ବ୍ଲକ ସ୍ତରୀୟ ସୁଭଦ୍ରା ଶକ୍ତି ପାରମ୍ପରିକ ଖାଦ୍ୟ ପ୍ରତିଯୋଗିତା

 ଜଗତସିଂହପୁର  (ଓଡ଼ିଶା ତାଜା ନ୍ୟୁଜ୍) :- ବିରିଡି ବ୍ଲକ ସ୍ତରୀୟ ସୁଭଦ୍ରା ଶକ୍ତି ପାରମ୍ପରିକ ଖାଦ୍ୟ ପ୍ରତିଯୋଗିତା ମଙ୍ଗଳବାର ବ୍ଲକ ସଭାଗୃହରେ ଅନୁଷ୍ଠିତ ହୋଇଯାଇଛି l ଏହାକୁ ବ୍ଲକ ଅଧ୍ୟକ୍ଷା ମମତା ପାତ୍ର ଉଦ୍ଘାଟନ କରିଥିଲେ l ମିଶନ ଶକ୍ତି ବିଭାଗ ଓଡିଶା ସରକାର ଙ୍କ ପକ୍ଷରୁ ବିରିଡିବ୍ଲକ ମିଶନଶକ୍ତି ବିଭାଗ ଜରିଆରେ ଅନୁଷ୍ଠିତ ପ୍ରତିଯୋଗିତାରେ ଅନ୍ୟମାନଙ୍କ ମଧ୍ୟରେ ଏବିଡ଼ିଓ ନିରୋଦ କୁମାର ସାମଲ, ସରପଞ୍ଚ ଯୁଧିଷ୍ଠିର ବେହେରା,ମିଶନ ଶକ୍ତି ସଂଯୋଜିକା ନିବେଦିତା ଦାସ, ବିପିଏମ ରୁଦ୍ରପ୍ରତାପ ନନ୍ଦ, ସିଡ଼ିପିଓ ସଲୀଳା ପ୍ରଧାନ,

ଜିପିଓ ପାୟଲ ମହାପାତ୍ର, ପ୍ରଭାତ କୁମାର ସାହୁ, ବିଏଲସି ଦୀପ୍ତି ମୟୀ ଦାଶ, ସସ୍ମିତା ବେହେରା, ସସ୍ମିତା ବରାଳ, ପ୍ରମୋଦ ସିଂହ ପ୍ରମୁଖ କାର୍ଯ୍ୟ କ୍ରମକୁ ପରିଚାଳନା କରିଥିଲେ l ଏହାର ଲକ୍ଷ୍ୟ ଉଦେଶ୍ୟ ହେଉଛି ଓଡ଼ିଶାର ପରିମ୍ପରିକ ଖାଦ୍ୟକୁ ବିଶ୍ୱସ୍ତରରେ ପହଂଚାଇବା ଓ ଓଡ଼ିଶାର ସଂସ୍କୃତିକୁ ବଜାୟ ରଖିବା l ଏହି ପ୍ରତିଯୋଗିତାରେ ବ୍ଲକର 18ଟି ଏସ ଏଚ ଜି ର 54ଜଣ ପ୍ରତିଯୋଗୀ ଭାଗନେଇ ଓଡ଼ିଶାର ବିଭିନ୍ନ ପାରିମ୍ପରିକ ଖାଦ୍ୟ ଯଥା ପୀଠ,

ପଣା,ପଖାଳ ବଢ଼ି ଚିରା ଆଳୁ ଭର୍ତ୍ତା, ଭଜା ଆଦି ସୁସ୍ୱାଦୁ ବ୍ୟଞ୍ଜନ ତିଆରି କରି ଆଣିଥିଲେ l ସେଥିମଧ୍ୟରୁ ବତୀ ମୀରା ପଞ୍ଚାୟତ ର ଚିନ୍ମୟୀ ଏସ ଏଚ ଜି ପ୍ରଥମ ଓ କୂଳକଈଜଙ୍ଗl ଗ୍ରା. ପ. ର ମା ବୁଢ଼ୀ ଜାଗୁଳାଇ ଏସ ଏଚ ଜି 2ୟ ସ୍ଥାନ ଅଧିକାର କରିଥିଲେ ପ୍ରଥମକୁ ସାର୍ଟିଫିକେଟ ସହ 5ହଜାର ଓ 2ୟକୁ 4ହଜାର ଅର୍ଥରାଶି ପୁରସ୍କାର ଦିଆଯାଇଥିଲା l ଏହି ପ୍ରତିଯୋଗୀ ଦ୍ବୟ ଜିଲ୍ଲାସ୍ତରକୁ ଯିବାକୁ ମନୋନୀତ ହୋଇଛନ୍ତି l ଅବଶିଷ୍ଟ ସମସ୍ତ ପ୍ରତିଯୋଗୀ ମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା l