କ୍ରେଡ଼ାଇ ଓଡିଶା ହୋମ୍ ଏବଂ ଡେକର୍ ଏକ୍ସପୋ ୨୦୨୫ ଏକ ପ୍ରମୁଖ ଆକର୍ଷଣର କେନ୍ଦ୍ର – ପ୍ରତିଦିନ ପ୍ରତିଷ୍ଠିତ ଅତିଥିଙ୍କୁ ଆକର୍ଷିତ କରୁଛି

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍)  :- କ୍ରେଡାଇ ଓଡିଶା ହୋମ୍ ଏବଂ ଡେକର୍ ଏକ୍ସପୋ ୨୦୨୫ ପ୍ରତିଦିନ ହଜାର ହଜାର ଦର୍ଶକଙ୍କୁ ଆକର୍ଷିତ କରି ସହରର ସବୁଠାରୁ ଜୀବନ୍ତ ଇଭେଣ୍ଟ୍ ମାନଙ୍କ ମଧ୍ୟରେ ଅନ୍ୟତମ ହୋଇଉଠିଛି । ଏପ୍ରିଲ ୨୦ରୁ ୨୯ ପର୍ଯ୍ୟନ୍ତ ଭୁବନେଶ୍ୱରର ଜନତା ମେଦାନରେ ଅନୁଷ୍ଠିତ ଏହି ନଅ ଦିନିଆ ମେଳାରେ ରିଏଲ୍ ଏଷ୍ଟେଟ୍, ଘର ସଜାଣି, ନିର୍ମାଣ ସାମଗ୍ରୀ ଏବଂ ଲାଇଫଷ୍ଟାଇଲ୍ ଇନୋଭେସନ୍ ଏକାଠି ପ୍ରଦର୍ଶିତ ହେଉଛି ।

ଏବର୍ଷର ଏକ୍ସପୋ କେବଳ ସାଧାରଣ ଲୋକଙ୍କୁ ନୁହେଁ, ଅନେକ ପ୍ରତିଷ୍ଠିତ ବ୍ୟକ୍ତିତ୍ୱଙ୍କୁ ମଧ୍ୟ ଆକର୍ଷିତ କରିଛି। ମଙ୍ଗଳବାର, ଓଡିଶାର ମାନ୍ୟବର ରାଜ୍ୟପାଳ ଡଃ ହରିବାବୁ କମ୍ପାଟି ବିଭିନ୍ନ ଷ୍ଟଲ୍ ପରିଦର୍ଶନ କରି ପ୍ରଦର୍ଶକମାନଙ୍କ ସହ କଥାବାର୍ତ୍ତା କରି ପ୍ରଦର୍ଶିତ ନବୀନ ପ୍ରଯୁକ୍ତିକୁ ପ୍ରଶଂସା କରିଥିଲେ। ଏହାଛଡା, କଟକ ବିଧାୟିକା ସୋଫିଆ ଫିର୍ଦୋସ୍ ମଧ୍ୟ ଏକ୍ସପୋ ପରିଦର୍ଶନ କରିଥିଲେ। ଗୁରୁବାର, ଓଡିଶା ସରକାରର ବିଜ୍ଞାନ ଏବଂ ପ୍ରଯୁକ୍ତି ମନ୍ତ୍ରୀ କୃଷ୍ଣଚନ୍ଦ୍ର ପତ୍ର ଏବଂ ଭୁବନେଶ୍ୱର ଉତ୍ତର ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର ମଧ୍ୟ ଏହି ଇଭେଣ୍ଟ୍ ପରିଦର୍ଶନ କରି ବିଭିନ୍ନ ପ୍ରଦର୍ଶନୀ ଏବଂ ପ୍ରତିଭାଗୀମାନଙ୍କ ଉତ୍ସାହକୁ ପ୍ରଶଂସା କରିଥିଲେ।

ଏହି ଅବସରରେ କ୍ରେଡାଇ ଓଡିଶାର ପ୍ରେସିଡେଣ୍ଟ୍ ସ୍ୱଦେଶ କୁମାର ରାଉତରାୟ, 2036 ସୁଦ୍ଧା ସମସ୍ତଙ୍କ ପାଇଁ ଆବାସର ସୁନିଶ୍ଚିତତାକୁ ଲକ୍ଷ୍ୟ କରି ବିକଶିତ ଓଡିଶାର ସ୍ୱପ୍ନକୁ ବାସ୍ତବରେ ପରିଣତ କରିବା ଉପରେ ଗୁରୁତ୍ୱାରୋପ କରିଥିଲେ । ଏହି ଏକ୍ସପୋରେ ଶୀର୍ଷ ବିଲଡର୍ମାନେ, ବ୍ୟାଙ୍କ୍, ନିର୍ମାଣ ସାମଗ୍ରୀ ପ୍ରସ୍ତୁତକାରୀ, ଇଲେକ୍ଟ୍ରୋନିକ୍ସ ଏବଂ ଇଲେକ୍ଟ୍ରିକାଲ୍ କମ୍ପାନୀ, ଇଣ୍ଟେରିୟର୍ ଡିଜାଇନର୍, ଟାଇଲ୍ ଏବଂ ସାନିଟାରୱେୟାର୍ ବ୍ରାଣ୍ଡ୍ ଆଦି ସମେତ ଅନେକ ପ୍ରଦର୍ଶକ ଯୋଗଦାନ କରିଛନ୍ତି, ଯାହା ଘର ଖୋଜୁଥିବା ଲୋକଙ୍କ, ବିନିଯୋଗକାରୀଙ୍କ, ଆର୍କିଟେକ୍ଟମାନଙ୍କ ଏବଂ ଡେକର୍ ଉତ୍ସାହୀଙ୍କ ପାଇଁ ଏକାଠି ଏକ ସୁବର୍ଣ୍ଣ ସୁଯୋଗ ସୃଷ୍ଟି କରିଛି।

ଦର୍ଶକମାନେ ଏଠାରେ ସ୍ମାର୍ଟ ହୋମ୍ ଟେକ୍ନୋଲୋଜି, ସସ୍ଟେନେବଲ୍ ବିଲଡିଂ ସମାଧାନ ଏବଂ ଭବିଷ୍ୟତମୁଖୀ ଲାଇଫଷ୍ଟାଇଲ୍ ଉତ୍ପାଦ ବିଷୟରେ ଅବଗତ ହୋଇପାରିବେ। ଏହା ଛଡା, ଆବାସ, ଇଣ୍ଟେରିୟର୍ ଡେକର୍ ଏବଂ ସହରୀ ଜୀବନ ଉପରେ କେନ୍ଦ୍ରିତ ବିଶେଷଜ୍ଞ ଆଲୋଚନା, ଇଣ୍ଟରାକ୍ଟିଭ୍ ସେସନ୍ ଏବଂ ଟ୍ରେଣ୍ଡ୍ ବିଶ୍ଳେଷଣ ମଧ୍ୟ ଏହି ଇଭେଣ୍ଟ୍ରେ ଅନ୍ତର୍ଭୁକ୍ତ ହୋଇଛି । ଏହି ଏକ୍ସପୋରେ କ୍ରେଡାଇ ଓଡିଶାର ଚେୟାରମେନ ଡି ଏସ ତ୍ରିପାଠୀ, ଉପ-ଚେୟାରମ୍ୟାନ୍ ବିନୟ କୃଷ୍ଣ ଦାସ, ସେକ୍ରେଟାରୀ ଅନିଲ୍ ଅଗ୍ରୱାଲ୍, ଉପ-ପ୍ରେସିଡେଣ୍ଟ୍ ଉମେଶ ଖଣ୍ଡେଲୱାଲ୍ ଏବଂ ମହମ୍ମଦ ମୋକିମ୍ , ପୂର୍ବତନ ବିଧାୟକ ପ୍ରମୁଖ ଇଣ୍ଡଷ୍ଟ୍ରି ନେତାମାନେ ଉପସ୍ଥିତ ଥିଲେ ।