ବାଲିଗୁଡା ଓ ତୁମୁଡିବନ୍ଧ ଥାନା ଅଂଚଳରେ ମାଓ କ୍ୟାମ୍ପ ଠାବ

. ବହୁ ମାଓ ସାମଗ୍ରୀ ଜବତ

.କନ୍ଧମାଳ ଏସପି ଙ୍କ ସାମ୍ବାଦିକ ସମ୍ମିଳନୀ 

୦୮ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ଫୁଲବାଣୀ  :-> ଗୁଇନ୍ଦା ସୂତ୍ର ରୁ ଖବର ପାଇ ଗତ ୩ ତାରିଖରେ କନ୍ଧମାଳ ପୋଲିସ, ସିଆର ପି ଏଫ ଏସ ଓ ଜି ଯବାନ ମାନେ ମିଳିତ ଭାବେ ଜିଲ୍ଲାର ବାଲିଗୁଡା, ତୁମୁଡିବନ୍ଧ, ଓ ମଦନ ରାମପୁର ଥାନା ଅଞ୍ଚଳ ର ବିଭିନ୍ନ ଜଙ୍ଗଲରେ କମ୍ବିଙ୍ଗ ଅପରେସନ କରି ବହୁ ପରିମାଣର ମାଓ ସାମଗ୍ରୀ ଜବତ କରିଛନ୍ତି ।

ସେହିପରି ଗତ ୬ ତାରିଖ ସୋମବାର ବାଲିଗୁଡା ଥାନା ଅନ୍ତର୍ଗତ ମାର୍ଦୁଲି ଜଙ୍ଗଲରେ ସି.ଆର.ପି.ଏଫ ଓ ଏସ.ଓ.ଜି ଯବାନ ମାନେ କମ୍ବିଙ୍ଗ ସମୟରେ ମାଓ କ୍ୟାମ୍ପ ଠାବ କରି ବହୁ ମାଓ ସାମଗ୍ରୀ ଜବତ କରିଥିବା କନ୍ଧମାଳ ଏସପି ହରିଶ ବିସି ଆଜିର ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି । ଜବତ ସାମଗ୍ରୀ ମଧ୍ୟରେ ଗୋଟିଏ ଦେଶୀ ବନ୍ଧୁକ ସମେତ ମାଓ ପୋଷାକ, ସୋଲାର ପ୍ଲେଟ,କମ୍ବଳ, ଛତା,

ଜୋତା,ପନୀ ପରିବା,ୱାଇର, ଜର୍କିନ ଆଦି ବହୁ ସାମଗ୍ରୀ ଜବତ କରିଥ‌ିବା ସୂଚନା ଦେଇଛନ୍ତି । କନ୍ଧମାଳ ଏସପି ହରିଶ ବିସି ଙ୍କ ବଳିଷ୍ଠ ନେତୃତ୍ବ, ଉଦ୍ୟମ, ସାଙ୍ଗକୁ ନିଷ୍ଠା, ଆନ୍ତରିକତା କାର୍ଯ୍ୟ ଦକ୍ଷତା ଓ ବିଶେଷ ଜ୍ଞାନକୌଶଳ ଯୋଗୁଁ ଜିଲାରେ ମାଓ ବାଦୀ କାର୍ଯ୍ୟ କଳାପ ହ୍ରାସ ପାଇବା ସହ ଅସାମାଜିକ କାର୍ଯ୍ୟକଳାପ ମଧ୍ଯ କମିଥ‌ିବା ଜଣାପଡିଛି । ଆଗକୁ କନ୍ଧମାଳ ଜ଼ିଲ୍ଲାକୁ ମାଓ ମୁକ୍ତ ଜିଲ୍ଲା କରିବା ଲକ୍ଷ୍ୟ ରଖାଯାଇଥିବା ଏସପି ହରିଶ ବିଶି ଏହି ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଛନ୍ତି ।