ଆଞ୍ଚଳିକ ଶାନ୍ତି କମିଟି ପକ୍ଷରୁ ଓଡିଶା ଦିବସରେ ବିଭିନ୍ନ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଗଲା

କଟକ (ଓଡ଼ିଶା ତାଜା ନ୍ୟୁଜ୍) କଟକ  :- କଟକ ସଦର ଥାନା ଅଞ୍ଚଳରେ ନୂତନ ଭାବେ ଗଢ଼ି ଉଠିଥିବା ଆଞ୍ଚଳିକ ଶାନ୍ତି କମିଟି ପକ୍ଷରୁ ମଙ୍ଗଳବାର ଅପରାହ୍ନରେ ଫୁଲନଖରା ସ୍ଥିତ ଲକ୍ଷେଶ୍ୱର ଉଚ୍ଚ ବିଦ୍ୟାଳୟ ରେ ୮୯ ତମ ଓଡିଶା ଦିବସ ପାଳନ କରାଯାଇଥିଲା । ଏହି ଉପଲକ୍ଷେ ଆୟୋଜିତ ସମ୍ବର୍ଦ୍ଧନା ସଭାରେ ଆଞ୍ଚଳିକ ଶାନ୍ତି କମିଟିର କାର୍ଯ୍ୟକାରୀ ସଭାପତି ତଥା ସମାଜସେବୀ ସ୍ୱାଧୀନଚେତା ମହାନ୍ତି ସଭାପତିତ୍ୱ କରିଥିଲେ ।

ସଭା ଆରମ୍ଭ ପୂର୍ବରୁ ଶାନ୍ତି କମିଟିର ସଦସ୍ୟ ମାନେ ପ୍ରଥମେ ତେଲଙ୍ଗାପେଣ୍ଠ ଗାନ୍ଧି ସ୍ମୃତି ପୀଠରେ ପହଞ୍ଚି ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିସାରିବା ପରେ ଫୁଲନଖରା ଛକରେ ଥିବା ନେତାଜୀଙ୍କ ପ୍ରତିମୂର୍ତ୍ତିରେ ପୁଷ୍ପ ମା ଳଲ୍ୟ ଦେଇ ଶ୍ରଦ୍ଧାଞ୍ଜଳି ଜଣାଇଥିଲେ । ଏଥିରେ ଓୟୁଜେର ରାଜ୍ୟ ସଭାପତି ତଥା ବରିଷ୍ଠ ସାମ୍ବାଦିକ ସୁଞାନ ଚୌଧୁରୀ ମୁଖ୍ୟ ଅତିଥି , ବିଶିଷ୍ଟ ଲେଖକ ଡ଼ଃ ବେଣୁଧର ପିଢୀ ମୁଖ୍ୟ ବକ୍ତା , ଆଞ୍ଚଳିକ ଶାନ୍ତି କମିଟିର ସଭାପତି ନିମାଇଁ ଚରଣ ଲେଙ୍କା ,

ସାଧାରଣ ସଂପାଦକ ସୁରେନ୍ଦ୍ର ମହାପାତ୍ର, ଯୋଗ ଦେଇ କହିଲେ ଯେ, ଓଡିଆ ଭାଷା ସାହିତ୍ୟ ର ଉନ୍ନତି ନହେଲେ ଓଡିଶାର ବିକାଶ ଅଧୁରା ରହିବ । ଓଡ଼ିଆ ମାନେ ସ୍ୱାଭିମାନର ସହିତ ନିଜର ଦାବିକୁ ହାସଲ କରିବା ପାଇଁ ମତବ୍ୟକ୍ତ କରିଥିଲେ । ଆୟୋଜିତ ଉତ୍ସବରେ ବିଭିନ୍ନ କ୍ଷେତ୍ରରେ ଦକ୍ଷତା ଥିବା ବ୍ୟକ୍ତି ବିଶେଷଙ୍କୁ ଲୋକ ଲୋଚନକୁ ଆଣିବା ପାଇଁ ଆଞ୍ଚଳିକ ଶାନ୍ତି କମିଟି ଉଦ୍ୟମ ଆରମ୍ଭ କରିଛି ।

ଯାହାଫଳରେ ଆଞ୍ଚଳିକ ଶାନ୍ତି କମିଟିର ସଦସ୍ୟ ମାନେ ସେମାନଙ୍କ ଅଞ୍ଚଳରେ ଥିବା ସାହିତ୍ୟିକ , ସାମ୍ବାଦିକ , ସଫଳ ଚାଷୀ ,ଡାକ୍ତର , ପରିବେଶବିତ୍ , ସଂଗୀତ କଳାକାର , ସମାଜସବୀ, ସ୍ୱଛସାଥୀ, ସଫଳ ମହିଳା ସ୍ୱୟଂ ସହାୟିକା ଗୋଷ୍ଠୀ, ନୃତ୍ୟ ଶିଳ୍ପୀ , କ୍ରିଡ଼ାବୀତ ମାନଙ୍କୁ ଆୟୋଜିତ ଉତ୍ସବରେ ଅତିଥି ମାନେ ଉତ୍ତରୀୟ, ପୁଷ୍ପଗୁଛ , ମୋମେଟ ଦେଇ ସମ୍ମାନିତ କରିଥିଲେ ।

ଏହି ଉତ୍ସବରେ ଶାନ୍ତି କମିଟିର କର୍ମକର୍ତ୍ତା ନଳିନ ସେନାପତି, ଦିଲିପ କୁମାର ସ୍ୱାଇଁ , କୌଶିକ ଜେନା, ସୁଶାନ୍ତ କୁମାର ମହାନ୍ତି, ପ୍ରମୋଦ ସ୍ୱାଇଁ, କବି ପ୍ରସାଦ ଜେନା , କାନନ ବିହାରୀ ନାୟକ, ବାଦଲ କୁମାର ଜେନା, ରାଜେଶ ସ୍ୱାଇଁ ପ୍ରମୁଖ ସମସ୍ତ ସଦସ୍ୟ ଏବଂ ଲକ୍ଷେଶ୍ୱର ଯୁବକ ସଂଘର ସଦସ୍ୟମାନେ ଉପସ୍ଥିତ ରହି ସୁଚାରୁ ରୂପେ କାର୍ଯ୍ୟକ୍ରମକୁ ପରିଚାଳନା କରିଥିଲେ ।