ଗଜପତି ଜିଲ୍ଳାର ବିଭିନ୍ନ ଅଂଚଳରେ ଆନ୍ଧ୍ର ଓଡିଶା ଅବକାରୀ ଟିମର ମିଳିତ ଚଢ଼ାଉ ୯,୨୦୦ ଲିଟର ଦେଶୀ ମଦ ଓ ପୋଚ ଜବତ

ପାରଳାଖେମୁଣ୍ଡି (ଓଡ଼ିଶା ତାଜା ନ୍ୟୁଜ୍) :- ଗଜପତି ଜିଲ୍ଲାରେ ଆନ୍ଧ୍ର – ଓଡିଶା ଅବକାରୀ ଚଢ଼ାଉ କରାଯାଇ 9,200 ଲିଟର ଦେଶୀ ମଦ ଓ ପୋଚ ଜବତ କରାଯାଇଥିବା ସୂଚନା ମିଳିଛି l ଏହି ଜିଲ୍ଲାର କାଶୀନଗର ବ୍ଲକ ଅନ୍ତର୍ଗତ ସିରିଡା, ବୁରୁସିଲିଗୁଡା, କଟାଗୁଡା, ତାମିଲଗୁଡା, ଅମଡା ଆଦି ୬ ଗୋଟି ଗ୍ରାମରେ ଆନ୍ଧ୍ର ପ୍ରଦେଶର ଶ୍ରୀକାକୁଲମ ଅବକାରୀ ଟିମ ସହ ଗଜପତି ଜିଲ୍ଲା ଓ ରାୟଗଡ ଜିଲ୍ଲାର ଅବକାରୀଟିମ ମିଳିତ ଭାବେ ଚଢ଼ାଉ କରିଥିଲେ lଆଜିର ଏହି ଚଢ଼ାଉରେ ୭,୭୦୦ ଲିଟର ପୋଚ ସହିତ ୧୫୦୦ ଲିଟର ଦେଶୀ ରନ୍ଧା ମଦକୁ ଜବତ କରାଯାଇ ନଷ୍ଟ କରାଯାଇଥିବା ସୂଚନା ମିଳିଛି l ଅବକାରୀ ଦଳର ଏହି ମିଳିତ ଚଢ଼ାଉ ନେଇ ପାହାଡ଼ ଉପରୁ ଚୋରା ମଦ ବେପାରୀମାନେ ଦେଖି ପାରି ନିଜନିଜକୁ ଆତ୍ମଗୋପନ କରିଥିବା ଯୋଗୁଁ ଚଢ଼ାଉରେ କେହି ଗିରଫ ହୋଇନଥିବା ଜଣାଯାଇଛି l