ନୟାଗଡ଼ ଜିଲ୍ଲା ସ୍କୁଲ୍ କଲେଜ ଶିକ୍ଷକ କର୍ମଚାରୀ ସମନ୍ଵୟ ସମିତି ତରଫରୁ ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ସ୍ମାରକପତ୍ର ପ୍ରଦାନ

୧୭  ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ନୟାଗଡ଼ :- ଓଡ଼ିଶା ସ୍କୁଲ କଲେଜ ଶିକ୍ଷକ ଓ କର୍ମଚାରୀ ସମନ୍ବୟ ସମିତି ତରଫରୁ ରାଜ୍ୟ ସଂଗଠନ ର ନିଷ୍ପତ୍ତି କ୍ରମେ ଏକ ପାଞ୍ଚ ଦଫା ସମ୍ବଳିତ ଦାବିପତ୍ର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଙ୍କ ଉଦ୍ଦେଶ୍ୟରେ ନୟାଗଡ଼ ଜିଲାପାଳଙ୍କୁ ପ୍ରଦାନ କରାଗଲା। ଏହି ଦାବୀ ଗୁଡିକ ହେଉଛି 194 ବିଦ୍ୟାଳୟ କୁ ଅନୁଦାନ ପ୍ରଦାନ,

ନୂତନ ଅନୁଦାନପ୍ରାପ୍ତ ବେସରକାରୀ ସ୍କୁଲ କଲେଜ ଶିକ୍ଷକ କର୍ମଚାରୀ ମାନଙ୍କୁ ଅବସର ପରେ ପେନସନ ପ୍ରଦାନ, ସମସ୍ତ ସ୍କୁଲ କଲେଜ କୁ ସରକାରୀକରଣ,ଅବସର ବୟସ ସୀମା 62 ବର୍ଷକୁ ବୃଦ୍ଧି ,2004 ରୁ 2013 ମଧ୍ୟରେ ନିଯୁକ୍ତି ପାଇଥିବା ଶିକ୍ଷକ କୁ 6 ଟି notional increment ପ୍ରଦାନ ।

ନଚେତ୍ ଆଗାମୀ ମାର୍ଚ୍ଚ ଦ୍ଵିତୀୟ ସପ୍ତାହରେ ଏକ ଦୁର୍ବାର ଆନ୍ଦୋଳନ କରିବା ପାଇଁ ଚେତାବନୀ ଦେଇଛନ୍ତି। ଓଷ୍ଟା ର ରାଜ୍ଯ ସମ୍ପାଦକ ମାଣିକେଶ୍ଵର ସ୍ୱାଇଁ,ଜିଲ୍ଲା ଓଷ୍ଟା ସମ୍ପାଦକ ମାନସ କୁମାର ସାହୁ, ଜିଲ୍ଲା ଓଷ୍ଟା ସଭାପତି ଅଯୋଧ୍ୟା ନାଥ ନାୟକ, ଅଲୋଷ୍ଟାର ରାଜ୍ଯ ଯୁଗ୍ମ ସଂପାଦକ କବିରାଜ ବିଶ୍ଵାଳ,ରାଜ୍ୟ ଓଷ୍ଟାର ସଦସ୍ୟ ବିନାୟକ ପରିଡ଼ା,ବ୍ଲକ ସମ୍ପାଦକ ଅଭିମନ୍ୟୁ ମହାନ୍ତି ଓ ପ୍ରଭାକର ମିଶ୍ର ଉପସ୍ଥିତ ଥିଲେ ।