ବାଲିପାଟଣା (ଓଡ଼ିଶା ତାଜା ନ୍ୟୁଜ୍) :- ଭୁବନେଶ୍ବର ଉପକଣ୍ଠ ଖୋର୍ଦ୍ଧା ଜିଲ୍ଲା , ବାଲିପାଟଣା ବ୍ଲକ ଅନ୍ତର୍ଗତ ବେଙ୍ଗବତି ଗ୍ରାମ ଠାରେ ରାସ୍ତା କଡ ଡ୍ରେନ କାମ ବେଳେ ପାଚେରୀ ଓଲଟି ଦୁଇ ଜଣଙ୍କର ମୃତ ଓ ଜଣେ ଗୁରୁତର ଆହତ ହୋଇଛନ୍ତି । ଘଟଣାରୁ ପ୍ରକାଶ ଯେ ଗତ କିଛି ଦିନ ଧରି ଆଠାନ୍ତର ଛକ ଠାରୁ ନୂଆସାହି ପର୍ଯ୍ୟନ୍ତ ରାସ୍ତାର ଦୁଇପଟେ ଡ୍ରେନ କାମ ହେଉଛି । ଠିକାଦାରଙ୍କ ଦ୍ଵାରା ନିଯୁକ୍ତ ଭଦ୍ରକ ଓ କେନ୍ଦୁଝର ଅଞ୍ଚଳର ମିସ୍ତ୍ରୀମାନେ ଏଠାରେ କାମ କରୁଛନ୍ତି ।
ବେଙ୍ଗବତି ପ୍ରାଥମିକ ବିଦ୍ୟାଳୟ ସମ୍ମୁଖ ରେ ଡ୍ରେନ କାମ ହେଉଥିବା ବେଳେ ହଠାତ୍ ବିଦ୍ୟାଳୟ ପାଚେରି ଭୁଶୁଡ଼ି ପଡ଼ିଥିଲା । ଏହି ସମୟରେ ପାଚେରୀ ପାଖରେ କାମ କରୁଥିବା ମିସ୍ତ୍ରୀ ହୁଇଲା ହୋ,ଦଳେ ହୋ ଏବଂ କଲା ହୋ ପାଚେରୀ ତଳେ ରହି ଯାଇଥିଲେ । କଳା ହୋ ଗୁରୁତର ଆହତ ହୋଇଥିବା ବେଳେ ଅନ୍ୟ ଦୁଇଜଣଙ୍କର୍ ଘଟଣା ସ୍ଥଳରେ ମୃତ୍ୟୁ ହୋଇଛି । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନା ପଠାଇଥିଲେ ।
