ମା’ଚର୍ଚ୍ଚିକା ଛାତ୍ରୀ ନିବାସରେ ସମ୍ବିଧାନ ସଂପର୍କରେ ଆଲୋଚନାଚକ୍ର ଓ ତର୍କ ପ୍ରତିଯୋଗିତା

୨୦ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟ ମା’ଚର୍ଚ୍ଚିକା ଛାତ୍ରୀ ନିବାସ ଆନୁକୁଲ୍ୟରେ ଭାରତର ସମ୍ବିଧାନ ଉପରେ ଆଲୋଚନାଚକ୍ର ଅନୁଷ୍ଠିତ ହେବା ସହ ଆଗାମୀ ବାର୍ଷିକ ଉତ୍ସବ ପାଳନ ଅବସରରେ ତର୍କ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଛାତ୍ରୀ ନିବାସର ତତ୍ତ୍ୱାବଦାରିକା ଡକ୍ଟର ସଂନ୍ଧ୍ୟା ରାଣୀ ମହାନ୍ତିଙ୍କ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଶିକ୍ଷାବିତ୍ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ଭାରତର ସମ୍ବିଧାନ ଓ ମୌଳିକ ଅଧିକାର ଉପରେ ଆଲୋକପାତ କରିଥିଲେ ।କାର୍ଯ୍ୟକ୍ରମରେ ସହତତ୍ୱାବଧାରିକା ଅଧ୍ୟାପିକା ଜ୍ୟୋର୍ତିମୟୀ ପାଢୀ, କିଶୋର ଚନ୍ଦ୍ର ସ୍ୱାଇଁ, ଅଧ୍ୟାପିକା ଦୁର୍ଗେଶ୍ୱରୀ ନାୟକ, ଡକ୍ଟର ଅଭିମନ୍ୟୁ ରଣା ଓ ଅଧ୍ୟାପକ ନିରଞ୍ଜନ ଉପାଧ୍ୟୟ ପ୍ରମୁଖ ଯୋଗଦାନ କରି ଆଲୋଚନାରେ ଅଂଶଗ୍ରହଣ କରିଥିଲେ । ତର୍କ ପ୍ରତିଯୋଗିତାରେ ସସ୍ମିତା ସେଠୀ ପ୍ରଥମ, ଗାରିମାଗରିୟସୀ ମିଶ୍ର ଦ୍ୱିତୀୟ ଓ ପ୍ରୀତିକ୍ରୀଷ୍ଣା ମହାନ୍ତି ତୃତୀୟ ସ୍ଥାନ ଅଧିକାର କରିଥିଲେ । ଶେଷରେ ଛାତ୍ରୀ ନିବାସର ସାଧାରଣ ସଂପାଦିକା ସୁଶ୍ରୀତା ମିଶ୍ର ଧନ୍ୟବାଦ ଅର୍ପଣ କରିଥିଲେ ।