ନିଆଁ ଲାଗି ତିନି ଏକରରୁ ଉର୍ଦ୍ଧ୍ବ ଧାନ ଫସଲ ପାଉଁଶ

୧୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ )  ଗୋପ :- ପୁରୀ ଜିଲ୍ଲା ଗୋପ ବ୍ଲକ ବଣିଆ ସାହି ଗ୍ରାମର ସଦାଶିବ ପ୍ରଧାନ ପିତା ନକୁଳ ପ୍ରଧାନ ଙ୍କ ଆଜି ଡିସେମ୍ବର ୧୪ ତାରିଖ ଶନିବାର ଦିନ ୩ ଏକର ରୁ ଉର୍ଦ୍ଧ୍ବ ପାଚିଲା ଧାନ ଫସଲ ହୋଇଥିବା ବିଲରେ ଅଚାନକ ନିଆଁ ଲାଗି ପାଉଁଶ ହୋଇଯାଇଛି ।ଘଟଣାରୁ ପ୍ରକାଶ ଯେ ସଦାଶିବ ପ୍ରଧାନ ବିଲ ପାଖରେ ଜଣେ ବ୍ୟକ୍ତି ତାର ବିଲରେ ପଡିଥିବା ନଡ଼ା ଅଳିଆ କୁ ନିଆଁ ଲଗାଇ ଥିବା ବେଳେ ହଟାତ ନିଆଁ ପବନ ଯୋଗେ ଉଡି ଶ୍ରୀ ପ୍ରଧାନ ଙ୍କ ଧାନ ଫସଲ ବିଲରେ ଲାଗି ଯାଇଥିଲା ।

ଯାହା ଫଳରେ ଆଖି ପିଛୁଳାକେ ନିଆଁ ସାରା ବିଲରେ ମାଡିଯାଇ ଧାନ ଫସଲ ରେ ସପୂର୍ଣ ଲାଗି ଫସଲ ସବୁ ନଷ୍ଟ ହୋଇ ପାଉଁଶ ହୋଇଯାଇଥିଲା ବୋଲି ଶ୍ରୀ ପ୍ରଧାନ କହିଥିଲେ । ଗୋପ ଅଗ୍ନିଶମ ବିଭାଗ ଖବର ପାଇ ଘଟଣା ସ୍ଥଳରେ ପହଞ୍ଚି ପାଣି ପକାଇ ନିଆକୁ ଲିଭାଇ ବା ବେଳକୁ ସପୂର୍ଣ ଧାନ ଫସଲ ଜଳି ଯାଇଥିଲା । ଏହି ନିଆଁ ଲାଗିଥିବା ର ଖବର ପାଇଁ ରାମଚଣ୍ଡୀ ଥାନା ପୋଲିସ ପହଞ୍ଚି ଘଟଣା କୁ ଦେଖି ତଦନ୍ତ କରିଥିଲେ ।ଏହି ଧାନ ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅଞ୍ଚଳବାସୀ କହିଥିଲେ । ଚାଷୀ ଶ୍ରୀ ପ୍ରଧାନ କୁ କ୍ଷତିପୂରଣ ପ୍ରଦାନ କରାଗଲେ ନିରୀହ ଚାଷୀ ଉପକୃତ ହୁଅନ୍ତା ବୋଲି ଗ୍ରାମବାସୀମାନେ କହିଥିଲେ ।