ଓଡ଼ିଶା ତାଜା ନିୟୁଜ୍ (୨୨ ଅଗଷ୍ଟ ଶନିବାର) କଳାହାଣ୍ଡି :- ନର୍ଲା ବ୍ଲକ ଅନ୍ତର୍ଗତ ମାଣ୍ଡେଲ ଗାଁ ନିକଟରେ ଏକ ସଡ଼କ ଦୁର୍ଘଟଣାରେ ଜଣେ ବାଇକ ଆରୋହୀଂକ ମୃତ୍ୟୁ ଘଟିଛି। ଖବର ନେବାରୁ ଜଣାଯାଏ ଏକ ପିକ୍ଅପ ଓ ବାଇକ ନଂ ଓଆର୧୫ ଏଫ ୨୨୬୩ ମଧ୍ୟରେ ଧକ୍କା ହେବାରୁ ବାଇକ ଚାଲକ ତୁଲାଗାଁର ସୁରଥ ଗଉଡ ଗୁରୁତର ଆହତ ହୋଇଥିଲେ ।
ଦୁର୍ଘଟଣା ପରେ ପିକ୍ଅପ ଗାଡ଼ିଟି ଫେରାର ହୋଇଯାଇଥିଲା।ଆହତ ବ୍ୟକ୍ତିଙ୍କୁ ପ୍ରଥମେ ଭବାନୀପାଟଣା ଓ ପରେ ବୁର୍ଲା ହସପିଟାଲରେ ଭର୍ତ୍ତି କରାଯାଇଥିଲା । ତେବେ ମୁଣ୍ଡରେ ଗଭୀର ଆଘାତ ରୁ ତାଙ୍କର ମୃତ୍ୟୁ ଘଟିଛି । ମୃତ ପରିବାରବର୍ଗ ଓ ଗାଁ ଲୋକଙ୍କ ପାଖରେ ଖବର ପହଞ୍ଚିବାପରେ ଶୋକର ଛାୟା ଖେଳିଯାଇଛି। ନର୍ଲା ଥାନା କେସ ନଂ ୧୩୧,ତା ୨୧/୮/୨୦୨୦ ଅନୁସାରେ ଏକ ମାମଲା ରୁଜୁ ହୋଇ ତଦନ୍ତ ପ୍ରକ୍ରିୟା ଜାରି ରହିଥିବା ଥାନା ଅଧିକାରୀ ଡିଏସପି ଗାୟତ୍ରୀ ପଧାନ ସୂଚନା ଦେଇଛନ୍ତି। (ରିପୋର୍ଟ ପ୍ରଦୀପ କୁମାର ଗଉଡ)
