ଗୋପ (ଓଡ଼ିଶା ତାଜା ନ୍ୟୁଜ୍) :– ରାଜ୍ୟରେ ପ୍ରଥମକରି ବିଜେପି ସରକାର ଶାସନ ବ୍ୟବସ୍ତା କୁ ଆସିବା ପୂର୍ବରୁ ଦେଇଥିବା ପ୍ରତିଶୃତି ପୂରଣ କରିବାରେ ବିଫଳ ହୋଇଛନ୍ତି l ସେଥିପାଇଁ ଗତ କାଲି ସକାଳ 11 ଟା ସମୟରେ ଗୋପ ଶାଖା ଭାରତୀୟ କମ୍ୟୁନିଷ୍ଟ ପାର୍ଟି ପକ୍ଷରୁ ଶତାଧିକ କର୍ମୀଙ୍କ ହାତରେ ଲାଲ ଜଣ୍ଡା ଧରି ଗୋପ ବ୍ଲକ ଅଭିମୁଖେ ବାହାରିଥିଲେ l ଗୋପ ମହାଦେବ ମନ୍ଦିର ଠାରୁ ଏକ ଶୋଭାଯାତ୍ରା କରି ବିଭିର୍ନ୍ନ ସ୍ଲୋଗାନ ଦେଇ ଗୋପ ବ୍ଲକ ସାମ୍ନାରେ ଧାରଣ ଦେଇଥିଲେ l ପ୍ରଶନ୍ନ କୁମାର ଦାସ, ଗୋପ୍ ଜୋନାଲ ସମ୍ପାଦକ ଭାରତୀୟ କମ୍ୟୁନିଷ୍ଟ ପାର୍ଟି ଏହାର ନେତୃତ୍ୱ ନେଇଥିଲେ l
ଆୟୁମାନ ସ୍ୱାସ୍ଥ୍ୟ କାର୍ଡରେ ଏକଳ ବ୍ୟବସ୍ଥା ପ୍ରହାର କରି ପରିବାରର ମୁଖ୍ୟଙ୍କ ସହିତ ସମସ୍ତ ସଦସ୍ୟଙ୍କୁ ଅନ୍ତର୍ଭୁକ୍ତ କରାଯାଇ । ଏଥିରେ କେତେକ ବୈଷୟିତ ତ୍ରୁଟି ରହିଥିବାରୁ ଏହାର ସରଳୀକରଣ ହେବା ପର୍ଯ୍ୟନ୍ତ ବିଜୁ ସ୍ବାସ୍ଥ୍ୟ କାର୍ଡକୁ ପ୍ରଚଳନ କରାଯାଇ । ରାସନ କାର୍ଡ ରୁ ବାଦ ପଡ଼ିଥିବା ସମସ୍ତ ହିତାଧୁବାରୀଙ୍କୁ କାର୍ଡ ପ୍ରଦାନ କରାଯାଉ। ବାଦ ପଡ଼ିଥିବା ପରିବାର ସହସ୍ୟଙ୍କୁ ମଧ୍ୟ ଅନ୍ତଭୂକ୍ତ କରାଯାଇ । ନିର୍ବାଚନ ସମୟରେ ଦେଇଥିବା ପ୍ରତିଶ୍ରୁତି ଅନୁସାରେ ପ୍ରତ୍ୟେକ ବିଦ୍ୟୁତ୍ ଗ୍ରାହକଙ୍କୁ ୩୦୦ ୟୁନିଟ୍ ବିଜୁଳି ଦେୟ ଛାଡ଼ କର ।ଓଡ଼ିଶାରେ ବିଦ୍ୟୁତ୍ ସେବା କ୍ଷେତ୍ରରେ ଟାଟା କମ୍ପାନୀ ସହିତ ହୋଇଥିବା ଚୁଲିନାମା ବାଡିଲ କର ।
ବିଦ୍ୟୁତ ଗ୍ରହାକମାନଙ୍କ ଉପରେ ଟାଟା କମ୍ପାନୀର ଜୁଲୁମ୍ ବନ୍ଦ କଲ । ସ୍ମାର୍ଟ ମିଟର ବସାଇବା ବନ୍ଦ କର l ସମସ୍ତ ଚାଷୀଙ୍କ ଉପରୁ କୃଷି ଋଣ ଛାଡ଼ କର। 60 ବର୍ଷରୁ ଉର୍ଦ୍ଧ ଚାଷୀ , ମୂଲିଆଙ୍କୁ ୬ହଜାର ଟଙ୍କା ପେନସନ ଲାଗୁ କର। ନିଶ୍ଚିତ କର୍ମ ନିଯୁକ୍ତି ଯୋଜନାକୁ ତୁରନ୍ତ କାର୍ଯ୍ୟକାରୀ କର। କୃଷି କ୍ଷେତ୍ରରେ ବିନିଯୋଗ ପାଇଁ ଆଇନ ପ୍ରଣୟନ କର । ଏହି ଯୋଜନାରେ ବ୍ୟବହୃତ ଯାନ୍ତ୍ରିକ ବ୍ୟବସ୍ଥା ବନ୍ଦ କର। କୋଣାର୍କ ଓ ଗୋପ ଅଞ୍ଚଳର ଥିବା ଜମିଜମା ସମସ୍ୟାର ସମାଧାନ ତୁରନ୍ତ କର। ଉତ୍ପାଦିତ ଫସଲ ସୁରକ୍ଷିତ ପାଇଁ ଗୋପ ବ୍ଲକରେ ଏକ ଶୀତଳ ଭଣ୍ଡାର ପ୍ରତିଷ୍ଠା କର l
ସମବାୟ ବ୍ୟାଙ୍କମାନଙ୍କରୁ ପାନଚାଷୀମାନଙ୍କୁ ପାନଚାଷ ରଣ ବିନା ସୁଧରେ ପ୍ରଦାନ ପାଇଁ ଆଇନ କର ଏବଂ ଫସଲ ବୀମା ପରି ପାନଚାଷ ବୀମା ପ୍ରଣୟନ କର l ବାର୍ଦ୍ଧକ୍ୟ , ବିଧବା ଭତ୍ତା ସମସ୍ତ ହିତାଧିକାରୀଙ୍କୁ ୩୫୦୦ ଟଙ୍କା ଲେଖାଏଁ ପ୍ରଦାନ କର । ଦଳିତ ଭୂମିହୀନମାନଙ୍କୁ ଘରଡ଼ିହ ପଟ୍ଟା ଯୋଲାଇଦିଅ। ଏହି ବିକ୍ଷୋଭରେ ସିପିଆଇ ରାଜ୍ୟ ସମ୍ପାଦକ ଆଶିଷ କାନୁନ୍ଗୋ, ସହସମ୍ପାଦକ କ୍ଷୀରୋଦ ସିଂହଦେଓ, ଜିଲ୍ଲା ସମ୍ପାଦକ କୃଷ୍ଣଚନ୍ଦ୍ର ରାଉତ, ପ୍ରଦୀପ୍ତ କୁମାର ମହାନ୍ତି, ମନୋରଞ୍ଜନ ପରିଡ଼ା, ସୁକାନ୍ତ ମହାନ୍ତି ପ୍ରମୁଖ ନେତୃତ୍ବ ଯୋଗ ଦେଇଥିଲେ l ଶେଷରେ ଗୋପ ବ୍ଲକ ବିଡ଼ିଓ ଛବିରାଣୀ ସାହୁ ଙ୍କ ମାଧ୍ୟମ ରେ ରାଜ୍ୟ ସରକାର ଙ୍କୁ ଏକ ଲିଖିତ ଦାବିପତ୍ର ପ୍ରଦାନ କରାଯାଇଥିଲା l
