ବାଙ୍କୀ ସହରାଞ୍ଚଳ ଭୌଗୋଳିକ ସୂଚନା ଓ ମାଷ୍ଟର ପ୍ଲାନ ସମ୍ବନ୍ଧୀୟ ଦ୍ୱିକୀୟ କର୍ମଶାଳା

୨୩ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ସହରାଞ୍ଚଳରେ ଅବସ୍ଥିତ ବିଭିନ୍ନ ଗ୍ରାମଗୁଡିକର ଭୌଗୋଳିକ ସୂଚନା ସଂପର୍କୀୟ ମାଷ୍ଟର ପ୍ଳାନ ସମ୍ବନ୍ଧୀୟ ଦ୍ୱିତୀୟ କର୍ମଶାଳା କଟକ ପ୍ରମୋଦ ହୋଟେଲ ସଭାଗୃହରେ ଅନୁଷ୍ଠିତ ହୋଇଯାଇଛି । ବାଙ୍କୀ ସହର ତା.୧୧.୦୭.୧୯୬୬ରେ ଅଧସୂଚୀତ କ୍ଷେତ୍ରପରିଷଦ ଭାବେ ମାନ୍ୟତା ଲାଭ କରିଥିଲା । ଆଜକୁ ୫୮ବର୍ଷ ହେବ ଯାହା ଉନ୍ନତି ହୋଇଛି ତାହାର ଏକ ବିସ୍ତୃତ ବିବରଣୀ ଏହି କର୍ମଶାଳାରେ ବାଙ୍କୀର କାର୍ଯ୍ୟନିର୍ବାହୀ ଅଧିକାରୀ ସଂପଦ କୁମାର ସ୍ୱାଇଁ ପ୍ରକାଶ କରିଥିଲେ । ଆଗାମୀ ୨୦୫୧ମସିହା ପାଇଁ ବାଙ୍କୀ ଏନ୍‌.ଏ.ସିର ମାଷ୍ଟରପ୍ଲାନ ତିଆରି କରାଯାଇଥିଲା । ଏଥିରେ ସହରକୁ ସରସ ସୁନ୍ଦର କରିବା ପାଇଁ ପ୍ରସ୍ତାବମାନ ଗୃହିତ କରାଯାଇଥିଲା ।

୨୪ଘଣ୍ଟା ଲୋକମାନେ ପାନୀୟ ଜଳ ପାଇବା ସହ ବିଦ୍ୟାଳୟ, ମହାବିଦ୍ୟାଳୟରେ ଛାତ୍ରଛାତ୍ରୀମାନେ ଉତ୍ତମ ଶିକ୍ଷା ପାଇବା ଓ ଗମନାଗମନର ସୁବିଧା ଉପରେ ଗୁରୁତ୍ୱ ଦିଆଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବିଧାୟକ ଦେବୀରଞ୍ଜନ ତ୍ରିପାଠୀ ଯୋଗଦାନ କରି ବାଙ୍କୀ ଏନ୍‌.ଏ.ସିକୁ ଏକ ସୁନ୍ଦର, ସବୁଜ ଏବଂ ସୁ୍‌ସ୍ଥ ସହରରେ କିପରି ପରିଣତ କରାଯାଇପାରିବ ତାହା ଉପରେ ଆଲୋଚନା କରିଥିଲେ । ଏନ୍‌.ଏ.ଏସି ନଗର ପାଳ ଶ୍ରୀମତୀ ମାଣିକ ସାହୁ ଯୋଗଦାନ କରି ଏହାର ପରିସର ବୃଦ୍ଧି କରିବା ସହ ପାର୍କ, ପୁରୁଷ ଏବଂ ସ୍ତ୍ରୀ ଲୋକମାନେ ଚାଲିବା ପାଇଁ ପାଦଚଲା ରାସ୍ତା , ଉତ୍ତମ ଶିକ୍ଷାର କିପରି ସୁବିଧା ହୋଇପାରିବ ତାହା ଉପରେ ଗୁରୁତ୍ୱ ଦେଇଥିଲେ ।୨୦୧୧ମସିହା ସୁଧା ବାଙ୍କୀ ଏନ୍‌.ଏ.ଏସିର ଜନସଂଖ୍ୟା ୧୮ହଜାର ୩୭୪ ଥିବା ବେଳେ ଏହା ଆଗାମୀ ୨୦୫୧ବେଳକୁ ୩୮ହଜାର ୩୪୭ ଜନ ସଂଖ୍ୟାରେ ପହଞ୍ôଚବ ବୋଲି ଆର.ଓ.ଭି ଆସୋସିଏସନ ହାଇଦ୍ରାବାଦର ଆସୋସିଏଟ୍ ଉପସଭାପତି ଲାମା ମହାନ୍ତି ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ଉପନଗରପାଳ ସନ୍ତୋଷ କୁମାର ରଣା ଯୋଗଦେଇ ବାଙ୍କୀ ସହର ମଧ୍ୟରେ ଥିବା ଉପକାରାଗାରାକୁ ଦୁର୍ଗାପୁର ମୌଜାର ମାଳତୀ ପାହାଡକୁ ସ୍ଥାନାନ୍ତର କରିବା ପାଇଁ ପ୍ରସ୍ତାବ ଦେଇଥିଲେ । ଫଳରେ ବାଙ୍କୀ ସହରର ପରିସର ବୃଦ୍ଧି ହେବା ସହ ପାର୍କିଂ ବ୍ୟବସ୍ଥା , ବସ୍‌ଟର୍ମିନାଲର ସୁବିଧା ହୋଇପାରିବ ବୋଲି ତାଙ୍କ ବକ୍ତବ୍ୟରେ କହିଥିଲେ ।

ଅନ୍ୟତମ କାଉନସିଲର ସନାତନ ବେହେରା ଯୋଗଦେଇ ବାଙ୍କୀ ଏନ୍‌.ଏ.ସି ସଂଲଗ୍ନ କୃଷି ଜିଲ୍ଲା ଅଫିସକୁ ଯଦି ଅନ୍ୟତ୍ର ସ୍ଥାନାନ୍ତର କରାଯାଇ ପାରିବ ତାହାହେଲ ସହରର ପରିସୀମା ବୃଦ୍ଧି ହେବା ସହ ଏକ ସୁନ୍ଦର ଏନ୍‌.ଏ.ସି ଗଠନ ହୋଇପାରିବ ବୋଲି କହିଥିଲେ । ସହରର ଲୋକମାନେ ଭଲ ସ୍ୱାସ୍ଥ୍ୟ ଛାତ୍ରଛାତ୍ରୀମାନେ ଉଚ୍ଚଶିକ୍ଷା , ମହିଳା ଏବଂ ପୁରୁଷ ଶ୍ରମିକମାନେ ଗମନାଗମନ କରିବା ପାଇଁ ବସର ସୁବିଧା , ବସ୍ ଟର୍ମିନାଲ, ଟ୍ରାଫିକ୍‌ର ବନ୍ଦୋବସ୍ତ, ବାଙ୍କୀ ସହରର ପ୍ରବେଶ କରୁଥିବା ଭାରିଯାନ ଗୁଡିକ ସହର ଭିତରେ ନଯାଇ ତାହା ସହରର ବାହାର ପଟେ ଏକ ବିକଳ୍ପ ବାଇପାସ୍ ରାସ୍ତା ନିର୍ମାଣ କରିବା ପାଇଁ ପ୍ରସ୍ତାବ ରଖାଯାଇଥିଲା ।ଏହି କାର୍ଯ୍ୟକ୍ରମରେ ବାଙ୍କୀ ଉପଜିଲ୍ଲାପାଳ ଦେବୀ ପ୍ରସାଦ ମହାନ୍ତି, ତହସିଲଦାର ଅଶେଷ କୁମାର ନାୟକ, ଡମପଡ଼ା ତହସିଲଦାର ସୂଚୀସ୍ମିତା ଦାଶ, ଇଲେକ୍ଟ୍ରିକ୍ ଏସ୍‌.ଡି.ଓ ସୌମ୍ୟରଞ୍ଜନ ମହାପାତ୍ର, କେନ୍ଦ୍ରୀୟ ଜୋନ୍ ଜିଲ୍ଲାପରିଷଦ ସଦସ୍ୟା ମିନତୀ ମହାପାତ୍ର, ରଗଡି ସରପଂଚ ବିଜୟ ଲକ୍ଷ୍ମୀ ମହାନ୍ତି, କାଉନସିଲର ପଠାଣୀ ବେହେରା, ସଂଜୟ ପୃଷ୍ଟି ସମେତ ସମସ୍ତ କାଉନସିଲର ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ଆରଭି ଆସୋସିଏସନର ସହର ପ୍ଳାନର ସେଫାଳୀ ସେନାପତି, ଫାଲ୍‌ଗୁନୀ ଜେନା, ଆଶାଜିନ୍ ଇଲାହୀ ଆଲିସାହା ଯୋଗଦେଇ ଆଗାମୀ ୨୦୫୧ ସୁଧା ଏନ୍‌.ଏ.ସି ପାଇଁ ରହିଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟର ଏକ ବିସ୍ତୃତ ଭୌଗୋଳିକ ନକ୍ସା ଉପସ୍ଥାପନ କରିଥିଲେ । ବାଙ୍କୀ ଏନ୍‌.ଏ.ସିର ସମସ୍ତ କର୍ମଚାରୀ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।