ଶ୍ରୀରାମ ଲୀଳା କାର୍ଯ୍ୟକ୍ରମ : ଚଳିତ ବର୍ଷ ୧୧ ତମ ବାର୍ଷିକ ରାମଲୀଳା ପରିବେଷଣରେ ପଦାର୍ପଣ କରିଛି

ମୁଗଭଙ୍ଗାରେ ଏକାଦଶ ତମ ରାମଲୀଳା ଉତ୍ସବ ଆରମ୍ଭ ।

କଟକ (ଓଡ଼ିଶା ତାଜା ନ୍ୟୁଜ୍) ଫୁଲନଖରା :- କଟକ ସଦର ଥାନା ଅନ୍ତର୍ଗତ ଫୁଲନଖରା ନିକଟସ୍ଥ ମୁଗଭଙ୍ଗା‌ ଗ୍ରାମର ଉତ୍ସାହି ଯୁବକ ‌ହେମନ୍ତ କୁମାର ଦଳାଇଙ୍କ ନେତୃତ୍ୱରେ ମା ‘ ଖରାଖାଇ‌ ରାମଲୀଳା ସମିତି ପକ୍ଷରୁ ଅନୁଷ୍ଠିତ ହୋଇଆସୁଥିବା ଶ୍ରୀରାମ ଲୀଳା କାର୍ଯ୍ୟକ୍ରମ ଚଳିତ ବର୍ଷ ୧୧ ତମ ବାର୍ଷିକ ରାମଲୀଳା ପରିବେଷଣରେ ପଦାର୍ପଣ କରିଛି । ଏହି ଉପଲକ୍ଷେ ଆୟୋଜିତ ପ୍ରଥମ ରଜନୀ ଲୀଳା ପରିବେଷଣ ଉତ୍ସବରେ ବିଭୁତି ଭୁଷଣ ଦଳାଇ ସଭାପତିତ୍ବ କରିଥିଲେ ।

ସିଏମସି ୫୯ ନମ୍ବର ୱାର୍ଡର କର୍ପୋରେଟର ମମତା ମହାନ୍ତି, ଆଧ୍ୟାତ୍ମିକ ସ୍ତମ୍ଭକାର ଶ୍ରୀ‌ସନ୍ୟାସି ଜୀ, କଟକ ନଗର ବିଜେପି ଉପ ସଭାପତି ସ୍ଵାଧୀନଚେତା ମହାନ୍ତି, ଲିଭ୍ ଲାଇଭ ଓଡିଆ ଚ୍ୟାନେଲ ର ମ୍ୟାନେଜିଙ୍ଗ ଡାଇରେକ୍ଟର ଟିଟନ ସାହୁ, ସୁଧିର କୁମାର ପଟ୍ଟନାୟକ, ଆଞ୍ଚଳିକ ଶାନ୍ତି କମିଟିର ସଂପାଦକ ସୁରେନ୍ଦ୍ର ମହାପାତ୍ର , ଅଜୟ କୁମାର ଦାଶ , ବିଚିତ୍ରାନନ୍ଦ ଦଳାଇ, ଭାଗ୍ୟଧର ଦଳାଇ,

ଶରତ କୁମାର ଦଳାଇ, ପ୍ରମୁଖ ଅତିଥି ଭାବେ ଯୋଗ ଦେଇ କହିଲେ ଯେ, ରାମଲୀଳା ରେ ପରିବାରର ବାପା, ମା, ଭାଇ , ସ୍ତ୍ରୀ, ପୁତ୍ର ଆଦି ବିଭିନ୍ନ ଚରିତ୍ର ବିଷୟ ରହିଛି । ଏଥିରେ ଅହଂକାରୀ ରାବଣ ଚରିତ୍ର କୁ‌ ଗ୍ରହଣ ନକରି ପ୍ରତ୍ୟେକ ବ୍ୟକ୍ତି ରାମ, ଲକ୍ଷ୍ମଣ, ଭରତ , ଶତ୍ରୁଘ୍ନ ଏବଂ ମାତା ସୀତାଙ୍କ ଆଦର୍ଶକୁ ଅନୁସରଣ କରି ପରିବାର ଏବଂ ସମାଜରେ କାର୍ଯ୍ୟ କରିବାକୁ ଅତିଥି ମାନେ କହିଥିଲେ ।

ପ୍ରଥମ ରାତ୍ରିରେ ଆଠଗଡ଼ ଅଞ୍ଚଳର ଧୁସୁରିଆ ରାମଲୀଳା ସମିତିର କଳାକାର ମାନେ ଲୀଳା ପରିବେଷଣ କରିଥିଲେ । ଏହି ଲୀଳା ଦେଖିବା ପାଇଁ ମୁଗଭଙ୍ଗା, ଖୁନୁକାର , ବାଗଧରାପୁର, ବମ୍ଫକୁଦ, ନୂଆପାଟଣା‌ ଆଦି ଗ୍ରାମର ଜନସାଧାରଣଙ୍କ ଉପସ୍ଥିତ ଦେଖିବାକୁ ମିଳିଥିଲା । ଉକ୍ତ କାର୍ଯ୍ୟ କ୍ରମକୁ ପରିଚାଳନା କରିବାରେ ସହଯୋଗ କରିଥିଲେ ମୁଗ ଭଙ୍ଗା ଗ୍ରାମର ‌ ନବ କିଶୋର ଦଳାଇ, ସଚିତ୍ର ଦଳାଇ ( ସଚିଆ), ମୁକେଶ ଦଳାଇ ଙ୍କ ସମେତ ଗ୍ରାମର ସମସ୍ତ ଯୁବକ ଏବଂ ବୟୋଜ୍ୟେଷ୍ଠ ବ୍ୟକ୍ତି ମାନେ ।