ନାରୀ ନିର୍ଯାତନା ବୃଦ୍ଧି ପ୍ରତିବାଦରେ : ପ୍ରଦେଶ ମହିଳା କଂଗ୍ରେସ ପକ୍ଷରୁ ବିକ୍ଷୋଭ – ଦୁଷ୍କର୍ମ ଓ ନିର୍ଯାତନା ବନ୍ଦ ନହେବା ପର୍ଯ୍ୟନ୍ତ ମହିଳା କଂଗ୍ରେସ ଆନ୍ଦୋଳନ ଜାରି ରଖିବ

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :-  ପ୍ରଦେଶ ମହିଳା କଂଗ୍ରେସ ସଭାନେତ୍ରୀ ଶ୍ରୀମତୀ ମିନାକ୍ଷୀ ବାହିନୀପତିଙ୍କ ନେତୃତ୍ୱରେ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଏକ ବିକ୍ଷୋଭ ରାଲି ମାଷ୍ଟରକ୍ୟାଌକ୍ଷଗ୍ଧ;ିନ ଛକଦେଇ ଜନପଥରେ ଯାଉଥିଲା ବେଳେ ରାସ୍ତାରେ ପୋଲିସ ଏହି ରାଲିର ପଥ ଅବରୋଧ କରିଥିଲା । ମହିଳାଙ୍କୁ ନ୍ୟାୟ ଦେବା କ୍ଷେତ୍ରରେ ନିଜ ଦୋଷ, ଦୁର୍ବଳତା, ଅପାରଗତା ଏବଂ ପକ୍ଷପାତିତାକୁ ଘୋଡ଼ାଇବାକୁ ଯାଇ ବିଜେପି ଦଳ ଓ ବିଜେପି ସରକାର ନାଟକବାଜୀ କରୁଥିବାରୁ ତାର ପ୍ରତିବାଦରେ ଆଜି ଶ୍ରୀମତୀ ବାହିନୀପତିଙ୍କ ନେତୃତ୍ୱରେ ମହିଳା କଂଗ୍ରେସର ସଭ୍ୟାମାନେ ଚୂଡ଼ି ଧରି ପ୍ରତିବାଦ କରିଥିଲେ ।

ବର୍ଷାକୁ ଖାତିର ନକରି ପୋଲିସ ବାରିକେଡ ଭାଙ୍ଗି ଅଗ୍ରସର ହେଉଥିବାବେଳେ ମହିଳା କଂଗ୍ରେସ ସଭାନେତ୍ରୀ ଓ ଅନ୍ୟାନ୍ୟ କର୍ମକର୍ତ୍ତାଙ୍କୁ ପୋଲିସ ଘଟଣାସ୍ଥଳରୁ ଉଠାଇ ନେଇଥିଲା । ବର୍ଷାରେବି ଏକଘଌକ୍ଷଗ୍ଧ;ା ଧରି ପୋଲିସ ସହ ମହିଳା କଂଗ୍ରେସ କର୍ମୀଙ୍କର ଧସ୍ତାଧସ୍ତି ହୋଇଥିଲା । ଏହି ଅବସରରେ ଶ୍ରୀମତୀ ବାହିନୀପତି କହିଛନ୍ତି ଯେ ବିଜେପି ପକ୍ଷରୁ କଂଗ୍ରେସକୁ ବଳାତ୍କାରୀ ଦଳ କୁହାଯାଇଛି । ତେବେ ମହିଳାଙ୍କୁ ବଳାତ୍କାର, ଗଣବଳାତ୍କାର, ହତ୍ୟା ଓ ନିର୍ଯାତନା ବିଜେପି ସରକାରରେ ହିଁ ଅନିୟନ୍ତ୍ରୀତ ହୋଇପଡ଼ିଛି । ଛାତ୍ର କଂଗ୍ରେସ ସଭାପତିଙ୍କ ନାମରେ ଅଭିଯୋଗ ପରେ ଦଳପକ୍ଷରୁ ତାଙ୍କୁ ନିଲମ୍ବନ କରାଯାଇଛି ।

ତାଙ୍କର ଦୋଷ ଏପର୍ଯ୍ୟନ୍ତ ପ୍ରମାଣିତ ହୋଇନାହିଁ । ମାତ୍ର ବିଜେପିର ରାଜ୍ୟ ସଭାପତିଙ୍କ ଇତିହାସ କ’ଣ ତାହା ରାଜ୍ୟବାସୀ ଜାଣନ୍ତି । ଦିଲ୍ଲୀର ଓଡ଼ିଶା ନିବାସରେ ଆପତ୍ତିଜନକ ଘଟଣା ଠାରୁ ସୋର ନିର୍ବାଚନ ମଣ୍ଡଳୀରେ ଦିବ୍ୟାଙ୍ଗକଙ୍କୁ ନିର୍ଯାତନା ଘଟଣାରେ କିଏ ସଂପୃକ୍ତ ସେକଥା ଗଣମାଧ୍ୟମରେ ଡିବିଡିବି ହୋଇଛି । ଓଡ଼ିଶାର ନାରୀ ରାଜ୍ୟ ବିଜେପି ସଭାପତିଙ୍କର ଅସଲ ଚେହେରା ସମ୍ପର୍କରେ ଜାଣନ୍ତି । ତେଣୁ ବିଜେପି ମହିଳାମୋର୍ଚ୍ଚା ପକ୍ଷରୁ ବିଜେପି ରାଜ୍ୟ କାର୍ଯାଳୟ ଓ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ବାସଭବନ ଆଗରେ ବିକ୍ଷୋଭ କରିବା ଉଚିତ । ବିଜେପି ସଭାପତିଙ୍କ କୁଶପୁତଳିକା ବିଜେପି କାର୍ଯାଳୟ ଆଗରେ ପୋଡ଼ା ହେବା ଉଚିତ ।

ତାହାହେଲେ ଜଣାପଡ଼ିବ ଯେ ବିଜେପି ଦଳର ମହିଳାମାନଙ୍କ ପ୍ରତି ମର୍ଯାଦା ଓ ସମ୍ମାନ ଅଛି । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଯିଏ ମହିଳା ସୁରକ୍ଷା ଉପରେ ଗର୍ଜ୍ଜନ କରୁଛନ୍ତି ସେ ନିଜ ନିର୍ବାଚନ ମଣ୍ଡଳୀର ମହିଳାଙ୍କୁ ସୁରକ୍ଷା ଦେବାକୁ ଅକ୍ଷମ । ସେ କ’ଣ ପାଇଁ ଏମସ୍ ହସପିଟାଲରେ ବଳଙ୍ଗା ପୀଡ଼ିତାକୁ ସାକ୍ଷାତ କରିବାକୁ ଯାଇ ପାରିଲେ ନାହିଁ । ଫକୀର ମୋହନ ସ୍ୱଂୟସାଶିତ ମହାବିଦ୍ୟାଳୟର ଛାତ୍ରୀଙ୍କୁ ଏବିଭିପି ଏବଂ ବିଜେପି ହତ୍ୟା କରିଛିବୋଲି ସ୍ପଷ୍ଟ ହୋଇପଡ଼ୁଛି ।

ଛାତ୍ରୀଟିର ହାତକୁ କିଏ ପେଟ୍ରୋଲ ଜାର ଏବଂ ଦିଆସିଲି ଧରାଇଦେଲା ତାହା ବିଜେପି ଉତ୍ତର ଦେଉ? ଓଡ଼ିଶାର ସମସ୍ତ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନର ପରିସର ଏବେ ମହିଳାଙ୍କ ପାଇଁ ଅସୁରକ୍ଷିତ । କେନ୍ଦୁଝରରେ ଯୁକ୍ତ ଦୁଇ ଆଦିବାସୀ ଛାତ୍ରୀକୁ ଗଣଦୁଷ୍କର୍ମ ଓ ହତ୍ୟା କରାଗଲା । ସେହିପରି ଗୋପାଳପୁର ବିଚରେ ଜଣେ ଛାତ୍ରୀଙ୍କୁ ୧୦ ଜଣ ଦୁଷ୍କର୍ମ କଲେ । କନ୍ୟାଶ୍ରମରେ ନାବାଳିକା ଗର୍ଭବତୀ ହୋଇପଡ଼ୁଛନ୍ତି । ପ୍ରତିଦିନ ୧୫ ଜଣ ମହିଳା ଦୁଷ୍କର୍ମର ଶିକାର ହେଉଥିବା ବେଳେ ମୋହନ ସରକାର ନିଦକ ବସିଛି । ଓଡ଼ିଶାର ମହିଳା ଦିନରେ ଘରୁ ବାହାରିବାକୁ ଡରୁଛନ୍ତି ।

ମହିଳାମାନଙ୍କୁ ସୁରକ୍ଷିତ ରଖିବାପାଇଁ ପ୍ରତିଶ୍ରୁତି ଦେଇ ସରକାରକୁ ଆସିବାପରେ ଏବେ ବିଜେପି ସରକାର ମହିଳା ସୁରକ୍ଷା ପ୍ରତି ଉଦାସୀନ ହୋଇପଡ଼ିଛି । ବିଜେପି ଦଳର ରାଜ୍ୟ ସଭାପତିଙ୍କର ଆଦର୍ଶ କ’ଣ ତାହାକୁ ବିଜେପି ଦଳ ସ୍ପଷ୍ଟ କରୁ । ସରକାର ଏବଂ ବିଜେପି ଦଳ ଦୁଷ୍କର୍ମକାରୀଙ୍କ ସପକ୍ଷରେ ରହୁଛନ୍ତି ବୋଲି ତାଙ୍କର କାର୍ଯ୍ୟଧାରାରୁ ସ୍ପଷ୍ଟ ହୋଇପଡ଼ୁଛି । ସୁତରାଂ ଓଡ଼ିଶାର ମହିଳାଙ୍କୁ ସୁରକ୍ଷା ଏବଂ ଦୁଷ୍କର୍ମକାରୀଙ୍କୁ ଦଣ୍ଡ ନମିଳିବା ପର୍ଯ୍ୟନ୍ତ ମହିଳା କଂଗ୍ରେସ ତାର ଲଢ଼େଇ ଜାରି ରଖିବ । ଏହି ବିକ୍ଷୋଭରେ ପ୍ରଧାନମନ୍ତ୍ରୀ ମୋଦି, ବିଜେପି ସଭାପତି ମନମୋହନ ସାମଲ ଏବଂ ମୁଖ୍ୟମନ୍ତ୍ରୀ ମୋହନ ମାଝୀଙ୍କ କୁଶପୁତଳିକା ଦାହ କରାଯାଇଥିଲା । ଏହି କାର୍ଯ୍ୟକ୍ରମରେ ମହିଳା କଂଗ୍ରେସ ଏବଂ ପ୍ରଦେଶ କଂଗେସର ବରିଷ୍ଠ ନେତୃବର୍ଗ ଉପସ୍ଥିତ ଥିଲେ ।