ସ୍ୱର୍ଗତ ଲକ୍ଷ୍ମୀଧର ବେହେରା ମିମୋରିଆଲ୍ ଟୁର୍ଣ୍ଣମେଣ୍ଟ୍ : ଫାଇନାଲକୁ କୁମାରବସ୍ତ ରାଇଜିଂ ଷ୍ଟାର୍ ଉନ୍ନୀତ

୩୦ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ଆଥେଲେଟିକ୍ ଆସୋସିଏସନ୍ ଆନୁକୁଲ୍ୟରେ ଚାଲିଥିବା ଲକ୍ଷ୍ମୀଧର ମେମୋରିଆଲ୍ କ୍ରିକେଟ ଟୁର୍ଣ୍ଣାମେଣ୍ଟର ଆଜି ତୃତୀୟ ସେମି ଫାଇନାଲ ମ୍ୟାଚରେ ରାଇଜିଂ ଷ୍ଟାର କୁମାରବସ୍ତ ଏବଂ ମଞ୍ଚେଶ୍ୱର କ୍ରିକେଟ କ୍ଲବ ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍‌ରେ ବିଜୟ ଲାଭ କରି ରାଇଜିଂ ଷ୍ଟାର କ୍ରିକେଟ କ୍ଲବ ପ୍ରଥମେ ବୋଲିଂ କରି ମଞ୍ଚେଶ୍ୱର ଦଳ ନିର୍ଦ୍ଧାରିତ ୧୦ଓଭରରେ ୧୫୨ରନରେ ସୀମିତ ରଖିପାରିଥିଲା । ମଞ୍ଚେଶ୍ୱର ଦଳ ପକ୍ଷରୁ ସୋମନାଥ ବଳ ୧୪ବଲ୍‌ରୁ ୫୪ରନ୍ କରିଥିବା ବେଳେ କୁମାରବସ୍ତ ପକ୍ଷରୁ ବିକାଶ ରାଉତ ୩ୱିକେଟ୍ ହାତେଇଥିଲେ ।

ଜବାବରେ କୁମାରବିସ୍ତ ଦଳ ୮.୨ଓଭରରେ ଆବଶ୍ୟକ ରନ୍ ସଂଗ୍ରହ କରି ନେଇଥିଲା । ଦଳପକ୍ଷରୁ ଆଇଏସ୍‌.ଗିରି ମାତ୍ର ୧୭ବଲ୍‌ରୁ ୭୮ ଏବଂ ବିକାଶ ରାଉତ ୨୦ବଲ୍‌ରୁ ୫୦ରନ୍ ସଂଗ୍ରହ କରି ଫାଇନାଲକୁ ଉନ୍ନୀତ ହୋଇଛି । ବିକାଶ ରାଉତ ମ୍ୟାନଅଫ୍ ଦି ମ୍ୟାଚ୍ ବିବେଚିତ ହୋଇ ଥିଲେ । ସାମ୍ବାଦିକ ଅନନ୍ତ କୁମାର ରଣା , କ୍ରୀଡାବିତ୍ କେଶବ ମଙ୍ଗୁଆଳ ଅତିଥି ଭାବେ ଯୋଗଦେଇ ମ୍ୟାନ ଅଫ୍ ଦି ମ୍ୟାଚ୍ ବିକାଶ ରାଉତଙ୍କୁ ସମ୍ବର୍ଦ୍ଧିତ କରିଥିଲେ । ଆସନ୍ତା ରବିବାର ଦିନ ରାଇଜିଂ ଷ୍ଟାର୍ କୁମାରବସ୍ତ ଓ ପିୱାଇସି ଅଟ୍ରି ମଧ୍ୟରେ ଖେଳ ଅନୁଷ୍ଠିତ ହେବବୋଲି କ୍ରୀଡା ସଂପାଦକ ସତ୍ୟରଞ୍ଜନ ସାହୁ ସୂଚନା ଦେଇଥିଲେ । ଆଜିର ମ୍ୟାଚକୁ କେଶବ ମଙ୍ଗୁଆଳ ଓ ଆଦର୍ଶ ମହାପାତ୍ର ପରିଚାଳନା କରିଥିଲେ ।