ସୁଭଦ୍ରା ଯୋଜନା ନାରୀଙ୍କୁ ସଶକ୍ତକରଣ କରିବ’ ମୁଖ୍ୟମନ୍ତ୍ରୀଙ୍କ ଦ୍ଵାରା ପ୍ରଥମ କିସ୍ତିର ୪ର୍ଥ ପର୍ଯ୍ୟାୟ ଅର୍ଥ ପ୍ରଦାନ

୦୮ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) କୋରାଇ  :-  ଯେଉଁଠି ନାରୀଙ୍କୁ ସମ୍ମାନ ଦିଆଯାଏ, ସେଠୀ ଦେବତାମାନେ ଆପଣାଛାଏଁ ସନ୍ତୁଷ୍ଟ ହୋଇଥାନ୍ତି ବୋଲି ମୁଖ୍ୟମନ୍ତ୍ରୀ ମୋହନ ଚଣର ମାଝୀ ମତବ୍ୟକ୍ତ କରିଛନ୍ତି । ମୁଖ୍ୟମନ୍ତ୍ରୀ ଶ୍ରୀ ମାଝୀ ଆଜି ମଧ୍ୟାହ୍ନରେ ବ୍ୟାସନଗର ପୌରପରିଷଦ ଅନ୍ତର୍ଗତ ଚାନ୍ଦ୍ରମା  ପଡିଆରେ ସୁଭଦ୍ରା ଯୋଜନାର ପ୍ରଥମ କିସ୍ତି ଚତୁର୍ଥ ପର୍ଯ୍ୟୟ ଅର୍ଥ ପ୍ରଦାନ ଉତ୍ସବରେ ମୁଖ୍ୟଅତିଥିଭାବେ ଯୋଗଦେଇ ୧୮ଲକ୍ଷରୁ ଉର୍ଦ୍ଧ୍ବ ହିତାଧୀକାରୀଙ୍କୁ ଆଜି ୫ହଜାର ଟଙ୍କା ଲେଖାଏଁ ଡିବିଟି ଜରିଆରେ ପ୍ରଦାନକରିଛନ୍ତି ।

ତୃତୀୟ ପର୍ଯ୍ୟାୟକୁ ମିଶାଇ ଆଜି ସୁଦ୍ଧା ୯୮ ଲକ୍ଷ ମହିଳା ୫ହଜାର ଟଙ୍କା ପାଇଲେଣି। ସେମାନେ ଏହି ଟଙ୍କାରେ ଛୋଟଛୋଟ ବ୍ୟବସାୟ କରିପରିବେ ବୋଲି କହିବା ସହ ଆଗାମୀ ଦିନରେ ମହିଳାମାନଙ୍କୁ ବିଭିନ୍ନ ଆଇଟି କମ୍ପାନୀ ଦ୍ଵାରା ତାଲିମ ଦେଇ ସ୍ଵାବଲମ୍ବି କରାଯିବାକୁ ବ୍ୟବସ୍ଥା କରାଯାଉଥ‌ିବା ପ୍ରସଙ୍ଗକ୍ରମେ ସୂଚନା ଦେଇଥିଲେ ।

ଉପମୁଖ୍ୟମନ୍ତ୍ରୀ ତଥା ମହିଳା ଓ ପରିବାର କଲ୍ୟାଣ ମନ୍ତ୍ରୀ ପ୍ରଭାତୀ ପରିଡ଼ା ଯୋଗଦେଇ ମହିଳାମାନଙ୍କୁ ସଶକ୍ତ କରିବା ଲାଗି ଋଣ ନଦେଇ ସୁଭଦ୍ର ଯୋଜନାରେ ବର୍ଷକୁ ୨ଟି କିସ୍ତିରେ ୧୦ହଜାର ଲେଖାଏଁ ୫ବର୍ଷରେ ୫୦ହଜାର ଟଙ୍କା ସମ୍ପୂର୍ଣ ମାଗଣାରେ ମହିଳାମାନଙ୍କୁ ଆର୍ଥିକ ସହୟତା ପ୍ରଦାନ କରାଯାଇ ସ୍ଵାବଲମ୍ବୀ କରାଯିବା ତାଙ୍କ ସରକାରର ଲକ୍ଷ ରହିଛି ବୋଲି କହିଥିଲେ ।

ସମ୍ମାନିତ ଅତିଥି ‌ ଭାବେ ସମବାୟ, ବୟନଶିଳ୍ପ ଓ ହସ୍ତତନ୍ତ ମନ୍ତ୍ରୀ ଡଃ ପ୍ରଦୀପ ବିଳସାମନ୍ତ ଯୋଗ ଦେଇ ସୁଭଦ୍ରା ଯୋଜନାରେ ଅର୍ଥପ୍ରଦାନ କରି ମହିଳାଙ୍କୁ ସ୍ଵାବଲମ୍ବୀ କରିବା ସରକାରଙ୍କର ଏକ ଉଚିତ ଯୋଗ୍ୟ ପଦକ୍ଷପ ବୋଲି କହିଥିଲେ । ସ୍ଵାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡଃ ମୁକେଶ ମହାଲିଙ୍ଗ ଓ ଯାଜପୁର ସାଂସଦ ଡଃ ରବିନାରାୟଣ ବେହେରା ଯୋଗଦେଇ ମହିଳାଙ୍କ ପାଇଁ ଏହି ସୁଭଦ୍ରା ଯୋଜନା ଲକ୍ଷପତି ଦିଦିରେ ପରିଣତ କରାଇ ପାରିବ ବୋଲି ପ୍ରସଙ୍ଗକ୍ରମେ କହିଥିଲେ ।

ଜୋରାଇର ବିଧାୟକ ଆକାଶ ଦାସନାୟକ ଯୋଗଦେଇ ଆଜି ପବିତ୍ର ଭୌମୀ ଏକଦଶୀ ତିଥିରେ ମୁଖ୍ୟମନ୍ତ୍ରୀ ଓ ଉପମୁଖ୍ୟ ମନ୍ତ୍ରୀ ଆସି ତାଙ୍କ କୋରାଲ ନିର୍ବାଚନ ମଣ୍ଡଳୀରେ ସୁଭଦ୍ରା ଯୋଜନାର ପ୍ରଥମ କିସ୍ତିର ୪ର୍ଥ ପର୍ଯ୍ୟାୟ ଅର୍ଥ ବଂଟନ କରିଥିବାରୁ ଏଥିନେଇ ଧନ୍ୟବାଦ ଜଣାଇବା ସହ ମହିଳାମାନ ନିଜେ ସଶକ୍ତ ହେବା ସହ ସରକା ଙ୍କୁ ସଶକ୍ତ କରାଇବାକୁ ଆହ୍ୱାନ ଦେଇଥିଲେ ।

ଅନ୍ୟମାନଙ୍କ ମଧ୍ୟରେ ବଡଚଣାର ବିଧାୟକ ଅମର ନାୟକ, ଧର୍ମଶାଳାର ବିଧାୟକ ହିମାଂଶୁ ଶେଖର ସାହୁଙ୍କ ସମେତ ବିଭାଗୀୟ ସଚିବ ଶୋଭା ଶର୍ମା, ଯାଜପୁର୍ ଜିଲାପାଳ ପି. ଏନ୍ବେଷ୍ଠା ରେଡ୍ଡୀ ପ୍ରମୁଖ ଯୋଗଦେଇ ସରକାରଙ୍କ ଜନହିତକାରୀ ଯୋଜନା ସମ୍ପର୍କରେ ମତବ୍ୟକ୍ତ କରିଥିଲେ । ଅନୁଷ୍ଠିତ କାର୍ଯ୍ୟକ୍ରମକୁ ଉପସ୍ଥାପିକା ସୁଲଗ୍ନା ରାଉତରାୟ ସଂଚାଳନା କରିଥିଲା ବେଳେ ଜିଲାର ମହିଳା ଓ ଶିଶୁ ବିକାଶ ଅଧୂକାରୀମାନେ ଯୋଗଦେଇ ପରିଚାଳନାରେ ସହଯୋଗକରିଥିଲେ ।

୨୫ହଜାରୁ ଉର୍ଦ୍ଧ୍ଵ ମହିଳା ଓ ପୁରଷ ସଭା ସ୍ଥଳେ ସାମିଲ ହୋଇଥିଲା ବେଳେ ଶୃଙ୍ଖଳା ରକ୍ଷାଲାଗି ପୁଲିସ ପ୍ରଶାସନ ପକ୍ଷରୁ ବ୍ୟାପକ ପୁଲିସବାହୀନୀ ମୁତୟନ କରାଯାଇଥିଲା । ସକାଳ ୮ଟାରୁ ଅପରାହ୍ଣ ୩ଟାଯାଏ କାହ୍ନା ଛକ, ନୂଆଗଡ ଫାୟାର ଷ୍ଟେସନ ଛକ, ମିଲିଟାରୀ ଛକ ଏବଂ ମୁଣ୍ଡମାଳ ଛଜ ଆଦି ଅଂଚଳ ଦେଇ ଯାନବାହାନ ଚଳାଚଳ ବନ୍ଦ ରହିଥିଲା ।