୧ ଲକ୍ଷ ୧୫ ହଜାର ଲୁଟିନେଲେ ଦୁର୍ବୃତ୍ତ : କଳା ପଲସର୍ ଆତଙ୍କ

ନୂଆଗାଁ (ଓଡ଼ିଶା ତାଜା ନ୍ୟୁଜ୍) :- ନୂଆଗାଁ ଥାନା ଆଛୁପଡ଼ା ଗ୍ରାମର ଟଙ୍କା ନେଇ ଘରକୁ ଫେରୁଥିବା ବେଳେ ମହିତମା ଜଙ୍ଗଲରେ ତାଙ୍କ ଠାରୁ ଦୁର୍ବୃତ୍ତ ମାନେ ଟଙ୍କା ଛଡାଇ ନେଇଯାଇଥିବା ଥାନା ରେ ଅଭିଯୋଗ ହୋଇଛି । ସୂଚନା ଅନୁଯାୟୀ ଆଛୁପଡା ଗ୍ରାମର ଇନ୍ଦ୍ରମଣି ବେହେରା,ତାଙ୍କ ଗ୍ରାମର ମହନ୍ତ ଗୌଡ଼ ଙ୍କ ସହ ନୂଆଗାଁ ଇଣ୍ଡିଆନ ଓଭର ସିଜ ବ୍ୟାଙ୍କରୁ ୧ ଲକ୍ଷ ୧୫ ହଜାର ଟଙ୍କା ଉଠାଇ ଏକ୍ସ୍ ଏଲ୍ ଗାଡ଼ିରେ ଗ୍ରାମକୁ ଫେରୁଥିବା ବେଳେ ମହିତମା ଜଙ୍ଗଲ ମଧ୍ୟରେ ଏକ ପଲସର ଗାଡ଼ିରେ ୩ ଜଣ ଦୁର୍ବୃତ୍ତ ଆସି ଗାଡ଼ିକୁ ଧକ୍କା ଦେବା ଦ୍ଵାରା ଉଭୟ ଏକ୍ସ ଏଲ ଗାଡିରୁ ତଳେ ପଡ଼ିଯାଇଥିଲେ ।

ମହନ୍ତ ଗୌଡ ଟଙ୍କା ବ୍ୟାଗ ଧରି ଥିବା ବେଳେ ତାକୁ ମାଡ଼ପିଟ କରିବା ସହ ଜୋର୍ କରି ବ୍ୟାଗରେ ଥିବା ଟଙ୍କା ନେଇ ଫେରାର ହୋଇଯାଇଥିଲେ । ଏନେଇ ମହନ୍ତ ଗୌଡ ନୂଆଗାଁ ଥାନାରେ ଲିଖିତ ଅଭିଯୋଗ କରିବା ପରେ ନୂଆଗାଁ ପୁଲିସ୍ ୧୧୨/୨୫ରେ ଏକ ମାମଲା ରୁଜ୍ଜୁ କରିବା ସହ ଘଟଣା ସ୍ଥଳକୁ ଯାଇ ତଦନ୍ତ ଜାରି ରଖିଥିବା ଥାନା ଅଧିକାରୀ ରଶ୍ମି ରଞ୍ଜନ ସାହୁ ସୂଚନା ଦେଇଛନ୍ତି। ଏହା ପୂର୍ବରୁ ଏହି ରାସ୍ତାରେ ଅନେକ ଥର ଡକାୟତ ହୋଇଥିବା ଜଣା ପଡ଼ିଛି।