ବୀରନରସିଂହପୁର ମା ଦକ୍ଷିଣକାଳୀଙ୍କୁ ଦର୍ଶନ କଲେ ବ୍ରହ୍ମଗିରି ବିଧାୟିକା

ପୁରୀ (ଓଡ଼ିଶା ତାଜା ନ୍ୟୁଜ୍) :-  ଶନିବାର ମଧ୍ଯାହ୍ନରେ ଚନ୍ଦନପୁର ସ୍ଥିତ ବୀରନରସିଂହପୁର ବାଇପାସ ରାସ୍ତା ପାର୍ଶ୍ବରେ ଥିବା ମା ଦକ୍ଷିଣକାଳୀ ମନ୍ଦିରରେ ବ୍ରହ୍ମଗିରି ବିଧାୟିକା ଉପାସନା ମହାପାତ୍ର ମାଆଙ୍କୁ ଦର୍ଶନ କରିବା ସହ ଆର୍ଶୀବାଦ ଭିକ୍ଷା କରିଥିଲେ । ଏହି ଅବସରରରେ ଗଣମାଧ୍ୟମକୁ ସୂଚନା ଦେଇ କହିଛନ୍ତି ମାଆଙ୍କୁ ଦର୍ଶନ କରି ବହୁତ ଖୁସି ଅନୁଭବ କରୁଛି ।

ମୋର ସୌଭାଗ୍ଯ ଆମ ନିର୍ବାଚନ ମଣ୍ଡଳୀ ଭିତରେ ମାଆଙ୍କ ମନ୍ଦିର ରହିଛି । ଏହି ମନ୍ଦିରଟି ଏକ ଶକ୍ତିପୀଠ ଭାବେ ପରିଚିତ । ନିର୍ବାଚନ ପୂର୍ବରୁ ଓ ପରେ ମାଆଙ୍କ ମନ୍ଦିରକୁ ଅନେକ ଥର ଆସିଛି । ମାଆଙ୍କ ଭକ୍ତ ଓ ପ୍ରତିନିଧି ହିସାବରେ ଯାହୃ କର୍ତ୍ତବ୍ଯ ରହିଛି ତାଠାରୁ ଅଧିକା କାମ କରିବା ପାଇଁ ଚେଷ୍ଟା କରିବି । ମନ୍ଦିର ପୂଜକ ଅତ୍ୟନ୍ତ ସରଳ ଓ ସ୍ନେହୀ । ମନ୍ଦିରର ଉର୍ନ୍ନତି ପାଇଁ ବିଧାୟିକା ପାଣ୍ଠିରୁ ଅର୍ଥ ସାହାଯ୍ଯ କରିପାରିବି । ମାଆଙ୍କ ମନ୍ଦିରରେ ଶନିବାର ଯୋଗୁ ପାଞ୍ଚ ଶହରୁ ଉର୍ଦ୍ଧ୍ବ ଭକ୍ତଙ୍କ ଗହଳି ଦେଖିବାକୁ ମିଳିଥିଲା ।