ଗଞ୍ଜେଇ ଜବତ – ୩ କୋର୍ଟ ଫରୱାର୍ଡ

୨୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ )  ଭାପୁର -> ଗଞ୍ଜେଇ ରାଜ୍ୟ ବାହାର କୁ ଚୋରା ଚାଲାଣ ବେଳେ ଫତେଗଡ ପୋଲିସ ୩ ଜଣଙ୍କୁ ମାଡିବସି ୨୯୨/୨୪ ରେ ମାମଲା ରୁଜୁ କରିବା ସହିତ ସେମାନଙ୍କୁ ଗିରଫ କରି କୋର୍ଟ ଫରୱାର୍ଡ କରିଥିବା ଥାନା ସୂତ୍ରରୁ ପ୍ରକାଶ । ଘଟଣାରୁ ପ୍ରକାଶ ଆଜି ୧୧ଟା ସମୟରେ ଫତେଗଡ ପୋଲିସ ବିଶେଷସୂତ୍ରରୁ ଖବର ପାଇଥିଲେ, ବାହାଡା ଛକରୁ ଏକ ଅଟୋରେ ୨ ଜଣ ଯୁବକ ଚୋରା ଗଞ୍ଜେଇ ଭର୍ତ୍ତି କରି ଜଟଣୀ ରେଳଷ୍ଟେସନ ଯାଉଛନ୍ତି ଏବଂ ସେଠାରୁ ଟ୍ରେନରେ ଚେନ୍ନlଇ ଯିବ ।

ପୋଲିସ ଖବର ପାଇଲାପରେ, ଭାପୁର ବିଟ୍ ହାଉସ୍ ଅଧିକାରୀ ସଞ୍ଜୟ କୁମାର ପରିଡ଼ା,ଏସ୍.ଆଇ. ଅଶୋକ କୁମାର ଜେନା ସଦଳବଳେ ଅଟୋକୁ ଭାପୁର ବାଇପାସ୍ ରାସ୍ତା ଜଙ୍କସନ୍ ନିକଟରେ ଜବତ କରି ଥାନାକୁ ଆଣିଲେ । ଅଟୋ ଯାଞ୍ଚ ବେଳେ ଭିତରୁ ୧୭.୭୦୦ କେଜି ଗଞ୍ଜେଇ ଜବତ ସହ ଚୋରା ଚାଲାଣକାରି ବାହାଡା ଗ୍ରାମର ଧନୁ ଦଳେଇ , ମନୋଜ ନାୟକ ଏବଂ ଜଟଣୀ କୁସୁମାଟି ଗ୍ରାମର ଅଟୋ ଚାଳକ ସତ୍ୟନାରାୟଣ ସାହୁକୁ ଗିରଫ କରି ଜେଲ ହାଜତକୁ ପଠା ଯାଇଥିବା ଫତେଗଡ଼ ଥାନା ସୂତ୍ରରୁପ୍ରକାଶ ।