ରାଜ୍ୟସ୍ତରୀୟ ଦିବାରାତ୍ର ବ୍ୟାଡ଼ମିଣ୍ଟନ ଟୁର୍ନାମେଣ୍ଟ ଭୁବନେଶ୍ୱର ଟିମ ତନ୍ମୟ ଓ ଚନ୍ଦ୍ର କେଡ଼ି ଚମ୍ପିୟାନ

୩୦ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଲୁଗାଁ  :-> ବାଲୁଗାଁ ସ୍ଥିତ ମା ‘ମଙ୍ଗଳା ବ୍ୟାଡ଼ମିଣ୍ଟନ କ୍ଳବ ଆନୁକୂଲ୍ୟରେ ସ୍ଥାନୀୟ ଗୋପବନ୍ଧୁ ନଗର ଠାରେ ରବିବାର ଦ୍ୱିତୀୟ ରାଜ୍ୟ ସ୍ତରୀୟ ଦିବାରାତ୍ର ବ୍ୟାଡ଼ମିଣ୍ଟନ ଚାମ୍ପିୟନସିପ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ଅତିଥି ଭାବେ ବାଲୁଗାଁ ନଗରପାଳିକା ସୁକାନ୍ତି ପାଇକରାୟ, ଧୋବା ବିଶ୍ୱାଳ ଏବଂ ବିନୋଦ ମହାରଣା ଯୋଗ ଦେଇ ଟୁର୍ନାମେଣ୍ଟକୁ ଉଦଘାଟନ କରିଥିଲେ l ଏଥିରେ ରାଜ୍ୟ ଏବଂ ରାଜ୍ୟ ବାହାରୁ ମୋଟ ୩୨ ଟିମ ଅଂଶଗ୍ରହଣ କରିଥିଲେ l ଫାଇନାଲ ମ୍ୟାଚ ରେ ଭୁବନେଶ୍ୱର ଟିମ ୨-୧ ସେଟ ରେ ଅନୁଗୁଳକୁ ହରାଇ ଚାମ୍ପିୟନ ହୋଇଥିଲା l

ବିଜୟୀ ଦଳର ତନ୍ମୟ ସାହୁ ଏବଂ ଚନ୍ଦ୍ର କେଡ଼ିଙ୍କୁ ନଗଦ ୨୫ ହଜାର ଟଙ୍କା ଅତିଥିଙ୍କ ଦ୍ଵାରା ପୁରସ୍କୃତ କରାଯାଇଥିଲା l ସେହିପରି ରନର୍ସ ଅପ ଟିମର ଅନିର୍ବନ ମଣ୍ଡଳ ଏବଂ ପାରସ ମାଥୁରଙ୍କୁ ନଗଦ ୧୫ ହଜାର ଟଙ୍କା, ତୃତୀୟ ସ୍ଥାନ ହାସଲ କରିଥିବା ବଲାଙ୍ଗୀର ଟିମର ସୋନୁ ଓ ପ୍ରତୀକ ଙ୍କୁ ୫ ହଜାର ଟଙ୍କା ଏବଂ ଚତୁର୍ଥ ବିଜୟୀ ଟିମ ଅନୁଗୁଳର ଅମ୍ଲାନ ଗଡ଼ନାୟକ ଓ ଅନିର୍ବାଣ ସାମନ୍ତଙ୍କୁ ୪ ହଜାର ଟଙ୍କା ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା l ମ୍ୟାଚ ପରିଚାଳନା କରିଥିଲେ ଦେବୀଦତ୍ତ ଦାସ, ସୌରଭ ପାଇକରାୟ ଏବଂ ଶାହାଯାହାନ କଳାପାହାଡ଼ l ଖେଳ ଦେଖିବା ପାଇଁ ବିଭିନ୍ନ ଅଞ୍ଚଳରୁ ଦର୍ଶକ ଏବଂ କ୍ରୀଡ଼ାବିତଙ୍କ ପ୍ରବଳ ଭିଡ ଜମିଥିବା ବେଳେ କ୍ଲବର ସମସ୍ତ ସଦସ୍ୟ ମାନେ ଟୁର୍ନାମେଣ୍ଟକୁ ସୁପରିଚାଳନା କରିଥିଲେ l