ରାଜ୍ୟ ସ୍ତରୀୟ କୁଇଜ୍ ପ୍ରତିଯୋଗିତାରେ ରୋହିତ ପ୍ରଥମ

୩୦ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପଡ଼ିଆ :-> ମାଲକାନଗିରି ଜିଲ୍ଲା ସୀମାନ୍ତ ଆଦିବାସୀ ଅଧ୍ୟୁଷିତ ଅଞ୍ଚଳର ନବମ ଶ୍ରେଣୀର ଛାତ୍ର ରାଜ୍ୟ ସ୍ତରୀୟ କୁଇଜ୍ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଛନ୍ତି । ପାଣି ପଞ୍ଚାୟତ ପକ୍ଷରୁ ଗତ ୨୭ ତାରିଖରେ ରାଜ୍ୟ ସ୍ତରୀୟ କୁଇଜ୍, ପ୍ରବନ୍ଧ, ଚିତ୍ରାଙ୍କନ ଓ ଵକ୍ତୁତା ଆଦି ପ୍ରତିଯୋଗିତା କରାଯାଇଥିଲା ।

ଏଥିରେ ପଡ଼ିଆ ବ୍ଲକ ପଡ଼ିଆ ସଦର ମହକୁମାରେ ବସବାସ କରୁଥିବା ପି. ତ୍ରିନାଥଙ୍କ ପୁତ୍ର ପି. ରୋହିତ ଭାଗ ନେଇ କୁଇଜ୍ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଛନ୍ତି । ପି. ରୋହିତ ଵାପାନପାଲ୍ଲୀ ଆଦର୍ଶ ବିଦ୍ୟାଳୟର ନବମ ଶ୍ରେଣୀର ଛାତ୍ର । ଆସନ୍ତା ୫ ତାରିଖରେ ରାଜ୍ୟ ସରକାରଙ୍କ ପକ୍ଷରୁ ପି. ରୋହିତଙ୍କୁ ଭୁବନେଶ୍ୱର ବିଜୁ ପଟ୍ଟନାୟକ ବରମୁଣ୍ଡା ପଡ଼ିଆ ଠାରେ ଆୟୋଜିତ କାର୍ଯ୍ୟକ୍ରମରେ ପୁରସ୍କୃତ କରାଯିବ ବୋଲି ଜଣାପଡିଛି ।