ଓଡ଼ିଆ ପକ୍ଷ ୨୦୨୫ ପାଳନ ଅବସରରେ ମହାବିଦ୍ୟାଳୟରେ ଓଡ଼ିଆ ମାହୋଲ୍ : ପରିବେଶ ଉତ୍ସବ ମୁଖର

ବାଣପୁର  (ଓଡ଼ିଶା ତାଜା ନ୍ୟୁଜ୍) :- ଓଡ଼ିଆ ପକ୍ଷ ୨୦୨୫ ପାଳନ ଅବସରରେ ନାଚୁଣୀ ଡିଗ୍ରୀ ମହାବିଦ୍ୟାଳୟ ପରିସରରେ ଥିବା ସମ୍ମିଳନୀ କକ୍ଷ ଉତ୍ସବ ର ୧୨ଶ ଦିବସରେ ବେଶ୍ ବର୍ଣ୍ଣାଢ଼୍ୟ ଓ ଉତ୍ସବ ମୁଖର ହୋଇ ଛାତ୍ରଛାତ୍ରୀ ଓ ଅଧ୍ୟାପକ ଅଧ୍ୟାପିକାମାନଙ୍କୁ ଓଡ଼ିଆ ଭାଷା, ସାହିତ୍ୟ, ସଂସ୍କୃତିର ସୁରକ୍ଷା ପାଇଁ ଅନେକ ପ୍ରତିଶ୍ରୁତି ଆଣି ଦେଇଛି। ଅଧିବେଶନ ର ପ୍ରାରମ୍ଭରେ ଅଧ୍ୟାପିକା ମିଲି ବେହେରା ଙ୍କ ଶ୍ରୀଜଗନ୍ନାଥାଷ୍ଟକ ଓ ଵେଦପାଠ ଗାନ ମଧ୍ୟରେ ଜଗନ୍ନାଥ ଙ୍କ ବିଗ୍ରହ ସମ୍ମୁଖରେ ପ୍ରଦୀପ ପ୍ରଜ୍ଜ୍ୱଳନ କରିଥିଲେ ମୁଖ୍ୟ ଅତିଥି ଭାବେ ନାଚୁଣୀ ମହାବିଦ୍ୟାଳୟ ର ପ୍ରତିଷ୍ଠାତା ତଥା ପ୍ରାକ୍ତନ ଚିଲିକା ବିଧାୟକ ଡାକ୍ତର ବିଭୂତି ଭୂଷଣ ହରିଚନ୍ଦନ , ମୁଖ୍ୟ ବକ୍ତା ଭାବେ ପ୍ରାକ୍ତନ ପ୍ରଧାନ ଶିକ୍ଷକ ତଥା ନାଟ୍ୟକାର ଭିକାରୀ ଚରଣ ପ୍ରଧାନ, ସମ୍ମାନିତ ଅତିଥି ଭାବେ ପ୍ରାକ୍ତନ ଇଂରାଜୀ ବିଭାଗୀୟ ମୁଖ୍ୟ ପ୍ରଫେସର ଗଙ୍ଗାଧର ପ୍ରଧାନ, ଅଧ୍ୟାପକ ଦିଲ୍ଲୀପ କୁମାର ବେହେରା ଏବଂ ମହାବିଦ୍ୟାଳୟ ର ଅଧ୍ୟକ୍ଷ ପ୍ରଫେସର ରାଜକିଶୋର ସାହୁ। ଅଧ୍ୟକ୍ଷ ଙ୍କ ସ୍ଵାଗତ ଭାଷଣ ଓ ଉଦ୍ଦେଶ୍ୟ ଜ୍ଞାପନ ପରେ ନାଟ୍ୟକାର ଭିକାରୀ ଚରଣ ପ୍ରଧାନ ସରକାରଙ୍କ ପ୍ରବର୍ତ୍ତିତ ଓଡ଼ିଆ ପକ୍ଷ ପାଳନର ବିଭିନ୍ନ ଦିଵସର ଆଭିମୁଖ୍ୟ ସହ ଓଡ଼ିଆ ଭାଷା ସାହିତ୍ୟ, ଲୋକକଳା, ଓଡ଼ିଆ ଚଳଣି ଓ ପରମ୍ପରା ଉପରେ ଆଲୋକପାତ କରିଥିଲେ।ପ୍ରଫେସର ଗଙ୍ଗାଧର ପ୍ରଧାନ ଓଡ଼ିଆ ଭାଷା ସାହିତ୍ୟ ର ବିଭିନ୍ନ ଦିଗନ୍ତ ଉପରେ ଆଲୋଚନା ରଖି ଓଡ଼ିଆ ଅସ୍ମିତା କେବଳ ଭାଷା ଭିତ୍ତିରେ ସମ୍ରୃଦ୍ଧ ହୋଇ ପାରିବ ବୋଲି ମନ୍ତବ୍ୟ ଦେଇଥିଲେ। ମୁଖ୍ୟ ଅତିଥି ଡ଼ାଃ ହରିଚନ୍ଦନ ଓଡ଼ିଆ ର ସ୍ଵାଭିମାନ ହିଁ ତା’ର ଅସ୍ମିତା ବୋଲି ବର୍ଣନା କରି ଆଗାମୀ ପିଢ଼ି ଙ୍କୁ ସ୍ପର୍ଦ୍ଧିତ ଓଡ଼ିଆ ର ଭୂମିକା ନିର୍ବାହ କରିବାକୁ ଆହ୍ବାନ ଦେଇ ଥିଲେ। ଅଧ୍ୟାପକ ଦିଲ୍ଲୀପ କୁମାର ବେହେରା ଆ‌ମର ଦିନଚର୍ଯ୍ୟା ଓ ଚାଲି ଚଳଣର ପ୍ରତି ଛତ୍ରେଛତ୍ରେ ଓଡ଼ିଆ ଅସ୍ମିତା ପ୍ରକାଶ ପାଇବା ଉପରେ ଗୁରୁତ୍ବ ଆରୋପ କରିଥିଲେ। ଅଧ୍ୟାପିକା ଲୀନା ନଦୀଜା ଙ୍କ ସୁ ମଞ୍ଚ ସଞ୍ଚାଳନ ମଧ୍ୟରେ ପ୍ରଥମ ପର୍ଯ୍ୟାୟ ସଭା କାର୍ଯ୍ୟକ୍ରମ ର ସମାପ୍ତି ଘୋଷଣା ପୂର୍ବରୁ ମଞ୍ଚାସୀନ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ ଅଧ୍ୟାପକ ଅଶୋକ କୁମାର ବେହେରା। ଦ୍ଵିତୀୟ ପର୍ଯ୍ୟାୟର ର ଆକର୍ଷଣ ଥିଲା ଛାତ୍ରଛାତ୍ରୀ ମାନଙ୍କ ଦ୍ଵାରା ପରିବେଷିତ ଦଣ୍ଡ ନ୍ରୃତ୍ୟ, ପାରମ୍ପରିକ ଓଡ଼ିଆ ପୋଷାକ ପରିଧାନ, ଛାତ୍ରୀ ମାନଙ୍କ ଓଡ଼ିଆଣୀ ରୂପ ସଜ୍ଜା, ବିଭିନ୍ନ ପ୍ରକାରର ଖାଦ୍ୟ ଓ ପାନୀୟ ପରିବେଷଣ ସହ ସଙ୍ଗୀତ ନିର୍ଦେଶକ ଅଜିତ କୁମାର ମିଶ୍ର ଙ୍କ ନିର୍ଦ୍ଦେଶନାରେ ଛାତ୍ରୀ ସୋଜାଲିନ୍ ଅରିସଲ ଓ ସାଥୀ ଙ୍କ ପ୍ରାଚୀନ ଓଡ଼ିଆ ଶାସ୍ତ୍ରୀୟ ସଙ୍ଗୀତ ଛାନ୍ଦ,ଚମ୍ପୂ ଓ ଚଉତିଶା ଗାୟନ। କାର୍ଯ୍ୟକ୍ରମ କୁ ସଫଳ କରିବାରେ ସହଯୋଗ କରିଥିଲେ ଅଧ୍ୟାପକ ସଂଗ୍ରାମ କେଶରୀ ହରିଚନ୍ଦନ, ପ୍ରାଧ୍ୟାପକ ଗୋଲକ ଚନ୍ଦ୍ର ବାରିକ, ଅଧ୍ୟାପିକା ମିଲି ବେହେରା,ସି ମଞ୍ଜୁଲତା, ରଶ୍ମିତା ଜେନା ଓ ଲୋପାମୁଦ୍ରା ମିଶ୍ର।