କଳା ସଂସ୍କୃତି ପ୍ରଚାରକ ମାଇକେଲ୍‌ଙ୍କୁ ଭାରତ ଗୌରବ ସମ୍ମାନ ପ୍ରଦାନ

୦୬ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ  :-> କଲଚରାଲ୍ ଡେଭେଲପ୍‌ମେଣ୍ଟ୍ ଫାଉଣ୍ଡେସନ୍‌୍ ଓଡ଼ିଶା ପକ୍ଷରୁ କଟକ ଜିଲ୍ଲା ବାଙ୍କୀ ବ୍ଲକ ବଳଭଦ୍ରପୁର ପଂଚାୟତ ମାନପୁରର ବିନୋଦ ବେହେରା (ମାଇକେଲ)ଙ୍କୁ ପୁରୀ ଠାରେ ଅନ୍ନପୂର୍ଣ୍ଣା ରଙ୍ଗମଞ୍ଚ ପକ୍ଷରୁ ଭାରତ ଗୌରବ ସମ୍ମାନରେ ସମ୍ମାନିତ କରାଯାଇଛି । ଅନୁଷ୍ଠାନ ପ୍ରତିଷ୍ଠାତା ଡକ୍ଟର ଉପେନ୍ଦ୍ର କୁମାର ଶର୍ମାଙ୍କ ଅଧ୍ୟକ୍ଷତାରେ ଆୟୋଜିତ ଏହି ସମ୍ବର୍ଦ୍ଧନା ସଭାରେ ମୁଖ୍ୟଅତିଥି ଭାବେ ଆନ୍ତର୍ଜାତିକ କ୍ଷାତି ସମ୍ପନ୍ନ ନୃତ୍ୟଶୀଳ୍ପି ଡକ୍ଟର ଅର୍ପିତ ଚାଟାର୍ଜି , ସମ୍ମାନିତ ଅତିଥି ଭାବେ ପ୍ରଫେସର ଡକ୍ଟର ରଞ୍ଜନ ମୁଖପାଧ୍ୟାୟ, ଅନୁଷ୍ଠାନର ସଭାପତି ସୁଶାନ୍ତ କୁମାର ମହାପାତ୍ର ପ୍ରମୁଖ ଯୋଗ କରି ଉଦ୍‌ବୋଧନ ଦେଇଥିଲେ ।ବାଙ୍କୀ ବ୍ଲକ ଅନ୍ତର୍ଗତ ବଳଭଦ୍ରପୁର ଗ୍ରାମପଂଚାୟତର ମାଇକେଲ୍ ନାମରେ ପରିଚିତ ବିନୋଦ ବେହେରା ନିଜସ୍ୱ ଅଞ୍ଚଳ ସହିତ ଅନେକ ଗ୍ରାମରେ ଡ୍ରାମା ଓ ଯାତ୍ରାପାର୍ଟି , ମହୋତ୍ସବ ଆଦି ସ୍ଥାନଗୁଡିକକୁ ଯାଇ ରାତିତମମାମ ନାଟକ ଗୁଡିକର ସୋସିଆଲ୍ ମିଡିଆ ଦ୍ୱାରା ସିଧା ପ୍ରସାରଣ ଲାଇଭ୍ କରି ଚର୍ଚ୍ଚାରେ ରହିଥାନ୍ତି । ଏପରିକି ରାଜ୍ୟର ଅନେକ ଜିଲ୍ଲା ଗ୍ରସ୍ତ କରି ଏହିପରି ଯାତ୍ରା କଳାକୁ ନିଜର ମୋବାଇଲ୍ ମାଧ୍ୟମରେ ଫେସ୍‌୍‌ବୁକକ୍ ଲାଇଭ୍ ଦ୍ୱାରା ଚର୍ଚ୍ଚାରେ ରହିଥାନ୍ତି । ଏଥିପାଇଁ ତାଙ୍କ୍‌ୁ ଅନେକ ସମ୍ମାନ ପ୍ରଦାନ ସହିତ ଶୁଭେଚ୍ଛା ଓ ଶୁଭ କାମନାର ସୁଅ ଛୁଟିଥାଏ ।ନୂତନ ବର୍ଷ ନୂଆ ରୂପରେ ମାଇକେଲ୍ ତାଙ୍କର ଯାତ୍ରା ଆରମ୍ଭ କରିବା ସହିତ କଳା, ସଂସ୍କୃତିକୁ ଉଦ୍‌ଜୀବୀତ ରଖିବାର ଲକ୍ଷ୍ୟ ନେଇ ସାଇକେଲ୍ ଯାତ୍ରା ଆରମ୍ଭ କରିଛନ୍ତି ।