ଫୁଲନଖରା ଅଞ୍ଚଳରେ କାର୍ତ୍ତିକେଶ୍ୱର ମେଢ ଭଷାଣୀ

୧୬ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) କଟକ :-> କଟକ ସଦର ଥାନା ଅନ୍ତର୍ଗତ ଫୁଲନଖରା ଏବଂ ତାର ଆଖପାଖ ଗ୍ରାମରେ କାର୍ତ୍ତିକ ମାସ ପଞ୍ଚୁକ ଠାରୁ ବିଭିନ୍ନ ଗ୍ରାମରେ ଆରମ୍ଭ ହୋଇଥିବା କାର୍ତ୍ତିକେଶ୍ୱର ମଢ଼ର ଭଷାଣୀ ଉତ୍ସବ ରବିବାର ଶାନ୍ତି ଶୃଙ୍ଖଳାରେ ଶେଷ ହୋଇଛି । ଫୁଲନଖରାର ନୂଆ କାଚରାମାଳ, ପୁରୁଣା କାଚରାମାଳ,

ଶସୋଳ, ଆଦି ଗ୍ରାମରେ ହୋଇଥିବା କାର୍ତ୍ତିକେଶ୍ୱର ମେଢ଼ର ଭଷାଣୀ ଉତ୍ସବ ଅପରାହ୍ନରୁ ଆରମ୍ଭ ହୋଇ ରାତି ୧୦ ଟାରେ ଶେଷ ହୋଇଥିଲା । ପାରମ୍ପାରିକ ବାଜାର ତାଳେ ତାଳେ ପିଲା ଏବଂ ଯୁବକମାନେ ନାଚିକୁଦି ଭଷାଣୀ ଶୋଭା ଯାତ୍ରାରେ ଯାଇଥିଲେ ।

ଶାନ୍ତି ଶୃଙ୍ଖଳା ରକ୍ଷା ପାଇଁ କଟକ ସଦର ପୋଲିସ ପକ୍ଷରୁ ବିଭିନ୍ନ ମେଢ଼ରେ ଫୋର୍ସ ମୁତୟନ କରାଯାଇଥିଲା । ନୂଆ କାଚରାମାଳ କାର୍ତ୍ତିକେଶ୍ୱର ପୂଜା କମିଟିର ସଂପାଦକ ପବିତ୍ର ବେହେରା, ସୁନିଲ କୁମାର ବେହେରା,

ପବିତ୍ର ବେହେରାଙ୍କ ସମେତ ପୂଜା କମିଟିର ସମସ୍ତ ସଦଶ୍ୟ ଯୋଗ ଦେଇ ଭଷାଣୀ କାର୍ଯ୍ୟକୁ ଶାନ୍ତି ଶୃଙ୍ଖଳାର ସହ ସମାପନ କରିଥିଲେ । ଭଷାଣୀ ଉତ୍ସବ ଦେଖିବା ପାଇଁ ବିଭିନ୍ନ ସ୍ଥାନରେ ଲୋକଙ୍କ ଭିଡ଼ ଜମିଥିଲା ।