ଜାଗର ମହୋତ୍ସବ ୨୦୨୫ର କ୍ରିଡା ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ

୨୪ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍) ବାଙ୍କୀ  :-  ବାଙ୍କୀ ଡମପଡ଼ା ବ୍ଲକ ଅନ୍ତର୍ଗତ ଶିମିଳିପୁର-ହରିରାଜପୁର ଦୁଇ ପଂଚାୟତର ମିଳିତ ଆନୁକୁଲ୍ୟରେ ୧୯ତମ ଜାଗର ମହୋତ୍ସବ ୨୦୨୫ର କ୍ରୀଡା ପ୍ରତିଯୋଗିତା ଓ ସାଂସ୍କୃତିକ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପରିପ୍ରେକ୍ଷୀରେ ପଲ୍ଲୀବିକାଶ କ୍ଲବ ପରିସରରେ ଦୁଇ ପଂଚାୟତର ବିଭିନ୍ନ ସ୍କୁଲର ଛାତ୍ରଛାତ୍ରୀମାନଙ୍କ ଦ୍ୱାରା ନୃତ୍ୟ, ସଂଗୀତ, କୁଇଜ୍‌, ଚିତ୍ରାଙ୍କନ, ବକ୍ତୃତା ଆଦି ପ୍ରତିଯୋଗିତାମାନ ଅନୁଷ୍ଠିତ ହୋଇଯାଇଛି ।

ଏଥିରେ ବିଚାରକ ଭାବେ କୁମାର ଅମୀୟ (ବୁଲୁ ବାବା), ରଞ୍ଜିତ ବେହେରା, ତ୍ରିବିକ୍ରମ ବେହେରା, ବିଭୂ ପ୍ରସାଦ ସ୍ୱାଇଁ , ଅନନ୍ତ ରଣା, ଅମିତ୍ କୁମାର, ଅଜୟ , ବିଶ୍ୱଜିତ୍ ସାମଲ, ଋଦ୍ର ପ୍ରସାଦ ସ୍ୱାଇଁ ପ୍ରମୁଖ ଉପସ୍ଥିତ ରହି ମୂଲ୍ୟାଙ୍କନ କରିଥିଲେ । ସେହିପରି ଶିମିଳିପୁର-ହରିରାଜପୁର ହାଇସ୍କୁଲ ପଡିଆ ଠାରେ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଥିଲା ଏଥିରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ଯୋଗଦେଇ ଦୌଡ଼, ଲମ୍ବଡିଆଁ, ଅଙ୍କକଷା, ମିଜ୍ୟୁକ୍ ଚେୟାର ପ୍ରତିଯୋଗିତାମାନ କରାଯାଇଥଲା ।

ଉକ୍ତ କ୍ରୀଡାକୁ ଶିମିଳିପୁର -ହରିରାଜପୁର ଆଞ୍ଚଳିକ ବିଦ୍ୟାପୀଠର କ୍ରୀଡା ଶିକ୍ଷକ କୃପାସିନ୍ଧୁ ପ୍ରଧାନ ପରିଚାଳନା କରିଥିବା ବେଳେ ଏଥିରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ଜାଗର ମହୋତ୍ସବ ମଣ୍ଡପରେ ସମ୍ମାନୀତ କରାଯିବ ବୋଲି ସୂଚନା ମିଳିଛି । ଏ ସମସ୍ତ କାର୍ଯ୍ୟକ୍ରମରେ ମହୋତ୍ସବର ସଭାପତି ଦେବୀଦତ୍ତ ବିଭୂତି ରାୟ, ବିଭୂପ୍ରସାଦ ସାମଲ, ଅଜୟ ନାୟକ, ମୃତ୍ୟୁଞ୍ଜୟ ରାଉତ, ରାଜୁ ନାୟକ, ବିଜୟ ସାମଲ,

କାହ୍ନା ନାୟକ, ଗାନ୍ଧି ବେହେରା, ରକି ମହାନ୍ତିଙ୍କ ସମେତ ମହୋତ୍ସବର ସମସ୍ତ କର୍ମକର୍ତ୍ତା ଏଥିରେ ସହଯୋଗ କରିଥିଲେ । ଚଳିତ ବର୍ଷ ଜାଗର ମହୋତ୍ସବ ପାଇଁ ଜାଗର ପ୍ରିମିୟମ୍ ଲିଗ୍ କ୍ରିକେଟ ଟୁର୍ଣ୍ଣାମେଣ୍ଟ୍ ଅନୁଷ୍ଠିତ ହୋଇଯାଇଛି । ଆସନ୍ତା ଫେବୃୟାରୀ ୨୬ତାରିଖରୁ ମାର୍ଚ୍ଚ ୨ତାରିଖ ପର୍ଯ୍ୟନ୍ତ ୫ଦିନ ବ୍ୟାପି ମହୋତ୍ସବ ଅନୁଷ୍ଠିତ ହେବବୋଲି ମହୋତ୍ସବ କମିଟି ପକ୍ଷରୁ ସୂଚନା ମିଳିଛି ।