ଓଡ଼ିଶା ତାଜା ନିୟୁଜ୍ (୨୨ ଅଗଷ୍ଟ ଶନିବାର) ହିଞ୍ଜିଳିକାଟୁ :- ଗଞ୍ଜାମ ଜିଲ୍ଲା ହିଞ୍ଜିଳି ଥାନା ତଥା ପୁରୁଷୋତମପୁର ବ୍ଳକ କୋଳିଦାସପୁରରେ ଶୁକ୍ରବାର ବିଳମ୍ବିତ ରାତିରେ ଘଟିଛି ଏକ ଅଭାବନୀୟ ଘଟଣା । ଋଷିକୂଲ୍ୟା ନଦୀରୁ ବେଆଇନ ବାଲି ଚୋରା ଚାଲାଣ ବନ୍ଦ କରିବା ନେଇ ଗ୍ରାମବାସୀଙ୍କ ପକ୍ଷରୁ ବହୁ ବାର ପ୍ରଶାସନକୁ ଅଭିଯୋଗ କରାଯାଇଥିଲେ ମଧ୍ୟ ପ୍ରଶାସନ କୌଣସି ପଦକ୍ଷେପ ଗ୍ରହଣ କରିନଥିଲା । ଫଳସ୍ୱରୁପ କିଛି ଦୁବୃର୍ତ ଆଇନକୁ ହାତକୁ ନେଇଛନ୍ତି । ବେଆଇନ ବାଲି ଚୋରା ଚାଲାଣକୁ ନେଇ ଗ୍ରାମବାସୀଙ୍କ ସହ ବାଲି ମାଫିଆଙ୍କ ମଧ୍ୟରେ ଗଣ୍ଡଗୋଳ ହୋଇଇଛି । ଉତ୍ୟକ୍ତ ଗ୍ରାମବାସୀଙ୍କୁ ଦେଖି ଘଟଣା ସ୍ଥଳରୁ ବାଲି ମାଫିଆ ମାନେ ଫେରାର ହେବା ପରେ କିଛି ଦୁବୁର୍ତ ଏହାର ସୁଯୋଗ ନେଇ ଚୋରା ବାଲି ଚାଲାଣରେ ବ୍ୟବହୃତ ଗାଡ଼ି ଗୁଡ଼ିକରେ ନିଆଁ ଲଗାଇଦେଇଥିଲେ । ଫଳରେ ନଦୀ ନିକଟରେ ଥିବା ଦୁଇଟି ବାଇକକୁ ନିଆଁ ଲଗାଇ ଦେବାରୁ ସଂମ୍ପୁଣଁ ପୋଡ଼ି ଯାଇଥିବା ବେଳେ ଗୋଟିଏ ଟ୍ରାକ୍ଟର ( ଓଡ଼ି୦୭ କେ ୨୪୯୩) ,ଗୋଟିଏ ଟ୍ରକ ଓ ଦୁଇଟି ଟିପ୍ପର (୧) ଓଆର୦୭ ଏଫ ୦୪୪୨ ଓ ଓଆର୧୬ ସି ୦୧୪୧) ପୋଡ଼ି ଦେଇଥିବା ବେଳେ ଗୋଟିଏ ଜେସିବି ମେସିନ କୁ ଭାଙ୍ଗି ଦୁର୍ବୁର୍ତ ମାନେ ଫେରାର ହୋଇଯାଇଛନ୍ତି ।
ଖବର ପାଇ ଶନିବାର ସକାଳୁ ଆସିକା ପୋଲିସ ଉପଖଣ୍ଡ ଅଧିକାରୀ ସୁର୍ଯ୍ୟମଣି ପ୍ରଧାନ,ହିଞ୍ଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ, ଉଭୟ ହିଞ୍ଜିଳି ଓ ପୁରୁଷୋତମପୁର ରାଜସ୍ୱ କର୍ମଚାରୀ ଓ ପୋଲିସ ଫୋର୍ସ ଘଟଣା ସ୍ଥଳରେ ପହଂଚି ଘଟଣାର ତଦନ୍ତ ଚଳାଇଛନ୍ତି । ଅନ୍ୟ ପକ୍ଷରେ ପୋଲିସ ଭର୍ୟରେ ର୍ଗା ପୁରୁଷ ଶୁନ୍ୟ ହୋଇପଡ଼ିଛି । ଖବର ଲେଖା ହେବା ସୁଦ୍ଧା ଏ ନେଇ ହିଞିଳିଥାନାରେ ଅଭିଯୋଗ ହୋଇନଥିବା ଜଣାପଡ଼ିଛି । ବିଶ୍ୱରେ କରୋନା ତାର କାୟା ବିସ୍ତାର କରୁଥିବା ବେଳେ ବାଲି ମାଫିଆମାନେ ନିଜର କାୟା ବିସ୍ତାର କରିଛନ୍ତି । ବେଆଇନ ବାଲି କାରବାରକୁ ନେଇ ବିଭିନ୍ନ ସମୟରେ ସରକାରୀ କଟକଣା ଲାଗୁ କରାଯାଇଥିଲେ ମଧ୍ୟ ବାଲିମାଫିଆ ମାନେ ଯେମିତି ସବୁ ନିତିନିୟମକୁ ଫୁ କରି ଉଡ଼ାଇ ଦେଇଛନ୍ତି । ନାମକୁ କେବଳ ଯାହା ଆଇନ ତିଆରି ହୋଇଛି ଆଖି ଦେଖାଣିଆ ଧରପଗଡ଼ରେ ସିମୀତ ରହୁଛି । ରୁଷିକୁଲ୍ୟା ନଦୀରୁ ଅନୁମାନିକ ୫ ବର୍ଷରୁ ଉର୍ଦ୍ଧ ବିନା ଟେଣ୍ଡରରେ ରୁଷିକୁଲ୍ୟା ନଦୀରୁ ପ୍ରତ୍ୟକ ଦିନ ଓ ରାତ୍ରିରେ ସିକିରି, ଆଲପୁର, ଖରିଡ଼ା, କୋଳିଦାସପୁର, ଗିରିଆ, ଚାନ୍ଦୁଲି, ଖଣ୍ଡରା, ପୁଟିଆପଦର, ଦିଗାପଡ଼ା ଗ୍ରାମ ମଧ୍ୟ ଦେଇ ପ୍ରତ୍ୟହ ରାତିରେ ବାଲି ଚୋରା ଚାଲାଣ ହେଇଛି ।
ଏହାକୁ ରୋକିବାକୁ ପ୍ରଶାସନ ପକ୍ଷରୁ କୈାଣସି ପ୍ରକାର ଆଖି ଦୃଷ୍ଟିଆ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନଥିବାରୁ ଲୁଟେରା ମାନେ ଏହାର ସୁଯୋଗ ନେବାକୁ ପଛାଉ ନାହାନ୍ତି । ଫଳରେ ବାଲି ଲୁଟେରା ମାନେ ପ୍ରଶାସନକୁ ଖୋଲା ଖୋଲି ଚ୍ୟାଲେଞ୍ଜ କରି ଅବାଧରେ ବାଲି ଚାଲାଣ କରୁଛନ୍ତି । କୋଳିଦାସପୁର ଗ୍ରାମ ନିକଟ ଦେଇ ପ୍ରବାହିତ ଋଷିକୂଲ୍ୟା ନଦୀରୁ ବାଲି ଚାଲାଣ ବେଳେ ସଂପୃକ୍ତ ଗ୍ରାମ ଦେଇ ବିଭିନ୍ନ ଟ୍ରକ୍ ଓ ଟ୍ରାକ୍ଟର ଗୁଡ଼ିକ ବେପାରୁଆ ଭାବେ ଯାତାୟତ କରୁଥିବାରୁ ଦୂର୍ଘଟଣା ସମ୍ଭାବନା କରି ଗତ ଏକ ମାସ ପୂର୍ବେ ସଂପୃକ୍ତ ଗ୍ରାମରେ ଗ୍ରାମବାସୀଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଥିଲା । ସଂପୃକ୍ତ ଗ୍ରାମ ରାସ୍ତା ଓ ନଦୀ ନିକଟବର୍ତି ଉଠାଜଳସେଚନ ବିଭାଗ ପକ୍ଷରୁ ନିର୍ମିତ ରାସ୍ତା ଦେଇ ବାଲି ଗାଡ଼ି ଗୁଡ଼ିକୁ ଯାତାୟତ ନକରିବା ଓ ନଦୀରୁ ବାଲି ଚାଲାଣ ନକରିବା ସକାଶେ ସ୍ଥିର କରାଯାଇଥିଲା । ତେବେ ଗତ ୨/୩ ଦିନ ଧରି ପୁଣି ଥରେ ସ୍ଥାନୀୟ ଗ୍ରାମ ନିକଟବର୍ତି ଅଂଚଳର କିଛି ଅସାମାଜିକ ବ୍ୟକ୍ତିଙ୍କୁ ବାଲି ମାଫିଆ ମାନେ ମୋହରା କରି ପୁଣି ଥରେ ବାଲି ଚୋରା ଚାଲାଣ ଆରମ୍ଭ କରି ଦେଇଥିଲେ । ଶୁକ୍ରବାର ବିଳମ୍ବିତ ରାତିରେ ସଂପୃକ୍ତ ଗ୍ରାମ ନିକଟ ଋଷିକୂଲ୍ୟା ନଦୀରୁ ବାଲି ମାଫିଆ ମାନେ ବାଲି ଚାଲାଣ କରୁଥିବା ବେଳେ ସଂପୃକ୍ତ ସ୍ଥାନରେ ଗ୍ରାମବାସୀ ପଂହଚିଥିଲେ । ପରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଉତ୍ୟକ୍ତ ଗ୍ରାମବାସୀଙ୍କୁ ମୁକାବିଲା ନକରିପାରି ଭୟରେ ବାଲି ମାଫିଆ ଓ ଗାଡ଼ି ଚାଳକ ମାନେ ଘଟଣା ସ୍ଥଳରୁ ଦୌଡ଼ି ପଳାଇଥିଲେ ।
ଏହାର ସୁଯୋଗ ନେଇ କିଛି ଦୁବୃର୍ତ ନଦୀ ନିକଟରେ ଥିବା ବାଇକ, ଟ୍ରାକ୍ଟର ଓ ଟିପ୍ପରରେ ନିଆଁ ଲଗାଇ ଦେଇଥିବା ବେଳେ ଜେସିବି ମେସିନକୁ ଭଙ୍ଗାରୁଜା କରିଥିଲେ । ଅନ୍ୟପକ୍ଷରେ ଏହି ପରି ବାଲି ଚାଲାଣ ଜାରି ରହିଲେ ପିତଳ,ତହଂର, ଗିରିଆ. ନନ୍ଦିକ.ଫୁଟିଆପଦର.ଦିଗାପଡ଼ା ଶାସନ ଓ ଜାମୁନୀ .ଆଲପୁର,କୋଳିଦାସପୁରଗ୍ରାମ ଓ ନଦୀ ନିକଟବର୍ତି ଗ୍ରାମ ଗୁଡ଼ିକ ପ୍ରତି ବିପଦ ଆଶଙ୍କା ଦେଖାଦେବ ଏବଂ ସରକାର ବାର୍ଷିକ କୋଟି କୋଟି ଟଙ୍କାର ରାଜସ୍ୱ ହରାଇବ । ଏହାକୁ ବନ୍ଦ କରିବା ଲାଗି ପ୍ରଶାସନ ପଦକ୍ଷେପ ନ ନେଲେ ନଦୀ ନିଜର ଗତିପଥ ବଦଳାଇ ଗାଁ ମୁହାଁ ହେବାର ଆଶଙ୍କା ଉପୁଜିଛି । ବାଲି ମାଫିଆଙ୍କ ଭୟରେ ଗ୍ରାମ ବାସୀ ମୁହଁ ଖୋଲି ପାରୁ ନାହାନ୍ତି । ଗ୍ରାମର ସୁରକ୍ଷା ନେଇ ସାଧାରଣରେ ଅସନ୍ତୋଷ ଦେଖାଦେଇଛି । ବାଲି ଚୋରା ଚାଲାଣରେ ଚୋରା ଗାଡ଼ି ଗୁଡ଼ିକ ବ୍ୟବହାର ହେଉଥିବାରୁ ଚାଳକ ମାନେ ରାତି ଅଧିଆ ତରବରିଆ ଭାବେ ନେବା ବେଳେ ଲୋକେ ଘରୁ ବାହାରିବାକୁ ଭୟ କରୁଛନ୍ତି । ଏ ନେଇ ସ୍ଥାନୀୟ ପ୍ରଶାସନ ନିକଟରେ ଗ୍ରାମବାସୀ ବାରମ୍ବାର ଲିଖିତ ଅଭିଯୋଗଗ କରିଥିଲେ ମଧ୍ୟ ପ୍ରଶାସନ ନୀରବ ରହୁଥିବା ଅଭିଯୋଗ ହୋଇଛଇ ।
ଏ ନେଇ ଦୈନିକ ଖବରକାଗଜ’ ପ୍ରଗତୀବାଦି’ରେ କବର ପ୍ରକାିତ ହେବା ପରେ ପ୍ରଶାସନ ଲୋକ ଦେଖାଣିଆ ଭାବେ ଗୋଟିଏ ବା ଦୁଇଟି ଗାଡ଼ିରୁ ଚାଲାଣ କାଟି ପୁଣି ଥରେ ନିରବ ସାଜିଥିଲା । ଏ ନେଇ ବାଲି ମାଫିଆ ଓ ରାଜସ୍ୱ କର୍ମଚାରୀଙ୍କ ମଧ୍ୟରେ ଭିତିରି ମୋଟା ଅଙ୍କର ଅର୍ଥ ନେଣ ଦେଣ ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି । ଅନ୍ୟ ପକ୍ଷରେ ଉକ୍ତ ଅଚଂଳ ହିଞ୍ଜିଳି ଥାନା ମଧ୍ୟରେ ଯାଉଥିବା ବେଳେ ତହସିଲ ପୁରୁଷୋତମପୁର ହେଉଥିବାରୁ ଅଧିକାରୀମାନଙ୍କ ମଧ୍ୟରେ ତାଳମେଳ ରହୁନାହିଁ । ଏହାର ସୁଯୋଗ ନେଇ ଆନ୍ଦ୍ରାରୁ ବାଲି ଚୋରା ଚାଲାଣକାରୀ ମାନେ ସ୍ଥାନୀୟ ଅସାମାଜିକ ଯୁବକ ମାନଙ୍କୁ ମୋହରା କରି ନିଜର କାୟା ବିସ୍ତାର କରି ଚାଲିଛନ୍ତି । ବିନା ଟେଣ୍ଡରରେ ଦିନକୁ ହଜାର ହଜାର ଟ୍ରିପ ବାଲି ଚୋରା ଚାଲାଣ ହେବା ଯୋଗୁଁ ସରକାରି ତହବିଲରୁ ମାସିକ କୋଟି କୋଟି ଟଙ୍କା ହରାଉଛି । ନଦୀ ପଠାର ଅନ୍ୟପଟ ପୁରୁଷୋତମପୁର ତହସିଲ ଅନ୍ତର୍ଗତ ହେଉଥିବାରୁ ଗାଁ ଦେଇ ପ୍ରଶାସନର ଅଢ଼ୁଆଳରେ ରାତି ଅଧିଆ ବାଲି ଚାଲାଣ ହେଉଥିବା ମଧ୍ୟ ଗ୍ରାମବାସୀ ଅଭିଯୋଗ କରିଛନ୍ତି । ଜିଲ୍ଲା ପ୍ରଶାସନ ଏ ନେଇ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ ନକଲେ ଆଗାମୀ ଦିନରେ ବିସ୍ପୋରକ ପରିସ୍ଥିତି ସୃଷ୍ଟି ହେବା ସମ୍ଭାବନାକୁ ଏଡ଼ାଇ ଦେଇ ହେବ ନାହିଁ । (ହିଞ୍ଜିଳିକାଟୁ / ଶେଷଦେବ ସାହୁ)
