ଅଭୟପାଦର ୨୪ତମ ବାର୍ଷିକ ଉତ୍ସବ

୨୪ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :->  ବାଙ୍କୀ ଡମପଡ଼ା ବ୍ଲକ ଅନ୍ତର୍ଗତ ଢ଼ଁସର ଗ୍ରାମର ପୁରାତନ ଆଧ୍ୟାତ୍ମିକ ଚେତନା ଓ ସାଂସ୍କୃତିକ ଅନୁଷ୍ଠାନ ଅଭୟପାଦର ୨୪ତମ ବାର୍ଷିକ ଉତ୍ସବ ଆଜି ପୂର୍ବାହ୍ନରେ ନରଗାଙ୍ଗ ସ୍ଥିତ ଜାହ୍ନବୀ ଆଶ୍ରମ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ଅନୁଷ୍ଠାନର ସଭାପତି ସାମ୍ବାଦିକ ଗୌରାଙ୍ଗ ବେହେରାଙ୍କ ସଂଚାଳନରେ ଅଭୟପାଦର ସଂପାଦକ ସୁଦର୍ଶନ ସାହୁ ବାଷିର୍କ ବିବରଣୀ ପଠନ କରିବା ସହ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ଏଥିରେ ମୁଖ୍ୟଅତିଥି ଭାବେ ବସୁଦେବ କୁଟୁମ୍ବକମ୍ ରାଜ୍ୟ ପ୍ରତିଷ୍ଠାତା ସଭାପତି ଭାଗୀରଥି ସାହୁ ଯୋଗଦେଇ ବର୍ତ୍ତମାନ ସମୟରେ ଧର୍ମ ଏକ ଅଭିନ୍ନ ବସୁଦେବକୁଟୁମ୍ବକମ୍ ସମସ୍ତ ଲୋକଙ୍କୁ ଏକାକାର କରିବା ତା’ର ଲକ୍ଷ୍ୟ ବୋଲି ମତବ୍ୟକ୍ତ କରିଥିଲେ ।

ମୁଖ୍ୟବକ୍ତା ଭାବେ ଦି ଲିଙ୍କ ଚକ୍ଷୁ ଚିକିତ୍ସାଳୟର ଅଧ୍ୟକ୍ଷ ଡକ୍ଟର ଆଲୋକକୁମାର ସାହୁ ଯୋଗଦେଇ ଅଭୟପାଦ ସମାଜ , ସଂସ୍କାର ତଥା ବାଙ୍କୀର ଏକ ଅଗ୍ରଣୀ ଅନୁଷ୍ଠାନ ଭାବେ ସାମାଜିକ କ୍ଷେତ୍ରରେ ତା’ର ଦାୟିତ୍ୱକୁ ସୂଚାରୁ ରୂୂପେ ସଂପାଦନ କରି ଆସୁଥିବା ସଂପର୍କରେ ନିଜର ବକ୍ତବ୍ୟ ରଖିଥିଲେ । ସମ୍ମାନିତ ଅତିଥି ଭାବେ ଯୁବସଂଗଠକ ଅଭିନାଶ ପଟ୍ଟନାୟକ , ଆଦିବାସୀ ହରିଜନ କଲ୍ୟାଣ ପରିଷଦର ସଂପାଦକ କେଶବ ଚନ୍ଦ୍ର ବେହେରା, ଅନୁଷ୍ଠାନର ଉପଦେଷ୍ଟା କବି ଶ୍ରୀବନ୍ତ ପ୍ରସାଦ ପାଣି ପ୍ରମୁଖ ଉପସ୍ଥିତ ଥିଲେ । ଏହି ପରିପ୍ରେକ୍ଷୀରେ ଅନୁଷ୍ଠାନ ପକ୍ଷରୁ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯାଇଥିଲା । ସେଥି ମଧ୍ୟରୁ ଆଇନଜୀବୀ ଜିତେନ୍ କୁମାର ରଥ, ଯୁବସାମ୍ବାଦିକ ବିଭୂପ୍ରସାଦ ସାମଲ, ଅଇନଜୀବୀ ଗଗନ ବିହାରୀ ମହାପାତ୍ର, ଶିକ୍ଷକ ଗୟାଧର ନାୟକ,ଶିକ୍ଷକ ବଳରାମ ପାଇକରାୟଙ୍କ ସମେତ ଅନେକ ପ୍ରତିଭାମାନଙ୍କୁ ଅଭୟପାଦ ପକ୍ଷରୁ ମାନପତ୍ର ଓ ଉପଢ଼ୌକକନ ଦେଇ ମୁଖ୍ୟଅତିଥି ସମ୍ବର୍ଦ୍ଧିତ କରିଥିଲେ । ଏହି କାର୍ଯ୍ୟକ୍ରମରେ ସଂଗୀତ ପରିବେଷଣ କରିଥିଲେ ସତ୍ୟବ୍ରତ ପ୍ରଧାନ, ସତ୍ୟନାରାୟଣ ସୁବୁଦ୍ଧି, ଶେଷରେ ଅଭୟପାଦ ପକ୍ଷରୁ ଶ୍ରୀଗୁରୁ ପାଦ ପ୍ରଡକ୍‌ସନ୍ ପକ୍ଷରୁ ଅଭୟପାଦର ଦ୍ୱିତୀୟ ଭାଗର ସୁଟିଂର ଶୁଭାରମ୍ଭ ହୋଇଥିଲା । ତୁଳସୀ ସାହୁ ଏହାକୁ ପ୍ରଯୋଜନା କରିଛନ୍ତି ।