ପୁଣ୍ୟାତ୍ମା ଖତୀବେୱାଙ୍କ ୧୧ତମ ଶ୍ରାଦ୍ଧ ବାର୍ଷିକ ଉତ୍ସବରେ ପାଠ୍ୟ ଉପକରଣ ବଣ୍ଟନ

୧୭ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ଡମପଡ଼ା ବ୍ଲକ ଅନ୍ତର୍ଗତ ଦୁଲଣାପୁର ଗ୍ରାମପଂଚାୟତର ସ୍ନେହି, ଧର୍ମପରାୟଣ ତଥା ଦୁଲଣାପୁର ଗ୍ରାମର ସୁକନ୍ୟା ଖତି ବେୱାଙ୍କ ଏକାଦଶତମ ଶ୍ରାଦ୍ଧବାର୍ଷିକରେ ସ୍କୁଲ ଛାତ୍ରଛାତ୍ରୀଙ୍କୁ ଦୁଲଣାପୁର ଗ୍ରାମପଂଚାଂୟତର ବାରବାଟୀ ସରକାରୀ ପ୍ରାଥମିକ ବିଦ୍ୟାଳୟର ୩୧ଜଣ ଛାତ୍ରଛାତ୍ରୀଙ୍କୁ ପାଠ୍ୟ ଉପକରଣ ବଣ୍ଟନ କରାଯିବା ସହ ବିସ୍କୁଟ ପ୍ରଦାନ କରାଯାଇଥିଲା ।

ସ୍ମୃତି ପରିଷଦର ସଭାପତି ତଥା ସାମାଜିକ କର୍ମୀ ନିରଞ୍ଜନ ସାହୁଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ନିମେଇଁ ଚରଣ ସାହୁ, ୱାର୍ଡ ସଭ୍ୟା ଲିପା ଦେହୁରୀ, ଯୁବଉଦ୍ୟୋଗି ନିର୍ମଳ ସାହୁ, ସମାଜସେବୀ ମୁକେଶ ରାଉତ, ଯୁବରକ୍ତଦାତା ସର୍ବେଶ୍ୱର ସାହୁ, ଅରୁଣ ଲେଙ୍କା ପ୍ରମୁଖ ଉପସ୍ଥିତ ରହି ବଣ୍ଟନ କାର୍ଯ୍ୟ ତ୍ୱରାନ୍ୱୀତ କରିଥିଲେ ।