୦୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭଦ୍ରକ  :-> ଭଦ୍ରକ କୁଆସ ମାଟି ର ବିଶିଷ୍ଟ ସ୍ବାଧିନତା ସଂଗ୍ରାମୀ ତଥା ପୂର୍ବତନ ସାଂସଦ ଗୋକୁଳାନନ୍ଦ ମହାନ୍ତିଙ୍କ ବ୍ରୋଞ୍ଜ ପ୍ରତିମୂର୍ତ୍ତି ଉନ୍ମୋଚନ l ବିଶିଷ୍ଟ ସ୍ବାଧିନତା ସଂଗ୍ରାମୀ ତଥା ପୂର୍ବତନ ସାଂସଦ ସ୍ବର୍ଗତ ଗୋକୁଳାନନ୍ଦ ମହାନ୍ତିଙ୍କ ଆଜି ପବିତ୍ର ୫୦ତମ ପୂଣ୍ୟତିଥି  l ଏହି ଅବସରରେ ଆଜି ବିଶେଷ କାର୍ଯ୍ୟକ୍ରମରେ ପ୍ରଥମେ ସ୍ବର୍ଗତ ଗୋକୁଳା ନନ୍ଦ ମହନ୍ତିଙ୍କ ସମାଧିପିଠରେ ତିଳତର୍ପଣ ସହ ମାଲ୍ୟାପର୍ଣ କରାଯାଇଥିଲା  l

ପରେ ଗୋକୁଳାନନ୍ଦଙ୍କ ସ୍ମୃତିରେ ଓଡ଼ିଶା ସରକାରଙ୍କ ସଂସ୍କୃତି ବିଭାଗ ଆନୁକୂଲ୍ୟରେ ଭଦ୍ରକ ସହର ରାଜଘାଟ ଛକରେ ଏକ ବ୍ରୋଞ୍ଜର ପ୍ରତିମୂର୍ତ୍ତି ଅନବାରଣ କରାଯାଇଛି l ଗୋକୁଳାନନ୍ଦ ମହାନ୍ତି ଙ୍କ ନାତି ଜ୍ୟୋତିପ୍ରକାଶ ମହାନ୍ତି ଙ୍କ ନେତୃତ୍ୱ ସଭା ଆୟୋଜନ କରିଥିଲେ ଉପସ୍ଥିତ ଥିଲେ ବିଜେପି ରାଜ୍ୟ ସଭାପତି ମନମୋହନ ସାମଲ,ଭଦ୍ରକ ବିଧାୟକ ସିତାଂଶୁ ଶେଖର ମହାପାତ୍ର,

ଜିଲ୍ଲାପାଳ ଦିଲ୍ଲୀପ ରାଉତରାୟଙ୍କ ସମେତ ବହୁ ବିଶିଷ୍ଟ ବ୍ୟକ୍ତିଙ୍କ ଉପସ୍ଥିତିରେ ସ୍ବର୍ଗତ ଗୋକୁଳାନନ୍ଦ ମହାନ୍ତିଙ୍କ ପ୍ରତିମୂ୍ର୍ତ୍ତି ଲୋକାର୍ପଣ କରାଯାଇଛି l ପରେ ସ୍ବର୍ଗତ ଗୋକୁଳାନନ୍ଦ ମହାନ୍ତିଙ୍କ ନାତି ତଥା ସମାଜସେବୀ ଜ୍ୟୋତପ୍ରକାଶ ମହାନ୍ତି ତ୍ବତ୍ତାବଧାନରେ ଏକ ସୃତି ସଭା ଅନୁଷ୍ଠିତ ହୋଇଥିଲା l ଏହି ସ୍ମୃତି ସଭାରେ ଭଦ୍ରକ ଜିଲ୍ଲାର ବିଶିଷ୍ଟ ସ୍ବାଧିନତା ସଂଗ୍ରାମୀ ବ୍ରଜକିଶୋର ରାଉତ,

ବିଶିଷ୍ଟ ଶିଳ୍ପୀ ଜୟନ୍ତ ଦାସଙ୍କ ସମେତ ଅନେକ ବିଶିଷ୍ଟ ବ୍ୟକ୍ତିବିଶେଷଙ୍କୁ ସମ୍ବୋଦ୍ଧିତ କରାଯାଇଥିଲା l ପରେ ସଭାରେ ମୁଖ୍ୟ ଅତିଥି ମନମୋହନ ସାମଲ, ବିଧାୟକ ସିତାଂଶୁ ଶେଖର ମହାପାତ୍ର, ଜିଲ୍ଲାପାଳ ସ୍ବର୍ଗତ ଗୋକୁଳାନନ୍ଦ ମହାନ୍ତି ସ୍ମୃତି ଚାରଣ କରିଥିଲେ l ଅବିଭକ୍ତ ଭଦ୍ରକ ଜିଲ୍ଲାରେ ସ୍ବର୍ଗତ ମହାନ୍ତିଙ୍କ ଅବଦାନ ଚିର ସ୍ମରଣୀୟହୋଇ ରହିବ ବୋଲି ଅତିଥିମାନେ ମତବ୍ୟକ୍ତି କରିଥିଲେ l