୦୭ ମାର୍ଚ୍ଚ ୨୦୨୫ (ଓଡ଼ିଶା ତାଜା ନ୍ୟୁଜ୍) ଜଗତସିଂହପୁର :- ଶନିବାର ଆନ୍ତର୍ଜାତିୟ ମହିଳା ଦିବସ l ଏହି ଉପଲକ୍ଷେ ଶୁକ୍ରବାର ପୂରଣ ପଞ୍ଚାୟତ ପକ୍ଷରୁ ସ୍ଥାନୀୟ କଲ୍ୟାଣ ମଣ୍ଡପ ଠାରେ ମହିଳା ଓ କିଶୋରୀ ବାଳିକା ଗ୍ରାମସଭା ଅନୁଷ୍ଠିତ ହୋଇଥିଲା l ସରପଞ୍ଚ ଯୁଧିଷ୍ଠିର ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ ଗ୍ରାମସଭାରେ ମୁଖ୍ୟ ଅତିଥି ଭାବେ ବିରିଡି ବ୍ଲକ ଅଧ୍ୟକ୍ଷl ମମତା ପାତ୍ର, ସମ୍ମାନିତ ଅତିଥିତି ଭାବେ ଜିଲ୍ଲାପରିଷଦ ସଭ୍ୟ ଚନ୍ଦ୍ରଶେଖର ଦାଶ, ବିଡ଼ିଓ ଆୟୁଷି ପତି, ତହସିଲଦାର ସଞ୍ଜୟ କୁମାର ବେହେରା ଯୋଗଦେଇଥିଲେ l
ସେମାନେ କହିଲେ ମହିଳା ମାନଙ୍କୁ ସଶକ୍ତ ଆତ୍ମନିର୍ଭରଶୀଳ କରିବା ପାଇଁ ସରକାରଙ୍କ ଏହା ହେଉଛି ପ୍ରୟାସ l ମହିଳା ମାନେ ଆତ୍ମ ନିର୍ଭର ଶିଳ ହେଲେ ଏକ ବିକଶିତ ରାଷ୍ଟ୍ର ଗଠନ ହୋଇପାରିବ l ମହିଳାମାନେ ଦେଶକୁ ସମୃଦ୍ଧ କରିବା ପାଇଁ ମୁଖ୍ୟ ଆୟୁଧ ଅଟନ୍ତି l ତେଣୁ ସମାଜର ସାମଗ୍ରିକ ବିକାଶରେ ମହିଳା ମାନଙ୍କ ଭୂମିକା ଗୁରୁତ୍ୱପୂର୍ଣ l ଏଣୁ ଅଧୁନା ସମାଜରେ ବୃଦ୍ଧି ପାଉଥିବା କନ୍ୟା ଭୃଣ ହତ୍ୟା ଏବଂ ଲିଙ୍ଗ ଗତ ବିଭେଦ ମହିଳାଙ୍କ ବିକାଶ ଦିଗରେ ଆନ୍ତରାୟ ସୃଷ୍ଟି କରୁଛି l
ଏହି ସମସ୍ୟା ର ସମାଧାନ ହୋଇପାରିଲେ ସେମାନେ ସମାଜର ମୁଖ୍ୟ ସ୍ରୋତରେ ସାମିଲ ହୋଇପାରିବେ l ବର୍ତ୍ତମାନ ର ବୋହୂମାନେ ନିଜ ଶାଶୁ ଶଶୁର ମାନଙ୍କୁ ସମ୍ମାନ ଦିଅନ୍ତୁ ଓ ଆଦର୍ଶ ମା’ ଟିଏ ହୁଅନ୍ତୁ ବୋଲି ଅତିଥିତି ମାନେ କହିଥିଲେ l ଏହି ସଭାରେ ଶତାଧିକ ମହିଳା କିଶୋରୀ ବାଳିକା ଅଂଶ ଗ୍ରହଣ କରିଥିଲେ l ପଞ୍ଚାୟତ ର ସିଆରପି, ଏମ୍ବିକେ ଓ ଅଙ୍ଗନବାଡି କର୍ମୀ ଯୋଗଦେଇଥିଲେ l କିଛି ମହିଳା ସେମାଙ୍କର ସଫଳତା ଉପରେ କହିଥିଲେ l ଶେଷରେ ଅଙ୍ଗନବାଡି କର୍ମୀ ବବିତା ଦାସ ଧନ୍ୟବାଦ ଦେଇଥିଲେ l
