ଓଡିଶା ତାଜା ନ୍ୟୁଜ୍ (୨୦ ଅଗଷ୍ଟ ଗୁରୁବାର) କଟକ ମାହାଙ୍ଗା :- କଟକ ମାହାଙ୍ଗା ଓଡିଶା ତାଜା ନିଉଜ, ଅଗଷ୍ଟ 20 ଗୁରୁବାର : ଘରୋଇ କଳିରୁ ଵିଭାହିତା ମହିଳାଙ୍କୁ ପାଟିରେ କନା ବିଣ୍ଡିଆ ଦେଇ କିରୋସିନ ଢାଳି ପୋଡି ହତ୍ୟା କଲେ ଶାଶୂଘର ଲୋକେ, ଖବର ପାଇ ପାଇଖାନା ଘରୁ ଅର୍ଦ୍ଧ ଦଗ୍ଧ ମୃତ ଦେହ ଉଦ୍ଧାର କରି ସ୍ୱାମୀକୁ ଅଟକ ରଖି ତଦନ୍ତ ଚଳାଇଛି ପୋଲିସ, ଏଭଳି ହୃଦୟ ବିଦାରକ ଘଟଣା ଘଟିଛି କଟକ ଜିଲ୍ଲା ମାହାଙ୍ଗା ଥାନା ମୁଳୁବସନ୍ତ ଗ୍ରାମ ଧନେଇ ଗଣ୍ଡ ଗାଁ ରେ,ଏଥିନେଇ ବାପଘର ପକ୍ଷରୁ ଥାନାରେ ହତ୍ୟା ଅଭିଯୋଗ ହୋଇଛି, ।
ମୃତ ମହିଳା ଜଣଙ୍କ ହେଲେ ଧନେଇଗଣ୍ଡ ଗାଁ ର ସନ୍ତୋଷ ଘଡେଇ ଙ୍କ ସ୍ତ୍ରୀ ମାନସୀ ଘଡେଇ। ମାନସୀ ଙ୍କ ଅର୍ଦ୍ଧ ଦଗ୍ଧ ମୃତ ଶରୀରକୁ ଏକ ନିର୍ମାଣଧୀନ ପାଇଖାନା ଘରୁ ପୋଲିସ ଉଦ୍ଧାର କରିଛି । ପାରିବାରିକ କଳହରୁ ମାନସୀ ଆତ୍ମହତ୍ୟା କରିଛନ୍ତି ବୋଲି ସ୍ୱାମୀ ସନ୍ତୋଷ କହୁଥିବା ବେଳେ ମୃତକ ଙ୍କ ଭାଇ ଅଭିଯୋଗ କରିଛନ୍ତି ଯେ ମୋର ଭଉଣୀ କୁ ମାରି ପୋଡି ଦିଆଯାଇଛି । ଏହି ଘଟଣାରେ ପୋଲିସ ମୃତକଙ୍କ ସ୍ୱାମୀ କୁ ଅଟକ ରଖି ପଚରା ଉଚାରା କରୁଛି । ପୋଲିସ ଶବ କୁ ଜବତ କରିବା ସହ ଏକ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ପଠାଇଛି । ଶବ ବ୍ୟବଚ୍ଛେଦ ପରେ ମୃତ୍ୟୁ ର ପ୍ରକୃତ କାରଣ ଜଣାପଡିବ ବୋଲି ପୋଲିସ ସୂଚନା ଦେଇଛି ।
ବିଜ୍ଞାନୀ ଅନୁସନ୍ଧାନୀ ଦଳ ଘଟଣା ସ୍ଥଳରେ ପହଂଚି ମହିଳାଙ୍କ ମୃତ୍ୟୁ କୁ ନେଇ ଛାନଭିନ କରିଥିବାବେଳେ ମୃତ ମହିଳା ଙ୍କ ମୁହଁ ରେ ଏକା କନା ର ବିଣ୍ଡିଆ ଦିଆଯାଇଥିବା ଦେଖିବାକୁ ମିଳିବା ପରେ ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ସାଧାରଣରେ ଆଲୋଚନା ହୋଇଛି, ପୋଲିସ ମୃତ ମହିଳାଙ୍କ ମୁହଁ ଭିତରୁ ବାହାର କରିଛି କନା ବିଣ୍ଡିଆ । ତେବେ ଶାଶୂଘର ଲୋକେ ପାରିବାରିକ କଳହରୁ ଏହା ଏକ ଆତ୍ମହତ୍ୟା ଘଟଣା କହୁଥିବା ବେଳେ ବାପଘର ଲୋକ ଏହା ହତ୍ୟାକାଣ୍ଡ ବୋଲି ପୋଲିସ ନିକଟରେ ଦାବିକରିଛନ୍ତି,
ଭଉଣୀ ପାଟିରେ କନା ବିଣ୍ଡିଆ ଦେଇ ମାରିବାପରେ ହାତଗୋଡ଼ ବାନ୍ଧି ପାଇଖାନା ଭିତରେ ପକେଇ କିରୋସିନ ଢାଳି ନିଆ ଲଗେଇ ଶାଶୁ ଘର ଲୋକେ ମିଶି ମାରିଦେଇଛନ୍ତି ଭାଇ ଅଭିଯୋଗ କରିଛନ୍ତି, ମୃତ ମହିଳାଙ୍କ ଦୁଇଟି ଛୋଟ ଶିଶୁ ଥିବା ଜଣାପଡିଛି, ଅପର ପକ୍ଷରେ ଏଭଳି ଅମାନୁଷିକ ହତ୍ୟାକାଣ୍ଡ ଘଟାଇଥିବା ଶାଶୁ ଘର ଲୋକ ମାନଙ୍କୁ କଠୋରରୁ କଠୋର ଦଣ୍ଡ ଦେବାକୁ ସାଧାରଣରେ ଦାବୀ ହୋଇଛି, (ମାହାଙ୍ଗାରୁ ଲଷ୍ମୀଧର ଖୁଣ୍ଟିଆ)
