ଲକ୍ଷ୍ମୀନାରାୟଣ ମୋଦୀ ଛାତ୍ରାବାସ ସ୍ୱାଗତ ଉତ୍ସବ, ଭଲମଣିଷ ହୋଇ ନିଜକୁ ସମାଜରେ ପ୍ରତିଷ୍ଠିତ କର

୨୨ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ ସ୍ୱୟଂଶାସତ ମହାବିଦ୍ୟାଳୟର ଲକ୍ଷ୍ମୀନାରାୟଣ ମୋଦୀ ଓ ଆଦିବାସୀ ହରିଜନ ଛାତ୍ରାବାସର ମିଳିତ ଆନୁକୁଲ୍ୟରେ ନବାଗତ +୩ ସ୍ନାତକ ଏବଂ ପ୍ରଥମ ବର୍ଷ ସ୍ନାତକୋତ୍ତର ଛାତ୍ରମାନଙ୍କୁ ଉପଢ଼ୌକନ ଓ ଫୁଲତୋଡା ଦେଇ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି । ଆୟୋଜିତ ଉତ୍ସବରେ + ୨ ମହାବିଦ୍ୟାଳୟର ଅଧ୍ୟକ୍ଷ ପ୍ରାଧ୍ୟାପକ ସମୀର କୁମାର ମହାପାତ୍ର ସଭାପତିତ୍ୱ କରି ନୂତନ ଛାତ୍ରମାନଙ୍କୁ ସ୍ୱାଗତ ଜଣାଇଥିଲେ । ମୁଖ୍ୟଅତିଥି ଭାବେ ଅଧ୍ୟକ୍ଷ ଡକ୍ଟର ନିରଞ୍ଜନ ମହାନ୍ତି ଯୋଗଦାନ କରି ଛାତ୍ରମାନେ ଭଲ ମଣିଷ ହୋଇ ନିଜକୁ ସମାଜରେ ପ୍ରତିଷ୍ଠିତ କରିବା ପାଇଁ ପରାମର୍ଶ ଦେଇଥିଲେ ।ମୁଖ୍ୟବକ୍ତା ଭାବେ ପୂର୍ବତନ ଉପାଧ୍ୟକ୍ଷ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ଲକ୍ଷ୍ମୀନାରାୟଣ ମୋଦୀ ଛାତ୍ରାବାସର ଐତିହ୍ୟ ସଂପର୍କରେ ଆଲୋକପାତ କରିଥିଲେ । ଛାତ୍ରାବାସର ତତ୍ତ୍ୱବଧାରକ ଅଧ୍ୟାପକ ଯୁଗୋଳକିଶୋର ମଣ୍ଡଳ ସ୍ୱାଗତ ଭାଷଣ ଦେବା ସହ ଅତିଥିମାନଙ୍କର ପରିଚୟ ପ୍ର୍ରଦାନ କରିଥିଲେ । ସମ୍ମାନିତ ଅତିଥି ଭାବେ ଏକାଡେମୀ ବର୍ଷାର ଡକ୍ଟର ଶଶିଭୂଷଣ ମହାପାତ୍ର ଓ ଅଧ୍ୟାପକ ତଥା ସହକାରୀ ତତ୍ତ୍ୱାବଧାରକ ଚିନ୍ମୟଚିତ୍ତରଞ୍ଜନ , ଅତିଥିଭାବେ ଡକ୍ଟର ଶ୍ରୀକାନ୍ତ କୁମାର ଦାଶ, ଅଧ୍ୟାପକ ଚିନ୍ମୟ ତ୍ରିପାଠୀ, କିଶୋର ଚନ୍ଦ୍ର ସ୍ୱାଇଁ ଓ ସୁରଜିତ ସାହୁ ପ୍ରମୁଖ ଯୋଗଦାନ କରି ନୂତନ ଛାତ୍ରମାନଙ୍କୁ ଭଲ ପାଠ ପଢ଼ି ମହାବିଦ୍ୟାଳୟର ସୁନାମ ରକ୍ଷା କରିବା ପାଇଁ ପରାମର୍ଶ ଦେଇଥିଲେ । ଶେଷରେ ଅନ୍ୟତମ ସହକାରୀ ତତ୍ତ୍ୱାବଧାରକ ରଞ୍ଜିତ କୁମାର ରାଉତ ଧନ୍ୟବାଦ ଅର୍ପଣ କରିଥିଲେ ।