇଥିବା ଅଭିଯୋଗ କରିଛନ୍ତି । ଯାହା ଫଳରେ ସ୍କୁଲ ଭିତରେ ବର୍ତ୍ତମାନ ଅସାମାଜିକ ଲୋକଙ୍କ ଆଡ୍ଡାସ୍ଥଲ ପାଲଟିଥିବା ଦରଖାସ୍ତରେ ଦର୍ଶାଇଛନ୍ତି । ଗୋଟିଏ ଶିକ୍ଷାନୁଷ୍ଠାନ ଉପରେ ଜଣେ ଜନପ୍ରତିନିଧି କେଉଁ ଉଦ୍ଦେଶ୍ୟରେ କାହାକୁ ନ ଜଣାଇ ଏପରି କାର୍ଯ୍ୟ କରିଛନ୍ତି ତାହା ଏବେ ଚର୍ଚ୍ଚାର ବିଷୟ ହୋଇଛି । (ରିପୋର୍ଟ – ନିରୋଜ କୁମାର ପାଣୀ)
