ଓଡ଼ିଶା ତାଜା ନ୍ୟୁଜ (୭ ସେପ୍ଟେମ୍ବର ସୋମବାର) ଭୁବନେଶ୍ୱର :– ବିଜୁ ଯୁବ ଛାତ୍ର ଜନତା ଦଳ ପକ୍ଷରୁ ଓଡିଶାର ସମସ୍ତ ଜିଲ୍ଲାର ସାଂଗଠନିକ ସମୀକ୍ଷା ସମ୍ପର୍କୀୟ ଭର୍ଚୁଆଲ୍ ମିଟିଙ୍ଗ୍ ସଫଳତାର ସହ ସମ୍ପର୍ଣ୍ଣ ହୋଇଯାଇଅଛି । ଆଜି ଓଡିଶାର ଦେଓଗଡ, ଗଜପତି, ଜଗତସିଂହପୁର, କେନ୍ଦୁଝର, ନୁଆପଡା ଓ କନ୍ଧମାଳ ଜିଲ୍ଲାର ତୃଣମୂଳ ସ୍ତରୀୟ ସାଂଗଠନିକ କାର୍ଯ୍ୟକୁ ସମୀକ୍ଷା କରାଯାଇଛି । ପୂର୍ବରୁ ୬ଟି ପର୍ଯ୍ୟାୟରେ ୨୪ଜିଲ୍ଲା ଏବଂ ୩ଟି ସାଂଗଠନିକ ଜିଲ୍ଲାର ସାଙ୍ଗଠନିକ ବୈଠକ ସମୀକ୍ଷା କରାଯାଇଥିଲା । ଅଗଷ୍ଟ ୨୪ତାରିଖରୁ ଆରମ୍ଭ ହୋଇଥିବା ଏହି ସମୀକ୍ଷା ବୈଠକରେ ୭ଟି ପର୍ଯ୍ୟାୟରେ ଓଡିଶାର ୩୦ଟି ଜିଲ୍ଲା ତଥା ୩ଟି ସାଂଗଠନିକ ଜିଲ୍ଲାର ଅଗଣିତ ଯୁବ ଛାତ୍ର ନେତାମାନେ ଯୋଗଦେଇ ତୃଣମୂଳ ସ୍ତରରେ ସଂଗଠନକୁ ମଜ୍ଭୂତ କରିବା ପାଇଁ ନିଜର ମତ ପ୍ରଦାନ କରିଥିଲେ । ଏହି ଭର୍ଚୁଆଲ ମିଟିଙ୍ଗ ପ୍ରାରମ୍ଭରେ ପୂର୍ବତନ ରାଜ୍ୟସଭା ସାଂସଦ ତଥା ବିଜୁ ଜନତା ଦଳର ବର୍ଷିଆନ ନେତା ଶ୍ରୀ ନରେନ୍ଦ୍ର ସ୍ୱାଇଁଙ୍କ ବିୟୋଗରେ ୧ମିନିଟ୍ର ନିରବ ପ୍ରାର୍ଥନା କରାଯାଇଥିଲା ।
ଆଜିର ସାଙ୍ଗଠନିକ ସମୀକ୍ଷା ଭର୍ଚୁଆଲ୍ ମିଟିଙ୍ଗ୍ରେ ମୁଖ୍ୟ ଅତିଥିରୂପେ ବିଜୁ ଜନତା ଦଳର ସଂଗଠନ ସମ୍ପାଦକ ତଥା ମାନ୍ୟବର ବିଧାୟକ ଯାଜପୁର ଶ୍ରୀ ପ୍ରଣବ ପ୍ରକାଶ ଦାସ ଯୋଗଦେଇ ଓଡିଶାର ସମ୍ନାନନୀୟ ବରପୁତ୍ରଗଣ ଯଥା ମଧୁବାବୁ, ଗଜପତି କୃଷ୍ଣଚନ୍ଦ୍ର ମହାରାଜା, ବିଜୁ ବାବୁ ଯେଉଁ \”ମୋ ଓଡିଶା\’ ର ସ୍ୱପ୍ନ ଦେଖିଥିଲେ ଆଜି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ \”ଓଡିଶା ମୋ ପରିବାର\’ ର ସ୍ଳୋଗାନ ଦେଇ ଓଡିଶା ତଥା ଓଡିଆ ଜାତିର ଅସ୍ମିତା, ଗୌରବକୁ ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ପରିଚୟ ପ୍ରଦାନ କରି ଏବଂ ବରପୁତ୍ରମାନଙ୍କ ସ୍ୱପ୍ନକୁ ସାକାର କରି ଓଡିଶାକୁ ଏକ ସୁନାର ଓଡିଶା ଭାବେ ଗଢିତୋଳିଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ପ୍ରତ୍ୟେକ୍ଷ ଭାବେ ପ୍ରତ୍ୟେକ ମୁହୁର୍ତ୍ତରେ ଓଡିଶାର ସମସ୍ତ ଯୁବ ଛାତ୍ରମାନଙ୍କ ସହ ଅଛନ୍ତି ।
ତେଣୁ ଓଡିଶାର ପ୍ରତ୍ୟେକ ଯୁବ ଛାତ୍ରମାନଙ୍କୁ ମୁଁ ଆହ୍ୱାନ କରୁଛି ସେମାନେ ଆହୁରି ସୁ-ସଂଗଠିତ ହୁଅନ୍ତି, ସମାଜସେବା କ୍ଷେତ୍ରରେ ଆହୁରି କ୍ରିୟାଶୀଳ ଶକ୍ତିଶାଳି ହୋଇ ମାନ୍ୟବର ମୁଖ୍ୟମନ୍ତ୍ରୀଙ୍କ ସରଳ ଜୀବନଶୈଳୀ, ସ୍ୱଚ୍ଛ ଭାବମୂର୍ତ୍ତି ଏବଂ ବିକାଶର ମଡେଲ୍କୁ ନିଜର ରୋଲ୍ ମଡେଲ୍ ଭାବେ ଗ୍ରହଣ କରି ଓଡିଶା କିପରି ଆଗକୁ ଯିବ ଏ ଓଡିଆ ଜାତି କିପରି ଆଗକୁ ବଢିବ ସେ ଦିଗରେ କାର୍ଯ୍ୟ କରିବା ପାଇଁ ବ୍ରତୀ ହୁଅନ୍ତୁ । ବିଜୁ ଜନତା ଦଳର ରାଜ୍ୟ ସାଧାରଣ ସମ୍ପାଦକ (ଯୁବ ବ୍ୟାପାର) ତଥା ମାନ୍ୟବର ବିଧାୟକ ଧର୍ମଶାଳା ଶ୍ରୀ ପ୍ରଣବ କୁମାର ବଳବନ୍ତରାୟଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ସାଧାରଣ ସମ୍ପାଦକ (ଛାତ୍ର ବ୍ୟାପାର) ତଥା ମାନ୍ୟବର ବିଧାୟକ ଚାନ୍ଦବାଲି ଶ୍ରୀଯୁକ୍ତ ବ୍ୟୋମକେଶ ରାୟ, ବିଜୁ ଜନତା ଦଳର ରାଜ୍ୟ ସମ୍ପାଦକ (ଯୁବ ବ୍ୟାପାର) ତଥା ବିଜୁ ଯୁବ ଜନତା ଦଳର ରାଜ୍ୟ ସଭାପତି ଶ୍ରୀଯୁକ୍ତ ଅମରେଶ ପତ୍ରୀ ଏବଂ ବିଜୁ ଛାତ୍ର ଜନତା ଦଳର ରାଜ୍ୟ ସଭାପତି ଶ୍ରୀ ରାଣାପ୍ରତାପ ପାତ୍ର ପ୍ରମୂଖ ପରିଚାଳନା କରିଥିଲେ ।
